ଜେରୁଜେଲମ ୩୦।୧୧: ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁ ତାଙ୍କ ବିରୋଧରେ ଆସିଥିବା ଦୁର୍ନୀତି ଅଭିଯୋଗରେ ରବିବାର ରାଷ୍ଟ୍ରପତି ଆଇଜ୍ୟାକ୍ ହର୍ଜୋଗଙ୍କୁ କ୍ଷମାନିବେଦନ କରିଛନ୍ତି। ରାଷ୍ଟ୍ରପତିଙ୍କ କାର୍ଯ୍ୟାଳୟ ପକ୍ଷରୁ କରାଯାଇଥିବା ଘୋଷଣା ଅନୁସାରେ ଭ୍ରଷ୍ଟାଚାର ଆରୋପରେ ପ୍ରଧାନମନ୍ତ୍ରୀ ଅଧିକାରୀକ ଭାବେ ରାଷ୍ଟ୍ରପତିଙ୍କୁ କ୍ଷମା ନିବେଦନ କରିଛନ୍ତି। ପ୍ରଧାନମନ୍ତ୍ରୀଙ୍କ କ୍ଷମା ନିବେଦନକୁ ରାଷ୍ଟ୍ରପତିଙ୍କ କାର୍ଯ୍ୟାଳୟ ପକ୍ଷରୁ ଗ୍ରହଣ କରାଯାଇଥିବା ବେଳେ ଏହାକୁ ଏକ ଖାସ ପିଟିସନ ବୋଲି କୁହାଯାଇଛି।

ରାଷ୍ଟ୍ରପତିଙ୍କକାର୍ଯ୍ୟାଳୟ ପକ୍ଷରୁ ଜାରି ବୟାନରେ କୁହାଯାଇଛି ଯେ ଏହି କ୍ଷମା ନିବେଦନର ପରିଣାମ ଦୂରଗାମୀ ହେବ। ମାମଲାରେ ସବୁ ଜରୁରି ଆକଳନ ମିଳିବା ପରେ ରାଷ୍ଟ୍ରପତି ଏହାକୁ ଧ୍ୟାନର ସହ ବୁଝି ବିଚାରୀ ପଦକ୍ଷେପ ନେବେ। ଚଳିତମାସ ପ୍ରାରମ୍ଭରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇସ୍ରାଏଲ ରାଷ୍ଟ୍ରପତି ହର୍ଜୋଗଙ୍କୁ ପତ୍ର ଲେଖି ପ୍ରଧାନମନ୍ତ୍ରୀଙ୍କୁ କ୍ଷମା କରିବା ପାଇଁ ଅନୁରୋଧ କରିଥିଲେ। ତେବେ ନେତନ୍ୟାହୁ ତାଙ୍କ ବିରୋଧରେ ଜାରି ଆଇନଗତ କାର୍ଯ୍ୟାନୁଷ୍ଠାନରେ ଏ ପର୍ଯ୍ୟନ୍ତ ନିଜକୁ ନିର୍ଦ୍ଦୋଶ ବୋଲି କହି ଆସୁଛନ୍ତି।