ସୁଡାନର ମସ୍‌ଜିଦ୍‌ ଉପରେ ଡ୍ରୋନ୍ ଆକ୍ରମଣ ,ନମାଜ ପଢୁଥିବା ବୃଦ୍ଧ-ପିଲାଙ୍କ ସମେତ ୪୩ ଜଣଙ୍କ ମୃତ୍ୟୁ

ନୂଆଦିଲ୍ଲୀ ୨୦।୦୯; ସୁଡାନର ଉତ୍ତରି ଦାରଫୁରର ରାଜଧାନୀ ଅଲ-ଫଶର ସହରରେ ଏକ ମସଜିଦ ଉପରେ ଏକ ଅର୍ଦ୍ଧସାମରିକ ଦଳ ଡ୍ରୋନ ଆକ୍ରମଣ କରିଥିଲା। ଏହି ଆକ୍ରମଣରେ ନମାଜ ପଢୁଥିବା ୪୩ ଜଣ ସାଧାରଣ ନାଗରିକଙ୍କ ମୃତ୍ୟୁ ହୋଇଥିଲା। ସୁଡାନ ଡାକ୍ତର ନେଟୱାର୍କ ଶୁକ୍ରବାର ରିପୋର୍ଟ କରିଛି ଯେ ରାପିଡ୍ ସପୋର୍ଟ ଫୋର୍ସ (RSF) ଡ୍ରୋନ ଆକ୍ରମଣରେ ଅନେକ ବୃଦ୍ଧ ଏବଂ ଶିଶୁ ମଧ୍ୟ ପ୍ରାଣ ହରାଇଛନ୍ତି। ଏହି ଆକ୍ରମଣକୁ ନିରସ୍ତ୍ର ନାଗରିକଙ୍କ ବିରୁଦ୍ଧରେ ଏକ ଜଘନ୍ୟ ଅପରାଧ ବୋଲି କହି ଏହା ମାନବ ଏବଂ ଧାର୍ମିକ ମୂଲ୍ୟବୋଧ ଏବଂ ଅନ୍ତର୍ଜାତୀୟ ଆଇନ ପ୍ରତି ଅର୍ଦ୍ଧସାମରିକ ଗୋଷ୍ଠୀର ସମ୍ପୂର୍ଣ୍ଣ ଅବମାନନାକୁ ପ୍ରଦର୍ଶନ କରିଛି।

ମସଜିଦ ଉପରେ ବଡ଼ ଆକ୍ରମଣ

ଅଲ-ଫଶରର ପ୍ରତିରୋଧ କମିଟି ଗୁଡ଼ିକ ଶୁକ୍ରବାର ଏକ ଭିଡିଓ ପୋଷ୍ଟ କରିଛନ୍ତି । ଯେଉଁଥିରେ ମସଜିଦର କିଛି ଅଂଶ ଭୁଶୁଡିଥିବା ବେଳେ ଅନେକ ମୃତଦେହ ବିଛାଡ଼ି ହୋଇପଡିଥିଲା । ଆସୋସିଏଟେଡ୍ ପ୍ରେସ୍ ସ୍ୱାଧୀନ ଭାବରେ ଫୁଟେଜ୍ ଯାଞ୍ଚ କରିପାରି ନାହିଁ। ଅଲ-ଫଶର କମିଟି ଗୁଡ଼ିକ ହେଉଛି ସ୍ଥାନୀୟ ନାଗରିକ ଏବଂ ମାନବାଧିକାର କର୍ମୀଙ୍କ ଏକ ଗୋଷ୍ଠୀ ଯାହା ନିର୍ଯ୍ୟାତନା ଉପରେ ନଜର ରଖେ।

ସେନା ଏବଂ RSF ମଧ୍ୟରେ ଲଢ଼େଇ

ମସଜିଦର ସଠିକ୍ ସ୍ଥାନ ବିଷୟରେ କୌଣସି ବିବରଣୀ ପ୍ରକାଶ କରାଯାଇ ନାହିଁ। କିନ୍ତୁ ଡ୍ରୋନ୍ ଆକ୍ରମଣ ଲ୍ ଫଶରରେ RSF ଏବଂ ସେନା ମଧ୍ୟରେ ଭୟଙ୍କର ଲଢ଼େଇ ଆରମ୍ଭ କରିଥିଲା। ସେନା ଏବଂ RSF ମଧ୍ୟରେ ଲଢ଼େଇ ଏପ୍ରିଲ ୨୦୨୩ ରେ ଆରମ୍ଭ ହୋଇଥିଲା ଏବଂ ଏକ ଗୃହଯୁଦ୍ଧରେ ପରିଣତ ହୋଇଥିଲା। ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି ଯେ ଗୃହଯୁଦ୍ଧ ଅତି କମରେ ୪୦,୦୦ ଲୋକଙ୍କୁ ହତ୍ୟା କରିଛି। ୧୨ ନିୟୁତରୁ ଅଧିକ ଲୋକଙ୍କୁ ବିସ୍ଥାପିତ କରିଛି ଏବଂ ଅନେକଙ୍କୁ ଦୁର୍ଭିକ୍ଷର ଧାରକୁ ଠେଲି ଦେଇଛି।