​​​​​​​ମେଷ- ଅଟକିଥିବା କାମ ଧୀରେ ଧୀରେ ଆଗକୁ ବଢ଼ିବ। ଆୟର ନୂଆ ସୁଯୋଗ ମିଳିପାରେ। କାର୍ଯ୍ୟକ୍ଷେତ୍ରରେ ଦାୟିତ୍ୱ ବଢ଼ିବ। ପରିବାରରେ କାହା ସହ ମତଭେଦ ହୋଇପାରେ। ଅନାବଶ୍ୟକ ଖର୍ଚ୍ଚରୁ ଦୂରେଇ ରୁହନ୍ତୁ। ଯାତ୍ରା ସମୟରେ ସାବଧାନ ରୁହନ୍ତୁ।

ବୃଷ- ଆର୍ଥିକ ଦିଗରୁ ଦିନଟି ଭଲ ରହିବ। ପୁରୁଣା କାମରୁ ଲାଭ ମିଳିପାରେ। ବ୍ୟବସାୟରେ ନୂଆ ଗ୍ରାହକ କିମ୍ବା ସୁଯୋଗ ଆସିବ। ଘରେ ଶାନ୍ତି ରହିବ। କାହାକୁ ଧାର ଦେବା ବେଳେ ଭାବିଚିନ୍ତି କରନ୍ତୁ। ନିଜ ସ୍ୱାସ୍ଥ୍ୟ ପ୍ରତି ମଧ୍ୟ ଧ୍ୟାନ ଦିଅନ୍ତୁ।

ମିଥୁନ- କାମର ଚାପ କିଛି ଅଧିକ ରହିପାରେ। ତଥାପି ଚେଷ୍ଟା କଲେ ଭଲ ଫଳ ପାଇବେ। ଆୟ ଠିକ୍ ରହିଲେ ମଧ୍ୟ ଖର୍ଚ୍ଚ ବଢ଼ିପାରେ। ବନ୍ଧୁଙ୍କ ସହଯୋଗରେ ଗୋଟିଏ କାମ ସହଜ ହେବ। ଘରୋଇ କଥାକୁ ନେଇ ଅଧିକ ଚିନ୍ତା କରନ୍ତୁ ନାହିଁ। ନିଷ୍ପତ୍ତି ନେବାରେ ତରବର କରନ୍ତୁ ନାହିଁ।

କର୍କଟ- ମନ ଖୁସି ରହିବ ଏବଂ କାମରେ ଉତ୍ସାହ ବଢ଼ିବ। ନୂଆ କାମ ଆରମ୍ଭ କରିବାର ସୁଯୋଗ ମିଳିପାରେ। ଆର୍ଥିକ ଲାଭର ଯୋଗ ରହିଛି। ପରିବାରରୁ ଭଲ ସହଯୋଗ ପାଇବେ। ଦୂରରେ ଥିବା କାହାଠାରୁ ଭଲ ଖବର ମିଳିପାରେ। ନିଜ ଯୋଜନାକୁ ଅନ୍ୟମାନଙ୍କ ସହ ସବୁବେଳେ ଆଲୋଚନା କରନ୍ତୁ ନାହିଁ।

ସିଂହ- କାମରେ କିଛି ବାଧା ଆସିପାରେ। ନିଜ ଲୋକଙ୍କ ସହ ଛୋଟ କଥାକୁ ନେଇ ମନାନ୍ତର ହୋଇପାରେ। ଟଙ୍କା ଆସିଲେ ମଧ୍ୟ ଖର୍ଚ୍ଚ ହୋଇଯିବ। ଅଫିସରେ ନିଜ କାମ ଉପରେ ଅଧିକ ଧ୍ୟାନ ଦିଅନ୍ତୁ। କାହାର କଥାରେ ପଡ଼ି ତରବରିଆ ନିଷ୍ପତ୍ତି ନିଅନ୍ତୁ ନାହିଁ। ଶାନ୍ତ ରହିଲେ ଦିନଟି ଭଲରେ କଟିବ।

କନ୍ୟା- ପରିଶ୍ରମର ଫଳ ମିଳିବ। ଚାକିରିରେ ନୂଆ ଦାୟିତ୍ୱ ମିଳିପାରେ। ଆୟ ବଢ଼ାଇବାର ଭଲ ମାର୍ଗ ଦେଖାଦେଇପାରେ। ପରିବାରରେ ଖୁସିର ପରିବେଶ ରହିବ। ପୁରୁଣା ମିତ୍ରଙ୍କ ସହ ଦେଖା ହୋଇପାରେ। ଶରୀରର ଛୋଟ ଅସୁବିଧାକୁ ଅବହେଳା କରନ୍ତୁ ନାହିଁ।

ତୁଳା- ଅଟକିଥିବା ଟଙ୍କା ଫେରିବାର ସମ୍ଭାବନା ରହିଛି। କାମରେ ନୂଆ ସୁଯୋଗ ମିଳିପାରେ। ବ୍ୟବସାୟୀମାନେ ଭଲ ଗ୍ରାହକ ପାଇପାରନ୍ତି। ଘରେ କାହାର ସ୍ୱାସ୍ଥ୍ୟକୁ ନେଇ ଚିନ୍ତା ହୋଇପାରେ। ଯାତ୍ରା କରିବା ବେଳେ ସମୟ ଓ ଖର୍ଚ୍ଚ ଦୁଇଟିକୁ ଧ୍ୟାନ ଦିଅନ୍ତୁ। ସମ୍ପର୍କରେ ଭୁଲ ବୁଝାମଣା ହେଲେ କଥା ହୋଇ ସମାଧାନ କରନ୍ତୁ।

ବିଛା- କାମରେ ମନ ଲଗାଇବାକୁ କିଛି ସମୟ ଲାଗିପାରେ। ଅନାବଶ୍ୟକ ଚିନ୍ତା ମନକୁ ଅଶାନ୍ତ କରିପାରେ। ଆର୍ଥିକ ଦିଗରେ ସାବଧାନ ରହିବା ଭଲ। ଅଫିସରେ କାହା ସହ ବିତର୍କ କରନ୍ତୁ ନାହିଁ। ପରିବାରର ଜଣେ ବ୍ୟକ୍ତିଙ୍କ ସହଯୋଗ ମିଳିବ। ପୁରୁଣା କାମ ଶେଷ କରିବାରେ ଧ୍ୟାନ ଦିଅନ୍ତୁ।

ଧନୁ- ନୂଆ ଯୋଜନା କରିବା ପାଇଁ ଦିନଟି ଭଲ। କାର୍ଯ୍ୟକ୍ଷେତ୍ରରେ ପ୍ରଶଂସା ମିଳିପାରେ। ଆୟର ନୂଆ ରାସ୍ତା ଖୋଲିପାରେ। ଦୂର ସ୍ଥାନରୁ ଭଲ ଖବର ମିଳିବ। ଘରେ ଛୋଟ ଖର୍ଚ୍ଚକୁ ନେଇ ଚିନ୍ତା ହୋଇପାରେ। ନିଜ କଥାକୁ ଠିକ୍ ଭାବରେ ବୁଝାଇ କହିଲେ ସମ୍ପର୍କ ଭଲ ରହିବ।

ମକର- କାମ ଅଧିକ ଥିବାରୁ ମାନସିକ ଚାପ ରହିପାରେ। ତଥାପି ଦାୟିତ୍ୱ ଠିକ୍ ଭାବରେ ପୂରଣ କରିପାରିବେ। ଧନ ଆସିବ, କିନ୍ତୁ ସେହି ଅନୁସାରେ ଖର୍ଚ୍ଚ ମଧ୍ୟ ରହିବ। ଉପରିସ୍ଥ ଅଧିକାରୀଙ୍କ ସହ କଥାବାର୍ତ୍ତାରେ ସାବଧାନ ରୁହନ୍ତୁ। ଯାତ୍ରା ଥିଲେ ଯୋଜନା କରି ବାହାରନ୍ତୁ।

କୁମ୍ଭ- ଆୟର ସୁଯୋଗ ମିଳିଲେ ମଧ୍ୟ ତାହାକୁ ଧରି ରଖିବା ପାଇଁ ଯୋଜନା ଦରକାର। କାମରେ ନୂଆ ଦାୟିତ୍ୱ ଆସିପାରେ। ବନ୍ଧୁ କିମ୍ବା ପରିଚିତଙ୍କଠାରୁ ଭଲ ସହଯୋଗ ମିଳିବ। ଅତ୍ୟଧିକ ଖର୍ଚ୍ଚ କଲେ ପରେ ଅସୁବିଧା ହୋଇପାରେ। ପରିବାରରେ ଆପଣଙ୍କ କଥାକୁ ଗୁରୁତ୍ୱ ଦିଆଯିବ। ମନକୁ ଶାନ୍ତ ରଖି କାମ କଲେ ଭଲ ଫଳ ପାଇବେ।

ମୀନ- ଦିନଟି ମିଶ୍ର ରହିପାରେ। କାମ ହେବ, କିନ୍ତୁ ଆଶା କରିଥିବା ଗତିରେ ନ ହୋଇପାରେ। ଧନ ଲେନଦେନରେ ସାବଧାନ ରୁହନ୍ତୁ। ପରିବାରର କାହା ସହ ମନାନ୍ତର ହୋଇପାରେ। ନୂଆ କାମରେ ହାତ ଦେବା ପୂର୍ବରୁ ଭଲଭାବେ ଭାବନ୍ତୁ। ଅପରାହ୍ନ ପରେ ପରିସ୍ଥିତି କିଛି ସହଜ ହୋଇପାରେ।

ଜ୍ୟୋତିର୍ବିଦ୍ ଶ୍ରୀ ସିଦ୍ଧାର୍ଥ ଶେଖର ନାୟକ

ଯୋଗାଯୋଗ – 8249826682