ଆସିଗଲା ‘କ୍ୟାଣ୍ଡେରେ ହୁରୁନ ଇଣ୍ଡିଆ ୱିମେନ ଲିଡର୍ସ ଲିଷ୍ଟ-୨୦୨୬’, ଜାଣନ୍ତୁ ତାଲିକାରେ ଅଛନ୍ତି କିଏ?

ମୁମ୍ବାଇ: ଜାରି ହୋଇଛି ଦେଶର ସେହି ଶୀର୍ଷ ମହିଳାଙ୍କ ତାଲିକା ଯେଉଁଥିରେ ୮୬ ବର୍ଷ ବୟଷ୍କା ମହିଳାଙ୍କଠାରୁ ଆରମ୍ଭ କରି ୧୯ ବର୍ଷର ୟଙ୍ଗଷ୍ଟର ମଧ୍ୟ ଅଛନ୍ତି। ଭାରତର ପ୍ରଭାବଶାଳୀ ଓ ସଫଳ ମହିଳାଙ୍କୁ ସମ୍ମାନ ଜଣାଇ ‘ କ୍ୟାଣ୍ଡେରେ ହୁରୁନ ଇଣ୍ଡିଆ ୱିମେନ ଲିଡର୍ସ ଲିଷ୍ଟ ୨୦୨୬’ ଗୁରୁବାର ଜାରି ହୋଇଛି। ଚଳିତବର୍ଷ ରିପୋର୍ଟରେ ବିଜନେସ୍, ସ୍ପୋର୍ଟସ୍, ମିଡିଆ, ସାହିତ୍ୟ ଓ ସମାଜସେବା ଭଳି ୧୨ଟି ଅଲଗା ଅଲଗା କ୍ୟାଟଗରୀରେ ମୋଟ ୧୧୭ ଜଣ ମହିଳାଙ୍କୁ ସ୍ଥାନ ମିଳିଛି।

ଏହି ରିପୋର୍ଟରେ ସବୁଠୁ ଖାସ କଥା ଯାହା ତାହା ହେଉଛି ଏଥିରେ ଏପରି ୯୮ ଜଣ ମହିଳା ଅଛନ୍ତି ସେଲଫ ମେଡ୍ ଅର୍ଥାତ ନିଜ ଦମ୍ଭରେ ଏହି ସଫଳତା ହାସଲ କରିଛନ୍ତି। କ୍ୟାଣ୍ଡେରେ ହୁରୁନର ଏହି ତାଜା ଲିଷ୍ଟ ଏହା ପ୍ରମାଣିତ କରୁଛି ଯେ କ୍ଷେତ୍ର ଯାହା ବି ହେଉନା କାହିଁକି ମହିଳା ସବୁ କ୍ଷେତ୍ରରେ ଆଗକୁ ବଢି ପାରିବେ। ତେବେ ଆସନ୍ତୁ ଜାଣିବା ଲିଷ୍ଟରେ କେଉଁମାନଙ୍କୁ ସ୍ଥାନ ମିଳିଛି। କ୍ୟାଣ୍ଡେରେ ହୁରୁନ ଇଣ୍ଡିଆ ୱିମେନ ଲିଷ୍ଟ ୨୦୨୬ରେ ୧୧୭ ସମ୍ମାନୀତ ମହିଳା ଅଛନ୍ତି ଓ ଗତବର୍ଷ ତୁଳନାରେ ୨୧ ପ୍ରତିଶତ ବୃଦ୍ଧି ହୋଇଛି। ୨୦୨୫ରେ ଜାରି ତାଲିକାରେ ୯୭ ଜଣ ମହିଳା ଥିଲେ ଓ ୯ଟି କ୍ୟାଟଗରୀରେ ଶୀର୍ଷ ମହିଳାଙ୍କୁ ଚୟନ କରାଯାଇଥିଲା। ହେଲେ ଚଳିତବର୍ଷ କ୍ୟାଟଗରୀ ସଂଖ୍ୟା ୧୨କୁ ବଢାଇ ଦିଆଯାଇଛି ଓ ମହିଳାଙ୍କ ସଂଖ୍ୟା ମଧ୍ୟ ବଢିଛି।

ଏହି ଲିଷ୍ଟରେ ସବୁଠୁ ଯୁବ ମହିଳା ୧୯ ବର୍ଷର ପାରା-ଆର୍ଚର ଶୀତଲ ଦେବୀ ଅଛନ୍ତି। ସେହିପରି ୮୬ ବର୍ଷ ବୟଷ୍କା ଅନୁଭବୀ ଉଦ୍ୟମୀ ରାଜନୀ ବେକ୍ଟୋର ଏହି ତାଲିକାର ସବୁଠୁ ବୟଷ୍କା ସମ୍ମାନୀତ ମହିଳା। ଉଲ୍ଲେଖଯୋଗ୍ୟ ଯେ ଏହି ତାଲିକାରେ ପ୍ରସିଦ୍ଧ ମହିଳା ପତ୍ରକାର ପାଲକୀ ଶର୍ମା ଓ ନିଶ୍ ହେୟରର ସଂସ୍ଥାପିକା ତଥା ମାଲିକ ପାରୁଲ ଗୁଲାଟିଙ୍କ ନାମ ମଧ୍ୟ ସମ୍ମାନୀତ ମହିଳାଙ୍କ ତାଲିକାରେ ଅଛି।