ରାଞ୍ଚି: ରାଞ୍ଚିରେ ରୋ-କୋଙ୍କ ରେକର୍ଡ। ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଦିନିକିଆ ମ୍ୟାଚ୍ରେ ରୋହିତ ଓ ବିରାଟ ବ୍ୟାଟିଂକୁ ଓହ୍ଲାଇବା ମାତ୍ରେ ସର୍ବାଧିକ ଅନ୍ତର୍ଜାତୀୟ ମ୍ୟାଚ୍ ଖେଳିଥିବା ଭାରତୀୟ ଯୋଡ଼ି ହେବାର ଏକ ନିଆରା ରେକର୍ଡ କରିଛନ୍ତି। ଏହି ଯୋଡ଼ି ଏକାଠି ୩୯୨ଟି ଅନ୍ତର୍ଜାତୀୟ ମ୍ୟାଚ୍ ଖେଳିବାର ଗୌରବ ଅର୍ଜନ କରିଛନ୍ତି। ଏପରି କରି ସେ ସଚିନ ତେନ୍ଦୁଲକର ଓ ରାହୁଲ ଦ୍ରାବିଡ଼ଙ୍କ ଯୋଡ଼ିର ରେକର୍ଡ ଭାଙ୍ଗି ଦେଇଛନ୍ତି। ଏହା ପୂର୍ବରୁ ସଚିନ ଓ ଦ୍ରାବିଡ଼ ଏକାଠି ୩୯୧ଟି ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ।

ଅଷ୍ଟ୍ରେଲିଆରେ ଦିନିକିଆ ସିରିଜ୍ ଖେଳିବାର ମାସକ ପରେ କୋହଲି ଏବଂ ରୋହିତଙ୍କ ଯୋଡି ଭାରତୀୟ ଦଳକୁ ଫେରିଛନ୍ତି। ରାଞ୍ଚିରେ ଖେଳିବା ମାତ୍ରେ ଏହି ଯୋଡ଼ି ସର୍ବାଧିକ ଅନ୍ତର୍ଜାତୀୟ ମ୍ୟାଚ୍ ଖେଳିବାର ରେକର୍ଡ କରିଛନ୍ତି। ତେବେ କୋହଲି ଦୁଇଥର ସର୍ବାଧିକ ଅନ୍ତର୍ଜାତୀୟ ମ୍ୟାଚ୍ ଖେଳିଥିବା ଭାରତୀୟ ଯୋଡ଼ିଙ୍କ ତାଲିକାରେ ନିଜକୁ ସ୍ଥାନିତ କରିଛନ୍ତି। କାରଣ ରାଞ୍ଚି ଦିନିକିଆରକେ ରବିନ୍ଦ୍ର ଜାଡ଼େଜା ବି ଖେଳୁଛନ୍ତି। ଆଉ ବିରାଟ ଜାଡ଼େଜାଙ୍କ ସହିତ ୩୦୯ ଟି ମ୍ୟାଚ୍ ଅନ୍ତର୍ଜାତୀୟ ମ୍ୟାଚ୍ ଖେଳୁଛନ୍ତି।

ସର୍ବାଧିକ ଆନ୍ତର୍ଜାତୀୟ ମ୍ୟାଚ୍ ଖେଳିଥିବା ଭାରତୀୟ ଯୋଡ଼ି
ବିରାଟ କୋହଲି / ରୋହିତ ଶର୍ମା – ୩୯୨ ମ୍ୟାଚ୍
ସଚିନ ତେନ୍ଦୁଲକର / ରାହୁଲ ଦ୍ରାବିଡ – ୩୯୧ ମ୍ୟାଚ୍
ରାହୁଲ ଦ୍ରାବିଡ / ସୌରଭ ଗାଙ୍ଗୁଲି – ୩୬୯ ମ୍ୟାଚ୍
ସଚିନ ତେନ୍ଦୁଲକର / ଅନିଲ କୁମ୍ବଲେ – ୩୬୭ ମ୍ୟାଚ୍
ସଚିନ ତେନ୍ଦୁଲକର / ସୌରଭ ଗାଙ୍ଗୁଲି – ୩୪୧ ମ୍ୟାଚ୍
ବିରାଟ କୋହଲି / ରବିନ୍ଦ୍ର ଜାଡେଜା – ୩୦୯ ମ୍ୟାଚ୍
ଅନ୍ତର୍ଜାତୀୟ କ୍ରିକେଟରେ କୋହଲି ଏବଂ ରୋହିତଙ୍କ ଭବିଷ୍ୟତ ବର୍ତ୍ତମାନ ଆଲୋଚନାର ବିଷୟ ହୋଇ ରହିଛି। କାରଣ ଅନେକ ଲୋକ ଭାବୁଛନ୍ତି ଯେ ଏହି ଯୋଡ଼ି ୨୦୨୭ ବିଶ୍ୱକପ୍ ପର୍ଯ୍ୟନ୍ତ ଖେଳିପାରିବେ କି ନାହିଁ। ଯଦି ସେମାନେ ୨୦୨୭ ପର୍ଯନ୍ତ ଖେଳ ଜାରି ରଖନ୍ତି ତେବେ ଏକ ଯୋଡ଼ି ଭାବରେ ଉଭୟ ଖେଳାଳି ୪୦୦ ମ୍ୟାଚ୍ କ୍ଲବରେ ପ୍ରବେଶ କରିବାର ସୁଯୋଗ ଅଛି।
ସର୍ବାଧିକ ଆନ୍ତର୍ଜାତୀୟ ମ୍ୟାଚ୍ ଖେଳିଥିବା ଯୋଡ଼ି
୫୫୦ - ମହେଲା ଜୟବର୍ଦ୍ଧନେ ଏବଂ କୁମାର ସାଙ୍ଗାକାରା (ଶ୍ରୀଲଙ୍କା)
୪୨୬ - ମହେଲା ଜୟବର୍ଦ୍ଧନେ ଏବଂ ତିଲକରତ୍ନେ ଦିଲଶାନ୍ (ଶ୍ରୀଲଙ୍କା)
୪୧୮ - କୁମାର ସାଙ୍ଗାକାରା ଏବଂ ତିଲକରତ୍ନେ ଦିଲଶାନ୍ (ଶ୍ରୀଲଙ୍କା)
୪୦୮ - ସନଥ ଜୟସୁରିୟା ଏବଂ ମୁଥିୟା ମୁରଲିଧରନ (ଶ୍ରୀଲଙ୍କା)
୪୦୭ - ଜ୍ୟାକ୍ କାଲିସ୍ ଏବଂ ମାର୍କ ବାଉଚର (ଦକ୍ଷିଣ ଆଫ୍ରିକା)
୩୯୨* - ରୋହିତ ଶର୍ମା ଏବଂ ବିରାଟ କୋହଲି (ଭାରତ)
​​​​​​​ଜ୍ୟାକ୍ କାଲିସକୁ ପଛରେ ପକାଇଲେ କୋହଲି
ଭାରତ ବିପକ୍ଷ ଦକ୍ଷିଣ ଆଫ୍ରିକା ଦିନିକିଆରେ କୋହଲି ତୃତୀୟ ସର୍ବାଧିକ ରନ୍ ସଂଗ୍ରହକାରୀ ହୋଇଛନ୍ତି। ଆଜିର ମ୍ୟାଚ୍‌ରେ ଜ୍ୟାକ୍‌ କାଲିସକୁ ପଛରେ ପକାଇବାକୁ ତାଙ୍କୁ ୩୨ ରନ୍ ଆବଶ୍ୟକ ଥିଲା। ଯାହାକୁ ସେ ହାସଲ କରି ନେଇଛନ୍ତି। ଭାରତ ଆଜି ୨୫ ରନ୍‌ରେ ଗୋଟିଏ ୱିକେଟ ହରାଇ ସଙ୍କଟରେ ପଡ଼ିଥିବା ବେଳେ ବିରାଟ ଆଜି ରୋହିତଙ୍କ ସହ ମିଶି ଦଳର ସ୍ଥିତି ସମ୍ଭାଳିଥିଲେ। ରୋ-କୋ ଯୋଡ଼ି ଭାରତକୁ ଏକ ମଜଭୁତ ପାର୍ଟନର୍ସିପ୍ ଦେଇଥିଲେ। ତା ସହିତ ସର୍ବାଧିକ ଅନ୍ତର୍ଜତାୟୀ ମ୍ୟାଚ୍‌ ଖେଳିଥିବାର ଭାରତୀୟ ଯୋଡ଼ି ହୋଇଥିଲେ।
ଭାରତ-ଦକ୍ଷିଣ ଆଫ୍ରିକା ଦିନିକିଆରେ ସର୍ବାଧିକ ରନ
୧. ସଚିନ ତେନ୍ଦୁଲକର - ୨୦୦୧ ରନ
୨. ବିରାଟ କୋହଲି - ୧୫୩୬* ରନ
୩. ଜ୍ୟାକ୍ କାଲିସ୍ - ୧୫୩୫ ରନ
୪. ଗ୍ୟାରି କର୍ଷ୍ଟେନ - ୧୩୭୭ ରନ
୫. ଏବି ଡିଭିଲିୟର୍ସ - ୧୩୫୭ ରନ