ଲକ୍ଷ୍ନୌ: ଅଯୋଧ୍ୟାର ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ଗୁରୁତ୍ୱପୂର୍ଣ୍ଣ ବୈଠକ ଶେଷ ହୋଇଛି । ଏହି ବୈଠକରେ ମନ୍ଦିର ସହ ଜଡ଼ିତ ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା ହୋଇଛି । ଏଥିରେ ଟ୍ରଷ୍ଟର ପ୍ରଶାସନିକ ଢାଞ୍ଚାକୁ ମଜଭୁତ କରିବା ଓ ମନ୍ଦିରର ଧାର୍ମିକ କାର୍ଯ୍ୟକୁ ବ୍ୟବସ୍ଥିତ କରିବା ସହ ଜଡିତ ନିଷ୍ପତ୍ତି ନିଆଯାଇଛି । ଟ୍ରଷ୍ଟର ପରବର୍ତ୍ତି ବୈଠକ ସପ୍ଟେମ୍ୱର 2ରେ କରିବା ପାଇଁ ନିଷ୍ପତ୍ତି ନିଆଯାଇଛି ।
ରାମ ମନ୍ଦିର ଦାନ ଅର୍ଥ ଚୋରି ବିବାଦ ପରେ ମନ୍ଦିର ପରିଚାଳନାରେ ସିଇଓ ବ୍ୟବସ୍ଥା କରାଯିବାର ଅଛି । ଟ୍ରଷ୍ଟ ପକ୍ଷରୁ ସିଇଓ ପଦ ପାଇଁ ଆବେଦନ ଆମନ୍ତ୍ରଣ କରାଯାଇଥିଲା । ନିର୍ଦ୍ଧାରିତ ତାରିଖ ସୁଦ୍ଧା ମୋଟ ୫୨୦୦ ଆବେଦନ ମିଳିଛି । ଏତେ ବଡ଼ ସଂଖ୍ୟାରେ ଆବେଦନର ଯାଞ୍ଚ ଓ ଯୋଗ୍ୟ ପ୍ରାର୍ଥୀ ଚୟନ ପାଇଁ ଏକ ମାସର ଅତିରିକ୍ତ ସମୟ ମଗାଯାଇଛି । ଟ୍ରଷ୍ଟର କହିବା କଥା, ଏହି ଆବେଦନଗୁଡ଼ିକର ନିରପେକ୍ଷ ଏବଂ ପାରଦର୍ଶୀ ଯାଞ୍ଚ ପାଇଁ ଅତିରିକ୍ତ ସମୟ ଦରକାର ।
Read Also:ରାମ ମନ୍ଦିର ଦାନ ଚୋରିକୁ ସୁପ୍ରିମକୋର୍ଟ କହିଲେ-ଅପରାଧିକ ମାମଲା, ରାଜନୀତି କରନି
ବୈଠକରେ ଜଣେ ସଚିବଙ୍କ ନିଯୁକ୍ତିକୁ ଅନୁମୋଦନ କରାଯାଇଛି । ଗଣମାଧ୍ୟମ ଏବଂ ଜନସାଧାରଣଙ୍କ ସହ ଯୋଗାଯୋଗ ପାଇଁ ଜଣେ ମୁଖପାତ୍ରଙ୍କୁ ନିଯୁକ୍ତି ଦେବାକୁ ମଧ୍ୟ ନିଷ୍ପତ୍ତି ନିଆଯାଇଛି । ତେବେ, ଟ୍ରଷ୍ଟରେ ନୂତନ ନିଯୁକ୍ତି ସମ୍ପର୍କରେ କୌଣସି ଚୂଡ଼ାନ୍ତ ନିଷ୍ପତ୍ତି ନିଆଯାଇନାହିଁ । କେବଳ ଆଲୋଚନା ହୋଇଛି, ଏବଂ ପରବର୍ତ୍ତୀ ପ୍ରକ୍ରିୟା ପରେ ନିଷ୍ପତ୍ତି ନିଆଯିବ ।
SIT ରିପୋର୍ଟ ଉପରେ ଆଲୋଚନା ହୋଇନାହିଁ
ମନ୍ଦିର ପରିଚାଳନାରେ କୌଣସି ବଡ଼ ପରିବର୍ତ୍ତନ ସମ୍ପର୍କରେ ବୈଠକରେ କୌଣସି ନିଷ୍ପତ୍ତି ନିଆଯାଇ ନାହିଁ । ଟ୍ରଷ୍ଟ ସ୍ପଷ୍ଟ କରିଛି ଯେ ମନ୍ଦିରରେ ଯେକୌଣସି ପରିବର୍ତ୍ତନ ସମ୍ପର୍କରେ ନିଷ୍ପତ୍ତି କେବଳ ଏକ କମିଟି ଗଠନ ହେବା ପରେ ନିଆଯିବ । ଏହା ବ୍ୟତୀତ, ମନ୍ଦିରରେ ଚୋରି ଘଟଣାର ତଦନ୍ତ କରୁଥିବା ଏସଆଇଟି ରିପୋର୍ଟ ଉପରେ କୌଣସି ଆଲୋଚନା ହୋଇନାହିଁ ।
ସାଧୁସନ୍ଥଙ୍କ ଉପରେ ଧାର୍ମିକ କାର୍ଯ୍ୟର ଦାୟିତ୍ୱ
ବୈଠକର ସବୁଠାରୁ ଗୁରୁତ୍ୱପୂର୍ଣ୍ଣ ଦିଗଟି ଧାର୍ମିକ କାର୍ଯ୍ୟକଳାପ ସହିତ ଜଡିତ ଥିଲା । ଟ୍ରଷ୍ଟର କୋଷାଧ୍ୟକ୍ଷ ସ୍ୱାମୀ ଗୋବିନ୍ଦ ଦେବଙ୍କ ଅନୁଯାୟୀ, ମନ୍ଦିରର ଧାର୍ମିକ କାର୍ଯ୍ୟକଳାପର ସମ୍ପୂର୍ଣ୍ଣ ଦାୟିତ୍ୱ ଅଯୋଧ୍ୟାର ସନ୍ଥମାନଙ୍କ ଉପରେ ନ୍ୟସ୍ତ କରାଯିବ । ଏଥିପାଇଁ ପାଞ୍ଚ ଜଣ ସନ୍ଥଙ୍କ ଏକ ଧାର୍ମିକ କମିଟି ଗଠନ କରାଯିବ । ଏହି କମିଟିରେ କମଳ ନୟନ ଦାସ ମହାରାଜଙ୍କ ସମେତ ପାଞ୍ଚ ଜଣ ସନ୍ଥ ରହିବେ ।