ନୂଆଦିଲ୍ଲୀ ୧୬।୦୭; ଲୋକପ୍ରିୟ ଟିଭି ଅଭିନେତ୍ରୀ ଜେନିଫର ୱିଙ୍ଗେଟ୍। ତାଙ୍କ ପ୍ରଶଂସକମାନଙ୍କ ପାଇଁ ଏକ ବଡ଼ ଖବର। ଜେନିଫର ତାଙ୍କ ବ୍ୟକ୍ତିଗତ ଜୀବନରେ ଏକ ନୂତନ ଅଧ୍ୟାୟ ଆରମ୍ଭ କରିବାକୁ ପ୍ରସ୍ତୁତ। ଅଭିନେତ୍ରୀ ଆଜି ଗୁରୁବାର (ଜୁଲାଇ ୧୬, ୨୦୨୬) ବିବାହ ବନ୍ଧନରେ ଆବଦ୍ଧ ହେଉଛନ୍ତି। ଏହା ୟୁନାଇଟେଡ୍ କିଙ୍ଗଡମ୍ (ୟୁକେ)ରେ ଅନୁଷ୍ଠିତ ଏକ ପ୍ରାଇଭେଟ 'ହ୍ଵାଇଟ୍ ୱେଡିଂ' ହେବ। କେବଳ ପରିବାର ସଦସ୍ୟ ଏବଂ କିଛି ଅତି ନିକଟତର ବନ୍ଧୁ ଏହି ଉତ୍ସବରେ ଯୋଗଦେବେ।

ଜେନିଫର ବିବାହ କରିବାର ହଠାତ୍ ନିଷ୍ପତ୍ତି ଇଣ୍ଟରନେଟରେ ଚର୍ଚ୍ଚା ସୃଷ୍ଟି କରିଥିବା ବେଳେ, ସମସ୍ତେ ବର କିଏ ତାହା ଜାଣିବାକୁ ଉତ୍ସୁକ। ଜେନିଫର ସିଙ୍ଗାପୁରର ଜଣେ ବ୍ୟବସାୟୀ ୱିଲିୟମ୍ ଇସମାଇଲଙ୍କୁ ବିବାହ କରୁଛନ୍ତି। ସେ ମିଡିଆ ଲାଇମଲାଇଟ୍ ଏବଂ ଗ୍ଲାମରରୁ ସମ୍ପୂର୍ଣ୍ଣ ଦୂରରେ ରହିବାକୁ ପସନ୍ଦ କରନ୍ତି। ରିପୋର୍ଟ ଅନୁଯାୟୀ,ଜେନିଫର ଏବଂ ୱିଲିୟମ୍ ବହୁତ ଦିନ ଧରି ଡେଟିଂ କରୁଛନ୍ତି। ୱିଲିୟମ୍ ଏକ ଛୁଟି ସମୟରେ ଜେନିଫରଙ୍କୁ ପ୍ରପୋଜ କରିଥିଲେ ଏବଂ ସେ ତୁରନ୍ତ ହଁ କହିଥିଲେ।

ଜେନିଫର ୱିଙ୍ଗେଟ୍ ଏହି ଖ୍ରୀଷ୍ଟିଆନ୍ ବିବାହ ପାଇଁ ବହୁତ ଦିନ ଧରି ପ୍ରସ୍ତୁତି ଚଳାଇଛନ୍ତି। ଏହି ଗୁରୁତ୍ୱପୂର୍ଣ୍ଣ ଦିନରେ, ସେ ପ୍ରସିଦ୍ଧ ବ୍ରାଇଡାଲ୍ ବ୍ରାଣ୍ଡ 'କାର୍ଲିଓ'ର ଏକ ଆକର୍ଷଣୀୟ ଧଳା ବ୍ରାଇଡାଲ୍ ଗାଉନ୍ ପିନ୍ଧିବେ। ଏହି ବ୍ୟକ୍ତିଗତ ବିବାହରେ ସାମିଲ ହେବା ପାଇଁ ତାଙ୍କର ନିକଟତମ ବନ୍ଧୁ ଜେନେଲିଆ ଦେଶମୁଖ ଏବଂ ହାରଲିନ୍ ସେଟ୍ଟିଙ୍କୁ ମଧ୍ୟ ନିମନ୍ତ୍ରଣ କରାଯାଇଛି।

୧୨ ବର୍ଷ ପରେ ଜେନିଫର ପୁଣି ଥରେ ବିବାହ କରୁଛନ୍ତି

ଜେନିଫର ବ୍ୟକ୍ତିଗତ ଜୀବନ ସର୍ବଦା ଚର୍ଚ୍ଚାରେ ରହି ଆସିଛି। ସେ ପୂର୍ବରୁ ତାଙ୍କର ଦିଲ୍ ମିଲ୍ ଗୟେ ସହ-କଳାକାର କରଣ ସିଂହ ଗ୍ରୋଭରଙ୍କ ସହିତ ୯ ଏପ୍ରିଲ୍ ୨୦୧୨ରେ ବିବାହ କରିଥିଲେ। କିନ୍ତୁ ଏହି ସମ୍ପର୍କ ଅଧିକ ସମୟ ପର୍ଯ୍ୟନ୍ତ ରହିପାରିଲା ନାହିଁ ଏବଂ ଉଭୟଙ୍କ ୨୦୧୪ରେ ଛାଡପତ୍ର ହୋଇଗଲା। ତାଙ୍କ ପ୍ରଥମ ବିବାହର ୧୨ ବର୍ଷ ପରେ, ଜେନିଫର ଜୀବନକୁ ଆଉ ଏକ ସୁଯୋଗ ଦେବାକୁ ନିଷ୍ପତ୍ତି ନେଇଛନ୍ତି । ଏବେ ୱିଲିୟମ୍ ଇସମାଇଲ୍ ସହିତ ଏକ ନୂତନ ଆରମ୍ଭ କରିବାକୁ ପ୍ରସ୍ତୁତ। ପ୍ରଶଂସକମାନେ ମଧ୍ୟ ତାଙ୍କ ପ୍ରିୟ ଷ୍ଟାରଙ୍କୁ ତାଙ୍କ ଜୀବନର ଏହି ନୂତନ ଯାତ୍ରା ପାଇଁ ସୋସିଆଲ ମିଡିଆରେ ଅଭିନନ୍ଦନର ବର୍ଷା କରୁଛନ୍ତି।