ଜିଏସ୍‌ଟି ସଂଶୋଧନର ଲାଭ ଜନତାଙ୍କୁ ଦେବୁ: ବାଇକ ଦାମ୍ ହ୍ରାସ ଘୋଷଣା କଲା ୟାମାହା, କେତେ କମିଲା ଜାଣନ୍ତୁ

ନୂଆଦିଲ୍ଲୀ: ଜିଏସ୍‌ଟି ହ୍ରାସ ପରେ ଅନ୍ୟ ମୋଟର ସାଇକେଲ କମ୍ପାନୀ ଭଳି ୟାମାହା ମଧ୍ୟ ଦର ହ୍ରାସ ନେଇ ଘୋଷଣା କରିଛି। କମ୍ପାନୀ କହିଛି ସେପ୍ଟେମ୍ବର ୨୨ ତାରିଖରୁ ନୂଆ ଦର ଲାଗୁ ହେବ। ଜିଏସ୍‌ଟି ପରିଷଦ ୩୫୦ ସିସି ପର୍ଯ୍ୟନ୍ତ ମୋଟରସାଇକେଲ ଉପରେ ଟିକସ ୨୮% ରୁ ୧୮% କୁ ହ୍ରାସ କରିବା ପରେ କମ୍ପାନୀ ମଧ୍ୟ ଏହି ହ୍ରାସର ଲାଭ ଗ୍ରାହକଙ୍କୁ ଦେବ ବୋଲି କହିଛି।

ଦର ହ୍ରାସ ନେଇ ୟାମାହା ମୋଟର ଇଣ୍ଡିଆ ଗ୍ରୁପ ଚେୟାରମ୍ୟାନ୍ ଇତାରୁ ଓଟାନି କହିଛନ୍ତି “ଦୁଇଚକିଆ ଯାନ ଉପରେ GSTର ସମୟୋଚିତ ହ୍ରାସ ପାଇଁ ଆମେ ଭାରତ ସରକାରଙ୍କୁ ଧନ୍ୟବାଦ ଦେବାକୁ ଚାହୁଁଛୁ। ଏହି ପଦକ୍ଷେପ ପର୍ବପର୍ବାଣୀ ସମୟରେ ଦୁଇଚକିଆ ଯାନ ଚାହିଦାକୁ ଭଲ ଭାବରେ ବଢ଼ାଇବ। ଦୁଇଚକିଆ ଯାନକୁ ଅଧିକ ସୁଲଭ କରି, ଏହା କେବଳ ଗ୍ରାହକମାନଙ୍କୁ ସିଧାସଳଖ ଲାଭ ଦେବ ନାହିଁ ବରଂ ସାମଗ୍ରିକ ବ୍ୟବହାରକୁ ମଧ୍ୟ ପ୍ରୋତ୍ସାହିତ କରିବ ଏବଂ ଶିଳ୍ପ ପାଇଁ ସକାରାତ୍ମକ ଗତି ସୃଷ୍ଟି କରିବ। ୟାମାହାରେ, ଆମେ ସାରା ଭାରତରେ ଆମର ଗ୍ରାହକମାନଙ୍କୁ ଏହି ହ୍ରାସର ସମ୍ପୂର୍ଣ୍ଣ ଲାଭ ପ୍ରଦାନ କରିବାକୁ ଖୁସି।”

ୟାମାହାଏହାର ସମ୍ପୂର୍ଣ୍ଣ ଦୁଇଚକିଆ ଯାନ ପୋର୍ଟଫୋଲିଓରେ ଜିଏସ୍‌ଟି ସଂଶୋଧନ ସହିତ ମୂଲ୍ୟ ହ୍ରାସ କରିବ। ଏବଂ ଡିଲରସିପ୍‌ଗୁଡ଼ିକଠାରୁ ମଡେଲ୍ ଅନୁଯାୟୀ ବିସ୍ତୃତ ହ୍ରାସ ଖୁବ୍ ଶୀଘ୍ର ଉପଲବ୍ଧ ହେବ। ଶୀଘ୍ର ବୁକିଂ କରୁଥିବା ଗ୍ରାହକମାନେ GST-ସଂଲଗ୍ନ ମୂଲ୍ୟ ଏବଂ ପର୍ବପର୍ବାଣୀ ଅଫରର ଲାଭ ଉଠାଇପାରିବେ, ନବରାତ୍ରି-ଦୀପାବଳି ସମୟରେ ବିତରଣ ସର୍ବାଧିକ ହେବ ବୋଲି ଆଶା କରାଯାଉଛି।

୨୨ ସେପ୍ଟେମ୍ବର, ୨୦୨୫ ରୁ ଛୋଟ କାର, ୩୫୦ ସିସି ପର୍ଯ୍ୟନ୍ତ ମୋଟରସାଇକେଲ, ତିନି ଚକିଆ ଯାନ, ବସ୍, ଟ୍ରକ୍ ଏବଂ ଆମ୍ବୁଲାନ୍ସ ଉପରେ ଜିଏସ୍‌ଟି ୨୮% ରୁ ୧୮% କୁ ହ୍ରାସ କରାଯିବ। ଏହି ପଦକ୍ଷେପ ଦ୍ୱାରା ମାରୁତି ସୁଜୁକି ଅଲ୍ଟୋ, ହୁଣ୍ଡାଇ ଗ୍ରାଣ୍ଡ୍ ଆଇ୧୦ ଏବଂ ଟାଟା ଟିଆଗୋ ଭଳି ଲୋକପ୍ରିୟ ବଜେଟ୍-ଅନୁକୂଳ ମଡେଲଗୁଡ଼ିକର ମୂଲ୍ୟ ପ୍ରାୟ ୧୦% ହ୍ରାସ ପାଇବାର ଆଶା କରାଯାଉଛି। ହୋଣ୍ଡା ସାଇନ୍, ବଜାଜ୍ ପଲସର, ହୋଣ୍ଡା ଆକ୍ଟିଭା ଏବଂ ହିରୋ ସ୍ପ୍ଲେଣ୍ଡର ଭଳି ବହୁଳ ଭାବରେ ବିକ୍ରି ହେଉଥିବା ଦୁଇ ଚକିଆ ଯାନର ମଧ୍ୟ ଦାମ କମିବ।

ଏହି ପାର୍ବଣ ଋତୁରେ Yamaha GST ମୂଲ୍ୟ ଲାଭଦାୟକ

୧. R15 – ପୁରୁଣା ମୂଲ୍ୟ: ୨,୧୨,୨୦୨ ଟଙ୍କା, ନୂଆ ମୂଲ୍ୟ: ୧,୯୪,୩୯ ଟଙ୍କା
ସଞ୍ଚୟ ହେବ- ୧୭,୫୮୧ ଟଙ୍କା
୨. MT15 – ପୁରୁଣା ମୂଲ୍ୟ: ୧,୮୦,୫୦୦ ଟଙ୍କା, ନୂତନ ମୂଲ୍ୟ: ୧,୬୫,୫୩୬ ଟଙ୍କା
ସଞ୍ଜୟ ହେବ- ୧୪,୯୬୪ ଟଙ୍କା
୩. FZ-S Fi ହାଇବ୍ରିଡ୍ –  ପୁରୁଣା ମୂଲ୍ୟ: ୧,୪୫,୧୯୦ ଟଙ୍କା, ନୂଆ ମୂଲ୍ୟ: ୧,୩୩,୧୫୯ ଟଙ୍କା
ସଞ୍ଚୟ ହେବ- ୧୨,୦୩୧ ଟଙ୍କା
୪. FZ-X ହାଇବ୍ରିଡ୍ –ପୁରୁଣା ମୂଲ୍ୟ: ୧,୪୯,୯୯୦ ଟଙ୍କା, ନୂଆ ମୂଲ୍ୟ: ୧,୩୭,୫୬୦ ଟଙ୍କା
ସଞ୍ଚୟ ହେବ-୧୨,୩୦
୫. Aerox 155 ଭର୍ସନ S –  ପୁରୁଣା ମୂଲ୍ୟ: ୧,୫୩,୮୯୦ ଟଙ୍କା, ନୂଆ ମୂଲ୍ୟ: ୧,୪୧,୧୩୭
ସଞ୍ଚୟ ହେବ ୧୨,୭୫୩ ଟଙ୍କା
୬. RayZR –ପୁରୁଣା ମୂଲ୍ୟ: ୯୩,୭୬୦ ଟଙ୍କା ନୂତନ ମୂଲ୍ୟ: ୮୬,୦୦୧ ଟଙ୍କା
ସଞ୍ଚୟ ହେବ- ୭,୭୫୯ ଟଙ୍କା
୭. Fascino –ପୁରୁଣା ମୂଲ୍ୟ: ୧,୦୨,୭୯୦ ଟଙ୍କା ନୂତନ ମୂଲ୍ୟ: ୯୪,୨୮୧ ଟଙ୍କା
ସଞ୍ଚୟ ହେବ- ୮,୫୦୯ ଟଙ୍କା