ନୂଆଦିଲ୍ଲୀ: ଭାରତରୁ ଦୁବାଇ ଯାତ୍ରା କରୁଥିବା ଲୋକଙ୍କ ପାଇଁ ଖୁସି ଖବର ସାମନାକୁ ଆସିଛି । ୱାଲମାର୍ଟ ଗ୍ରୁପର ଡିଜିଟାଲର ପେମେଣ୍ଟ ଫାର୍ମ ଗୁରୁବାର କହିଛି ଯେ ୟୁଏଇ ଯାତ୍ରା କରୁଥିବା ଫୋନ୍ ପେ ୟୁଜର୍ସ ଏବେ Mashreqର NEOPAY ଜରିଆରେ ୟୁପିଆଇ ଟ୍ରାଞ୍ଜେକ୍ସନ କରିପାରିବେ ।
ଏନପିସିଆଇ ଇଣ୍ଟରନ୍ୟାସନାଲ ପେମେଣ୍ଟ ଲିମିଟେଡ୍ (ଏନଆଇପିଏଲ) ସହ ମସରେକ ପକ୍ଷରୁ ବୁଝାମଣା ମାଧ୍ୟମରେ ସହଯୋଗର ସୁବିଧା ପ୍ରଦାନ କରାଯାଇଛି । ଏହି ବୁଝାମଣା ମାଧ୍ୟମରେ ମସରେକ NEOPAY ଟର୍ମିନୋଲକୁ ପେମେଣ୍ଟର ସାଧନ ରୂପେ ୟୁପିଆଇ ଆପ୍ ସ୍ୱୀକାର କରିବାରେ ସକ୍ଷମ କରିଛି । ଯାହାଦ୍ୱାରା ଭାରତୀୟ ଯାତ୍ରୀଙ୍କ ନେଣଦେଣ ପାଇଁ ସହଜରେ ୟୁପିଆଇର ଉପଯୋଗ ପାଇଁ ଅନୁମତି ମିଳିବ ।
ଯାତ୍ରା ଏବଂ ସ୍ଥାନୀୟ ନେଣଦେଣର ସୁବିଧା ବ୍ୟତୀତ ଫୋନ ପେ କହିଛି ଯେ ରେମିଟାନ୍ସ ସେବା ମଧ୍ୟ କରିଡୋର ସୁବିଧା ଦିଆଯିବ । ବୟାନରେ କୁହାଯାଇଛି ଯେ ଏହି ପଦକ୍ଷେପ ୟୁପିଆଇର ଲାଭ ଉଠାଇ ଟଙ୍କା ଦେଣନେଣ ପ୍ରକ୍ରିୟାକୁ ସରଳ କରିବ । ଯାହାଦ୍ୱାରା ବ୍ୟାଙ୍କ ଖାତା ସଂଖ୍ୟା ଏବଂ ଆଇଏଫଏସି କୋଡ ପରି ବିବରଣୀର ଆବଶ୍ୟକତା ଶେଷ ହୋଇଯିବ ।