ଚାନ୍ଦବାଲି୨୮/୪: ଟ୍ୟୁସନରୁ ଫେରିବା ବେଳେ ଯୁବତୀ ନିଖୋଜ ଘଟଣାକୁ ବିତିଲାଣି ୭ ଦିନ । ଥାନାରେ ଅଭିଯୋଗ ପରେ ବି ପୋଲିସ ହାତ ଖାଲି ।ନ୍ୟାୟ ଦାବିରେ ଭଦ୍ରକ ଚାନ୍ଦବାଲି ଥାନା ଘେରିଲେ ମହିଳା । ଏପ୍ରିଲ ୨୧ରେ ସିଙ୍ଗିଟି ଗାଁର ଜଣେ ଯୁବତୀ ଟିଉନସନରୁ ଆଉ ଘରକୁ ଫେରିନଥିଲେ ।ତେବେ ଯାଜପୁର ପାଣିକୋଇଲି ଥାନା ତାଲୁଙ୍ଗାର ଟୁନି ସାହୁ ଝିଅକୁ ଅପହରଣ କରି ଦେହ ବ୍ୟବସାୟରେ ଲଗାଇଥିବା ପରିବାର ଲୋକ ଅଭିଯୋଗ କରିଛନ୍ତି ।
ଟୁନି ଜଣେ କିନ୍ନର । ଟୁନି ଆଉ ତାର ପୁଅ ମିଶି ଏପରି କାଣ୍ଡ କରିଛନ୍ତି । ସେମାନଙ୍କ କବଳରୁ ଝିଅକୁ ତୁରନ୍ତ ମୁକୁଳାଇବା ସହ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଯୁବତୀଙ୍କ ପରିବାର ସମେତ ମହିଳାମାନେ ଏକାଠି ହୋଇ ଥାନାର ଦ୍ବାରସ୍ଥ ହୋଇଛନ୍ତି ।