ଭୁବନେଶ୍ବର: ଭାରତର ଲୋକକଳା ଅନନ୍ୟ। ପ୍ରତ୍ୟେକ ରାଜ୍ୟରେ ଭିନ୍ନ ଭିନ୍ନ ଲୋକକଳା ରହିଛି। କିନ୍ତୁ ଓଡ଼ିଶାର ଲୋକକଳା ରାଜ୍ୟବାସୀଙ୍କୁ ସ୍ଵତନ୍ତ୍ର ପରିଚୟ ଦେଇପାରିଛି। ଭଞ୍ଜକଳା ମଣ୍ଡପରେ କଳାଞ୍ଜଳି ଲୋକକଳା ମହୋତ୍ସବର ଉଦଯାପିତ ଉତ୍ସବରେ ଯୋଗଦେଇ ଓଡ଼ିଶାର ଲୋକକଳାକୁ ଉଚ୍ଚ ପ୍ରଶଂସା କରିଛନ୍ତି ପୂର୍ବତନ ରାଜ୍ୟପାଳ ଗଣେଶୀ ଲାଲ।

କଳାଞ୍ଜଳି ଆର୍ଟିଷ୍ଟ୍ରି ଟ୍ରଷ୍ଟ ଆନୁକୁଲ୍ୟରେ ଭାରତ ସରକାରଙ୍କ ସଂସ୍କୃତି ବିଭାଗ ଓ ଓଡ଼ିଶା ସରକାରଙ୍କ ସଂସ୍କୃତି ବିଭାଗ ମିଳିତ ସହଯୋଗରେ ଆୟୋଜିତ ହେଉଥିଲା ଦୁଇ ଦିନିଆ ଲୋକକଳା ମହୋତ୍ସବ। ସର୍ବଦା ଓଡ଼ିଶା ତଥା ବିଭିନ୍ନ ରାଜ୍ୟର ହଜିଯାଉଥିବା ଲୋକକଳାକୁ ପଚାର ଓ ପ୍ରସାର ନିମନ୍ତେ ବହୁ ପଦକ୍ଷେପମାନ ହାତକୁ ନେଇଥାଏ କଳାଞ୍ଜଳି ଟ୍ରଷ୍ଟ।

ସମ୍ମାନିତ ଅତିଥି ଭାବେ ବ୍ରହ୍ମପୁର ସାଂସଦ ପ୍ରଦୀପ କୁମାର ପାଣିଗ୍ରାହୀ ଯୋଗଦେଇ କଳାଞ୍ଜଳିର ଏହି ପ୍ରୟାସକୁ ପ୍ରଶଂସା କରିଥିଲେ। ଭାରତର ତଥା ଓଡ଼ିଶାର ବିଭିନ୍ନ ପ୍ରାନ୍ତରୁ ଆସିଥିବା କଳାକାରମାନଙ୍କ ଦ୍ବାରା ଓଡ଼ିଶାର ପାରମ୍ପରିକ ଲୋକନୃତ୍ୟ ସହ ଯୋଡି ଶଂଙ୍ଖ,ବାଘ ନୃତ୍ୟ, କେରଳର ଲୋକନୃତ୍ୟ ମୋହିନିୟାତ୍ୟମ୍, ମହାରାଷ୍ଟ୍ରର ଲୋକନୃତ୍ୟ, ଛତ୍ରପୁରର ନୂତ୍ୟ ଶିଳ୍ପୀଙ୍କ ଦ୍ବାରା କଥାପାଦ, ଲାବନି ନୃତ୍ୟ, ବିହୁ ନୃତ୍ୟ,ସମ୍ବଲପୁରୀ ଲୋକନୃତ୍ୟ, ମହାରାଷ୍ଟ୍ର ର ଲୋକନୃତ୍ୟ ପ୍ରଦର୍ଶନ କରା ଯାଇଥିଲା ଯାହା ଦର୍ଶକ ଙ୍କୁ ବିମୋହିତ କରିଥିଲା।

ଏହି କାର୍ଯ୍ୟକ୍ରମକୁ କଳାଞ୍ଜଳି ଟ୍ରଷ୍ଟର ପ୍ରତିଷ୍ଠାତା ରାମେଶ୍ୱରୀ ନନ୍ଦ ପରିଚାଳନା କରିବା ସହ ଲୋକକଳାକୁ ବଞ୍ଚାଇ ରଖିବା ସହ ଏହାର ବିକାଶ ନିମନ୍ତେ ଉଦ୍ୟମରେ ଆପଣମାନେ ଆମ ସହ ସହଭାଗୀ ହେବା ସହ ଓଡ଼ିଶା ତଥା ଦେଶ ବିଦେଶରେ ମଧ୍ୟ ଏହା କିପରି ସୁଦୂର ପ୍ରସାରୀ ହୋଇପାରିବ ସେ ନେଇ ଆମ ଅନୁଷ୍ଠାନ ସର୍ବଦା ଉଦ୍ୟମ କରିବ ବୋଲି କହିଥିଲେ।