କଟକ: ଅସଲି ନାଁରେ ମିଳୁଛି ନକଲି ଘର ତିଆରି ସାମଗ୍ରୀ। ଅଭିଯୋଗ ଆସିବା ପରେ ପୋଲିସ ସହାୟତାରେ ଚଢ଼ଉ କରି ନକଲି ସାମଗ୍ରୀ ଜବତ କରିବା ସହ ଦୋକନୀଙ୍କୁ ଅଟକ ରଖି ତଦନ୍ତ କରୁଛି ପୋଲିସ। କଟକ ଚୌଦ୍ବାର ଅଞ୍ଚଳରେ ସାମ୍ନାକୁ ଆସିଛି ଏଭଳି ଘଟଣା।

ସୂଚନା ଅନୁସାରେ, ରବିବାର ଚୌଦ୍ବାର ଓଟିଏମ ବଜାରରେ ଥିବା ଜଗନ୍ନାଥ ଟ୍ରେଡର ନାମକ ଏକ ଘରୋଇ ବ୍ୟବସାୟିକ ପ୍ରତିଷ୍ଠାନରେ ଚଢାଉ କରି ଲକ୍ଷାଧିକ ଟଙ୍କାର ନକଲି ପ୍ରୋଫାଇଲ୍ ସିଟ୍ ଜବତ କରାଯାଇଛି। ଏସବୁରେ ଜିନ୍ଦଲ ଷ୍ଟିଲର ନାଁ ରହିଥିଲା। ମାତ୍ର ଏସବୁ ନକଲି। ଅଭିଯୋଗ ହୋଇଛି ଦୀର୍ଘ ଦିନ ହେବ ଚୌଦ୍ବାର ଅଞ୍ଚଳରେ ନାମୀ ଦାମୀ କମ୍ପାନୀର ନକଲି ଘର ତିଆରି ଉପକରଣ ବିକ୍ରି କରି ବ୍ୟବସାୟୀ ଜଣଙ୍କ ଭଲ ମୁନାଫା କମାଉଥିଲେ।

ଏମିତିରେ ଅଭିଯୋଗ ପାଇବା ପରେ ଜିନ୍ଦଲ ଷ୍ଟିଲ ଓ ପୋଲିସ ପକ୍ଷରୁ ଚଢ଼ାଉ କରାଯାଇ ଲକ୍ଷାଧିକ ଟଙ୍କାର ପ୍ରୋଫାଇଲ୍ ସିଟ ଜବତ୍ କରିବା ସହିତ ବ୍ୟବସାୟୀଙ୍କୁ ଅଟକ ରଖି ତଦନ୍ତ କରୁଛି ଚୌଦ୍ଵାର ପୋଲିସ।