୩୩ ବର୍ଷରେ ବାହା ହେଲେ ହଲିଉଡ୍ ସିଙ୍ଗର ସେଲେନା ଗୋମେଜ, ସେୟାର କଲେ ରୋମାଣ୍ଟିକ ଫଟୋ

ମୁମ୍ବାଇ ୨୮। ୦୯: ବିବାହ ବନ୍ଧନରେ ବାନ୍ଧି ହେଲେ ହଲିଉଡ୍‌ର ପ୍ରସିଦ୍ଧ ଗାୟିକା ସେଲେନା ଗୋମେଜ୍ ।ସେ ତାଙ୍କର ଦୀର୍ଘ ଦିନର ପ୍ରେମିକ ବେନି ବ୍ଲାଙ୍କୋଙ୍କୁ ବିବାହ କରିଛନ୍ତି। ଗତ କିଛିଦିନ ଧରି ସେଲେନା ତାଙ୍କ ବିବାହକୁ ନେଇ ଚର୍ଚ୍ଚାରେ ଥିଲେ । ତାଙ୍କ ନିର୍ବନ୍ଧ ପରେ ସେ ତାଙ୍କ ବନ୍ଧୁମାନଙ୍କ ସହିତ ଏକ ବ୍ୟାଚଲର ପାର୍ଟି ସେଲିବ୍ରେସନ କରିଥିଲେ ।

ସେଲେନା ଗୋମେଜ୍ ଗତକାଲି ଅର୍ଥାତ ସେପ୍ଟେମ୍ବର ୨୭ରେ ଏକ ଖ୍ରୀଷ୍ଟିଆନ ରୀତିନୀତିରେ ଆମେରିକୀୟ ପ୍ରଯୋଜକ ଏବଂ ଗୀତିକାର ବେନି ବ୍ଲାଙ୍କୋଙ୍କୁ ବିବାହ କରିଥିଲେ। ସେଲେନା ଏବଂ ବେନିଙ୍କ ବିବାହ ଲୁକ୍ ବିଷୟରେ କହିବାକୁ ଗଲେ ,ଦୁହେଁ ନିଜ ନିଜ ପୋଷାକରେ ବହୁତ ସୁନ୍ଦର ଦେଖାଯାଉଥିଲେ। ସେଲେନା ଏକ ବ୍ୟାକଲେସ୍ ଧଳା ଲମ୍ବା ଗାଉନ୍ ପିନ୍ଧିଥିଲେ,ଯାହାକୁ ସେ ହୀରା କାନଫୁଲ ସହିତ ଷ୍ଟାଇଲ୍ କରିଥିଲେ। ସେହିପରି ବେନି ଏକ କଳା ଟକ୍ସେଡୋରେ ସୁନ୍ଦର ଦେଖାଯାଉଥିଲେ। ସେପଟେ ତାଙ୍କ ବିବାହକୁ ନେଇ ସେଲିବ୍ରିଟିଙ୍କଠାରୁ ଆରମ୍ଭ କରି ପ୍ରଶଂସକ ପର୍ଯ୍ୟନ୍ତ ସୋସିଆଲ ମିଡିଆରେ ସମସ୍ତେ ସେଲେନା ଏବଂ ବେନିଙ୍କୁ ବିବାହ ପାଇଁ ଅଭିନନ୍ଦନ ଜଣାଉଛନ୍ତି।

 

 

 

 

View this post on Instagram

 

 

 

 

 

 

 

 

 

 

 

A post shared by Selena Gomez (@selenagomez)

କହିବାକୁ ଗଲେ ସେ ପୂର୍ବରୁ ଘୋଷଣା କରିଥିଲେ ଯେ,ସେ ସେପ୍ଟେମ୍ବରରେ ବେନିଙ୍କୁ ବିବାହ କରିବେ । ବର୍ତ୍ତମାନ ସେଲେନା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ବିବାହ ଫଟୋ ଏବଂ ଭିଡିଓ ସେୟାର କରି ତାଙ୍କ ପ୍ରଶଂସକମାନଙ୍କ ସହିତ ଏହି ଖୁସି ଖବର ସେୟାର କରିଛନ୍ତି। ଏହି ଫଟୋ ଏବଂ ଭିଡିଓଗୁଡ଼ିକରେ ସେଲେନାଙ୍କ ବ୍ରାଇଡାଲ୍ ଏଣ୍ଟ୍ରି ଦେଖିବାକୁ ମିଳିଛି। ସେଲେନା ଏକ ହାର୍ଟ ଇମୋଜି ସହିତ କ୍ୟାପସନରେ ବିବାହ ତାରିଖ ଲେଖି ସେୟାର କରିଛନ୍ତି।