ମାଥିଲି ୧୩ /୫: ରାଜ୍ୟରେ ଚାଲିଛି ପ୍ରଥମ ପର୍ଯ୍ୟାୟ ନିର୍ବାଚନ । ମାଲକାନଗିରି ଜିଲ୍ଲା ଚିତ୍ରକୋଣ୍ଡା ନିର୍ବାଚନ ମଣ୍ଡଳୀର ବଣ୍ଡା ଜନଜାତି ମଧ୍ୟ ମତଦାନ ସାବ୍ୟସ୍ତ କରିଛନ୍ତି । ସକାଳୁ ସକାଳୁ ବଣ୍ଡାଘାଟିର ମୁଦୁଲିପଡା ଠାରେ ୩ଟି ବୁଥରେ ଭୋଟ ଦେବାକୁ ପହଞ୍ଚିଯାଇଥିଲେ ବଣ୍ଡା ଅଧିବାସୀ ।ପ୍ରବଳ ଖରାସତ୍ତ୍ବେ ସମସ୍ତେ ଧାଡିରେ ଠିଆ ହୋଇ ଭୋଟ ଦେଉଥିବାର ଦୃଶ୍ୟ ଦେଖିବାକୁ ମିଳିଛି ।
ଭୋଟ ଦାନ ଜଣେ ନାଗରିକର ମୌଳିକ ଅଧିକାର । ନିଜ ଅଞ୍ଚଳର ଉନ୍ନତି ପାଇଁ ଭୋଟ୍ ଦେଇ ନେତା ବାଛିବୁ ବୋଲି କହିଛନ୍ତି ବଣ୍ଡା ଜନଜାତି । ସେହିପରି ବିଧାୟକ ପ୍ରାର୍ଥୀ ଲକ୍ଷ୍ମିପ୍ରୀୟା ନାୟକ ମାଥିଲି ବ୍ଳକ କାଳିଆଗୁଡା ବୁଥରେ ଭୋଟ ଦେଇଥିବା ବେଳେ ଡମ୍ବରୁ ଶିଶା ଖଇରପୁଟ ବ୍ଳକ ଲମତାଗୁଡାରେ ମତଦାନ କରିଛନ୍ତି ।
