ପାଟଣା: ଶାଳୀ ଘରେ ଭିଣୋଇର ଅଜବ କାଣ୍ଡ । ଧାର୍ ଟଙ୍କା ମାଗିବରାୁ ନଦେବାରୁ ତାତିଗଲା ଭିଣୋଇ । ହରାଇ ବସିଲା ନିଜର ମାସିନିକ ସନ୍ତୁଳନ । ଘଟାଇଗଲା ଅଦ୍ଭୁତ କାଣ୍ଡ । ଘରେ ଶୋଇଥିବା ସମୟରେ ଶାଳୀ ଘରକୁ ପେଟ୍ରୋଲ ଢାଳି ଜାଳି ଦେଲା ଭିଣୋଇ। କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା କିଆପଡା ଗାଁରେ ଘଟିଛି ଏଭଳି ଘଟଣା । ରବିବାର ବିଳମ୍ବିତ ରାତିରେ ଘଟିଛି ଏଭଳି ଅଭାବନୀୟ ଘଟଣା ।

କାହିଁକି ଘଟିଲା ଅଘଟଣ?

ସୂଚନା ଥାଉକି, ଧାର ଟଙ୍କାକୁ କେନ୍ଦ୍ର କରି ଏପରି ହିଂସାତ୍ମକ ଘଟଣା ଏବେ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ଶାଳୀ ମଙ୍ଗୁଳି କାରୁଆଙ୍କ ଘରକୁ ଆସି ୧୦ ହଜାର ଟଙ୍କା ଧାର ସୂତ୍ରରେ ମାଗିଥିଲେ ଭିଣୋଇ । କିନ୍ତୁ ଟଙ୍କା ନଦେବାରୁ ଉଭୟଙ୍କ ମଧ୍ୟରେ ବଚସା ହୋଇଥିଲା ଏଥିରେ ଭିଣୋଇ ରାଗି ଯାଇ ଘରେ ସମସ୍ତେ ଶୋଇଥିବା ସମୟରେ ଘରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲା ।

Also Read...ଖାକିରେ କଳଙ୍କର ଦାଗ, ବାଇକରେ ଗଞ୍ଜେଇ ନେବା ବେଳେ ଧରିଲା ପୋଲିସ

ପରିବାର ଲୋକେ ଏକ ବଡ ଅଘଟଣରୁ ଅଳ୍ପକେ ବର୍ତ୍ତି ଯାଇଥିବା ବେଳେ ନିଆଁ ଲାଗି ଖପର ଘର ସହ ଜରୁରୀ କାଗଜ ପତ୍ର ନଗଦ ଟଙ୍କା ପୋଡି ଯାଇଥିବା ନେଇ ତୁରୁମୁଙ୍ଗା ଥାନାରେ ଅଭିଯୋଗ ପରେ ପୋଲିସ ଘଟଣାର ତଦନ୍ତ କରୁଥିବା ବେଳେ ଘଟଣା ଘଟାଇ ଭିଣୋଇ ଫେରାର ହୋଇଯାଇଛି।