Diljit Dosanjh Canada Performance: କାନାଡାରେ ଖଲିସ୍ତାନୀ ସମର୍ଥକଙ୍କ ଉତ୍ପାତ ଯୋଗୁ ହଇରାଣ ହୋଇଛନ୍ତି ଗାୟକ ଦିଲଜିତ ଦୋସାଞ୍ଜ। କାଲଗାରିରେ ଚାଲିଥିବା ଔରା ଟୁରରେ ତାଙ୍କର ମ୍ୟୁଜିକ କନସର୍ଟ ବେଳେ କିଛି ଖଲିସ୍ତାନ ସମର୍ଥକ ସଂଗଠନର ପତାକା ଉଡ଼ାଇଥିଲେ। ଏହାପରେ ଦିଲଜିତ୍ ଦୋସାଞ୍ଜ କିଛି ସମୟ ପାଇଁ ଶୋ ବନ୍ଦ କରି ଦେଇଥିଲେ। ଏବଂ ସେମାନଙ୍କୁ ସମାଲୋଚନା କରିଥିଲେ। ଏହି ମ୍ୟୁଜିକ କନସର୍ଟର ଭିଡିଓଗୁଡ଼ିକ ଭାଇରାଲ ହୋଇଛି। ପତାକାଗୁଡ଼ିକ ଦେଖିବା ପରେ, ଦୋସାଞ୍ଜ ମଝିରେ ଶୋ’କୁ ବନ୍ଦ କରି ସମ୍ପୃକ୍ତ ପ୍ରଦର୍ଶନକାରୀଙ୍କୁ ଏପରି ନ କରିବାକୁ କହିଥିଲେ। ଏବଂ ପତାକା ଦେଖାଉଥିବା ବ୍ୟକ୍ତିଙ୍କୁ ସ୍ଥାନରୁ ବାହାର କରିବାକୁ ମଧ୍ୟ ଆୟୋଜକମାନଙ୍କୁ ନିର୍ଦ୍ଦେଶ ଦେଲେ।

ଖଲିସ୍ତାନୀ ସମର୍ଥକକଙ୍କୁ କ’ଣ କହିଲେ ଦିଲଜିତ ?

ମଞ୍ଚ ଉପରେ ଥାଇ ଦିଲଜିତ ସେମାନଙ୍କ ଉପରେ ଅଶନ୍ତୋଷ ପ୍ରକାଶ କରିଥିଲେ। ଏବଂ କହିଥିଲେ ଯେ ସେ ପଞ୍ଜାବର ସମସ୍ୟାଗୁଡ଼ିକୁ ଲୋକ ଲୋଚନକୁ ଆଣିବା ପାଇଁ ପ୍ରତ୍ୟେକ ମଞ୍ଚକୁ ନିରନ୍ତର ବ୍ୟବହାର କରିଛନ୍ତି, ଏବଂ ଗତ ବର୍ଷ ଟେଲିଭିଜନ କ୍ୱିଜ୍ ଶୋ କୌନ୍ ବନେଗା କରୋଡପତିରେ ତାଙ୍କ ଉପସ୍ଥିତି ଉପରେ ସମାଲୋଚନାକୁ ସେ ପ୍ରତ୍ୟାଖ୍ୟାନ କରିଥିଲେ। ତାଙ୍କର ଉଦ୍ଦେଶ୍ୟ ବ୍ୟକ୍ତିଗତ ପ୍ରମୋସନ ନୁହେଁ, ବରଂ ପଞ୍ଜାବକୁ ପ୍ରତିନିଧିତ୍ୱ କରିବା ବୋଲି କହିଥିଲେ ଦିଲଜିତ୍। 

ଖଲିସ୍ତାନୀ ସମର୍ଥକଙ୍କୁ ଜବାବ ଦେଇ ସେ କହିଥିଲେ “ମୋର କାମ ଦାନ କରିବା ନୁହେଁ। କିନ୍ତୁ ମୁଁ ଯେଉଁ ପ୍ଲାଟଫର୍ମରେ ଯାଏ, ମୁଁ ସବୁବେଳେ ପଞ୍ଜାବ ବିଷୟରେ କଥା ହୁଏ। ଜାତୀୟ ଗଣମାଧ୍ୟମ ପଞ୍ଜାବ କଥା ଉଠାଏ ନାହିଁ ବୋଲି ଆମେ ପ୍ରାୟତଃ କହିଥାଉ। ହେଲେ ମୁଁ ପଞ୍ଜାବ ପାଇଁ ସେହି ଚ୍ୟାନେଲ (KBC ପାଇଁ ସୋନି ଏଣ୍ଟରଟେନମେଣ୍ଟ ଟେଲିଭିଜନ) ସମେତ ସବୁଠି ଯାଇଛି। ମୁଁ ସେଠାରେ ପଞ୍ଜାବର ସମସ୍ୟାଗୁଡ଼ିକୁ ଉପସ୍ଥାପନ କରିଥିଲି। ଯେତେବେଳେ ଆବଶ୍ୟକ ହୁଏ ମୁଁ ମୋ ରାଜ୍ୟକୁ ଉଦାର ଭାବରେ ଦାନ ମଧ୍ୟ କରିଛି। ଏହା ପରେ ବି ଯଦି ତୁମର କୌଣସି ସମସ୍ୟା ଅଛି ଯେ ମୁଁ ଟେଲିଭିଜନରେ କାହା ସହିତ ବସିଥିଲି, ତେବେ ତୁମେ ଯେତେ ପତାକା ଦେଖାଇବାକୁ ଚାହୁଁଛ ଦେଖାଇ ଚାଲ।

ଦିଲଜିତ ଦୋସାଞ୍ଜଙ୍କ କେବିସି ବିବାଦ କ’ଣ?

ଦିଲଜିତ ଦୋସାଞ୍ଜ ଏବଂ ଖଲିସ୍ତାନୀ ସମର୍ଥକଙ୍କ ମଧ୍ୟରେ ସୃଷ୍ଟି ହୋଇଥିବା ବିବାଦର ମୁଖ୍ୟ କାରଣ ହେଉଛି ୨୦୨୫ ମସିହାରେ କେବିସି (Kaun Banega Crorepati)ଶୋ'ରେ ତାଙ୍କର ଉପସ୍ଥିତି ଏବଂ ବଲିଉଡ ଅଭିନେତା ଅମିତାଭ ବଚ୍ଚନଙ୍କଗୋଡ଼ ଛୁଇଁ ତାଙ୍କୁ ପ୍ରମାଣ କରିବା।

ନିଷିଦ୍ଧ ଖଲିସ୍ତାନୀ ସଂଗଠନ'ସିକ୍ସ ଫର୍ ଜଷ୍ଟିସ୍' (SFJ)ଅନୁଯାୟୀ,୧୯୮୪ ଶିଖ୍ ଦଙ୍ଗା (1984 Sikh Genocide)ପାଇଁ ଅମିତାଭ ବଚ୍ଚନଙ୍କ ନାଁରେ ଅଭିଯୋଗ ରହିଛି। ଯାହାକୁ ବଚ୍ଚନ ସର୍ବଦା ଖଣ୍ଡନ କରିଆସିଛନ୍ତି। ତେଣୁ ଦିଲଜିତ ତାଙ୍କୁ ସମ୍ମାନ ଜଣାଇବା ଦ୍ୱାରା ଦଙ୍ଗାରେ ପ୍ରାଣ ହରାଇଥିବା ଲୋକଙ୍କୁ ଅପମାନିତ କରାଯାଇଛି ବୋଲି ଖଲିସ୍ତାନୀମାନେ ଦାବି କରି ଆସୁଛନ୍ତି। ତେଣୁ ଦିଲଜିତଙ୍କ ସବୁ କନସର୍ଟରେ ଏମାନେ ଏଭଳି ପତାକା ଦେଖାଇ ତାଙ୍କୁ ହଇରାଣ କରିବାକୁ ଚେଷ୍ଟା କରିଛନ୍ତି।

ଶିଖ ଦଙ୍ଗା ଓ ଅମିତାଭ ବଚ୍ଚନ ବିବାଦ

୧୯୮୪ ମସିହା ଶିଖ୍ ଦଙ୍ଗା ସହ ଅମିତାଭ ବଚ୍ଚନଙ୍କ ସିଧାସଳଖ ସମ୍ପୃକ୍ତି ନେଇ କୌଣସି ଅପରାଧିକ ମାମଲା ପ୍ରମାଣିତ ହୋଇନାହିଁ। ତେବେ ତାଙ୍କ ନାଁରେ ଏକାଧିକ ଅଭିଯୋଗ ଆସିଥିଲା।

ଅଭିଯୋଗ ଏବଂ ଆଇନଗତ ବିବାଦ

ଉସକାଇବା ଅଭିଯୋଗ: ଅଭିଯୋଗ ହୋଇଥିଲା ଯେ ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ହତ୍ୟା ପରେ,ଅମିତାଭ ବଚ୍ଚନ ଦୂରଦର୍ଶନରେ "ରକ୍ତ ବଦଳରେ ରକ୍ତ" (Blood for Blood)ଭଳି ଉସୁକାଣିଆ ସ୍ଲୋଗାନ ଦେଇଥିଲେ,ଯାହାଫଳରେ ଦଙ୍ଗା ବୃଦ୍ଧି ପାଇଥିଲା ।

ଆମେରିକା କୋର୍ଟରେ ମାମଲା: ୨୦୧୪ ମସିହାରେ'ସିକ୍ସ ଫର୍ ଜଷ୍ଟିସ୍' (SFJ)ନାମକ ଏକ ସଂଗଠନ ଆମେରିକାର ଲସ୍ ଆଞ୍ଜେଲସ୍ (Los Angeles)ସ୍ଥିତ ଏକ ଫେଡେରାଲ୍ କୋର୍ଟରେ ବଚ୍ଚନଙ୍କ ବିରୁଦ୍ଧରେ ମାନବିକତା ବିରୋଧୀ ଅପରାଧ ଓ ଦଙ୍ଗା ଉସକାଇବା ନେଇ ଏକ ମାମଲା Courthouse News ଦାଏର କରିଥିଲା।

ବଚ୍ଚନଙ୍କ ପକ୍ଷରୁ ଖଣ୍ଡନ: ଅମିତାଭ ବଚ୍ଚନ ଏହି ଅଭିଯୋଗକୁ ସମ୍ପୂର୍ଣ୍ଣ ଭାବେ ଖଣ୍ଡନ କରିଆସିଛନ୍ତି । ତାଙ୍କ ମତରେ,ଏହା ସମ୍ପୂର୍ଣ୍ଣ ଭିତ୍ତିହୀନ ଏବଂ ତାଙ୍କୁ ବଦନାମ କରିବା ପାଇଁ ଏଭଳି ଅଭିଯୋଗ କରାଯାଇଛି।

ସିବିଆଇ (CBI)ତଦନ୍ତ ପ୍ରସଙ୍ଗ

୨୦୧୫ ମସିହାରେ ସିବିଆଇ (CBI)ପକ୍ଷରୁ ଅମିତାଭ ବଚ୍ଚନଙ୍କ ଏକ ବୟାନ ରେକର୍ଡ କରାଯାଇଥିଲା।କଂଗ୍ରେସ ନେତା ଜଗଦୀଶ ଟାଇଟଲର୍ଙ୍କ ବିରୋଧରେ ଚାଲିଥିବା ମାମଲାରେ,ଟାଇଟଲର୍ ଘଟଣାସ୍ଥଳରେ ଉପସ୍ଥିତ ଥିବା ଦର୍ଶାଇବାକୁ ଦିଆଯାଇଥିବା କିଛି ଫୁଟେଜ୍ରେ ଅମିତାଭ ବଚ୍ଚନଙ୍କ ପାଖରେ ଥିବା ଦେଖିବାକୁ ମିଳିଥିଲା ।ତେବେ ଘଟଣା ସମୟରେ ଟାଇଟଲର୍ ସେଠାରେ ଉପସ୍ଥିତ ଥିଲେ କି ନାହିଁ,ସେ ସମ୍ପର୍କରେ ତାଙ୍କର କୌଣସି ସ୍ପଷ୍ଟ ମନେ ନାହିଁ ବୋଲି ବଚ୍ଚନ ସିବିଆଇକୁ ଜଣାଇଥିଲେ ।