ଆଇପିଏଲ୍ ୨୦୨୬ ପରେ ରାଜସ୍ଥାନ ରୟାଲ୍ସ (RR) ର ୧୫ ବର୍ଷୀୟ ଯୁବ ବ୍ୟାଟ୍ସମ୍ୟାନ୍ ବୈଭବ ସୂର୍ଯ୍ୟବଂଶୀ ଏବଂ ଗୁଜରାଟ ଟାଇଟନ୍ସ (GT) ର ଦ୍ରୁତ ବୋଲର କାଗିସୋ ରାବାଡ଼ାଙ୍କ ଜଲୱା ଦେଖିବାକୁ ମିଳିଛି। ବିଶେଷ କରି ବୈଭବ ଚଳିତ ସିଜନରେ ନିଜର ଅବିଶ୍ୱସନୀୟ ବ୍ୟାଟିଂ ବଳରେ ଅନେକ ବଡ଼ ରେକର୍ଡ ନିଜ ନାମରେ କରିଛନ୍ତି।

୧. ବୈଭବ ସୂର୍ଯ୍ୟବଂଶୀଙ୍କ ଐତିହାସିକ ସଫଳତା

  ପୁରସ୍କାର ବର୍ଷା: ରାଜସ୍ଥାନ ରୟାଲ୍ସର ବୈଭବ ସୂର୍ଯ୍ୟବଂଶୀ ଚଳିତ ଆଇପିଏଲ୍‌ରେ 'ମୋଷ୍ଟ ଭାଲ୍ୟୁଏବଲ୍ ପ୍ଲେୟାର' (MVP), 'ଅରେଞ୍ଜ କ୍ୟାପ୍' (ସର୍ବାଧିକ ରନ୍) ଏବଂ 'ଇମର୍ଜିଙ୍ଗ ପ୍ଲେୟାର' (Emerging Player) ପୁରସ୍କାର ଜିତିଛନ୍ତି।

  ରନ୍ ଓ ଛକା ରେକର୍ଡ: ସେ ୧୬ଟି ଇନିଂସରେ ୨୩୭.୩୦ର ଅଦ୍ଭୁତ ଷ୍ଟ୍ରାଇକ୍ ରେଟ୍‌ରେ ସମୁଦାୟ ୭୭୬ ରନ୍ ସଂଗ୍ରହ କରିଛନ୍ତି। ଏହି ସିଜନରେ ସେ ୭୨ଟି ଛକା ମାରି କ୍ରିସ୍ ଗେଲ୍‌ଙ୍କ ପୁରୁଣା ଆଇପିଏଲ ରେକର୍ଡ ଭାଙ୍ଗି ଦେଇଛନ୍ତି।

  ଅଦ୍ଭୁତ ମାଇଲଖୁଣ୍ଟ: ଆଇପିଏଲ ଇତିହାସରେ ସେ ପ୍ରଥମ ଖେଳାଳି ଭାବେ ଗୋଟିଏ ସିଜନରେ ଉଭୟ MVP ଏବଂ ଇମର୍ଜିଙ୍ଗ ପ୍ଲେୟାର ଆୱାର୍ଡ ଜିତିଛନ୍ତି। ଏହା ସହ ୨୦୧୧ରେ ଗେଲ୍‌ଙ୍କ ପରେ ସେ ପ୍ରଥମ ବ୍ୟାଟ୍ସମ୍ୟାନ୍ ଭାବେ ରନ୍ ଏବଂ ଷ୍ଟ୍ରାଇକ୍ ରେଟ୍ ଉଭୟ ତାଲିକାର ଶୀର୍ଷରେ ରହିଛନ୍ତି।

  ଟିମ୍ ସଫଳତା: ଚଣ୍ଡୀଗଡ଼ରେ ଖେଳାଯାଇଥିବା କ୍ୱାଲିଫାୟର୍-୨ ମ୍ୟାଚ୍‌ରେ ଗୁଜରାଟ ଟାଇଟନ୍ସଠାରୁ ହାରିବା ପୂର୍ବରୁ ରାଜସ୍ଥାନକୁ ପ୍ଲେ-ଅଫ୍‌ରେ ପହଞ୍ଚାଇବାରେ ସେ ମୁଖ୍ୟ ଭୂମିକା ଗ୍ରହଣ କରିଥିଲେ।

୨. ପର୍ପଲ୍ କ୍ୟାପ୍ ଏବଂ ଅରେଞ୍ଜ କ୍ୟାପ୍‌ର ଅନ୍ୟ ଦାବିଦାର

  କାଗିସୋ ରାବାଡ଼ା (ପର୍ପଲ୍ କ୍ୟାପ୍): ଗୁଜରାଟ ଟାଇଟନ୍ସର ଏହି ଦ୍ରୁତ ବୋଲର ୧୭ଟି ମ୍ୟାଚ୍‌ରୁ ୯.୬୮ ଇକୋନୋମିରେ ୨୯ଟି ୱିକେଟ୍ ନେଇ ପର୍ପଲ୍ କ୍ୟାପ୍ ହାସଲ କରିଛନ୍ତି। ୨୦୨୦ ପରେ (ଦିଲ୍ଲୀ କ୍ୟାପିଟାଲ୍ସ ପାଇଁ ୩୦ ୱିକେଟ୍) ସେ ଦ୍ୱିତୀୟ ଥର ପାଇଁ ଏହି ସଫଳତା ପାଇଛନ୍ତି।

  ଭୁବନେଶ୍ୱର କୁମାର: ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଭୁବନେଶ୍ୱର କୁମାର ୨୮ଟି ୱିକେଟ୍ ସହ ପର୍ପଲ୍ କ୍ୟାପ୍ ରେସରେ ଦ୍ୱିତୀୟ ସ୍ଥାନରେ ରହିଥିଲେ।

  ଶୁବମନ ଗିଲ୍ ଓ ସାଈ ସୁଦର୍ଶନ: ଗୁଜରାଟର ଅଧିନାୟକ ଶୁବମନ ଗିଲ୍ ୭୩୨ ରନ୍ ସହ ଅରେଞ୍ଜ କ୍ୟାପ୍ ତାଲିକାରେ ଦ୍ୱିତୀୟ ଏବଂ ତାଙ୍କ ଓପନିଂ ପାର୍ଟନର ସାଈ ସୁଦର୍ଶନ ୭୨୨ ରନ୍ ସହ ତୃତୀୟ ସ୍ଥାନରେ ରହି ସିଜନ୍ ଶେଷ କରିଛନ୍ତି।

୩. "ଚାପ ସହ ଖେଳିବା ମୋର ଶିକ୍ଷା" - ବୈଭବ

  ପୁରସ୍କାର ଗ୍ରହଣ କରିବା ପରେ ବୈଭବ କହିଛନ୍ତି, "ବହୁତ ଭଲ ଲାଗୁଛି, କିନ୍ତୁ ଅନେକ ଇଣ୍ଟରଭ୍ୟୁ ଦେବାକୁ ପଡ଼ୁଥିବାରୁ ସାମାନ୍ୟ ଚାପ ମଧ୍ୟ ଅନୁଭବ ହେଉଛି। ଏହା ଏକ ଗର୍ବର ମୁହୂର୍ତ୍ତ ଏବଂ ଆଗାମୀ ସିଜନରେ ମଧ୍ୟ ମୁଁ ଏହି ପ୍ରଦର୍ଶନ ଜାରି ରଖିବାକୁ ଚେଷ୍ଟା କରିବି।"

  "ଚାପ ସମୟରେ କିପରି ଖେଳିବାକୁ ହେବ, ସ୍ଥିତି ଅନୁଯାୟୀ ନିଜ ଖେଳକୁ କିପରି ବଦଳାଇବାକୁ ହେବ ଏବଂ ଦଳର ଆବଶ୍ୟକତା ଅନୁସାରେ କିପରି ରଣନୀତି ପ୍ରସ୍ତୁତ କରିବାକୁ ହେବ, ତାହା ହିଁ ଚଳିତ ସିଜନରୁ ମୋର ସବୁଠାରୁ ବଡ଼ ଶିକ୍ଷା।"

  ସେ ଆହୁରି ମଧ୍ୟ କହିଛନ୍ତି ଯେ ଲମ୍ବା ସମୟ ପର୍ଯ୍ୟନ୍ତ କ୍ରିକେଟ୍ ଖେଳିବା ପାଇଁ ସେ Injuries ଦୂରେଇ ରହିବା ଏବଂ ନିଜର ଫିଟନେସ୍ ଉପରେ ସବୁଠାରୁ ଅଧିକ ଧ୍ୟାନ ଦେଉଛନ୍ତି।

୪. ବୈଭବଙ୍କୁ ନେଇ ସଚିନ ତେନ୍ଦୁଲକରଙ୍କ ବଡ଼ ବୟାନ

  ଆଇପିଏଲ୍ ଫାଇନାଲ୍ ପୂର୍ବ ସନ୍ଧ୍ୟାରେ ଆୟୋଜିତ 'କ୍ରିକଇନଫୋ ଅନର୍ସ' (Cricinfo Honours) ଆୱାର୍ଡ୍ସରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ବୈଭବଙ୍କୁ ‘ବାସ୍ତବରେ ଜଣେ ଅସାଧାରଣ ଖେଳାଳି’ ବୋଲି ବର୍ଣ୍ଣନା କରିଥିଲେ।

  ସଚିନ କହିଥିଲେ, "ମୁଁ ତାଙ୍କ ବ୍ୟାଟିଂ ଦେଖିଛି, ତାହା ଅତ୍ୟନ୍ତ ଚମତ୍କାର ଥିଲା। କେବଳ ବଲ୍‌କୁ ପ୍ରହାର କରିବା ନୁହେଁ, ବରଂ ତାଙ୍କର Wrist work ମତେ ବେଶ୍ ଆକର୍ଷିତ କରିଛି। ପଡ଼ିଆର ସବୁ ଦିଗକୁ ଶଟ୍ ଖେଳିବା ପାଇଁ ଏଭଳି ରିଷ୍ଟ-ୱର୍କ ଆବଶ୍ୟକ।"

  ସଚିନ ଆହୁରି ମଧ୍ୟ କହିଛନ୍ତି ଯେ ବୈଭବ କୌଣସି slogging ସଟ୍ ଖେଳୁନାହାନ୍ତି, ବରଂ ଅନ୍ୟମାନଙ୍କ ଅପେକ୍ଷା ବଲ୍‌ର ଲାଇନ୍ ଏବଂ ଲେନ୍ଥକୁ ବହୁତ ଆଗୁଆ ପଢ଼ି ସହଜରେ ବାଉଣ୍ଡାରୀ ପାର୍ କରୁଛନ୍ତି।