ପାରିବାରିକ କଳହର କରୁଣ ପରିଣତି, ଜୀବନ ଯୁଦ୍ଧରେ ହାରିଗଲେ ତିଳୋତ୍ତମା

ସାଲେପୁର ୦୪।୦୯ : ପାରିବାରିକ କଲହର କରୁଣ ପରିଣତି। ଦେହରେ କିରାସିନି ଢାଳି ମହିଳା ଆତ୍ମହତ୍ୟା ଉଦ୍ୟମ ଘଟଣା। ଜୀବନମରଣ ସହ ସଂଗ୍ରାମ କରି ଶେଷରେ ୪୮ଘଣ୍ଟା ପରେ କଟକ ବଡ଼ ମେଡିକାଲରେ ଚିକିତ୍ସାଧୀନ ଅବସ୍ଥାରେ ମହିଳା ଆଖିବୁଜିଲେ। ମହିଳା ଜଣକ ହେଲେ ସାଲେପୁର ଥାନା ସିଢ଼ୋ ପଞ୍ଚାୟତ କଙ୍କରାଇଲୋ ଗ୍ରାମର ତିଳୋତ୍ତମା ରାଉତ।

ଖବର ଅନୁଯାୟୀ, ମହିଳା ଜଣକ ପାରିବାରିକ କଳହରୁ ଦେହରେ କିରୋସିନ ଢାଳି ଆତ୍ମହତ୍ୟା ଉଦ୍ୟମ କରିଥିଲେ। ତାଙ୍କୁ ଗୁରୁତର ଆବସ୍ଥାରେ ଉଦ୍ଧାର କରି ପ୍ରଥମେ ନିକଟସ୍ଥ ସାଲେପୁର ମେଡିକାଲରେ ଭର୍ତ୍ତି କରାଯାଇଥିଲା। ମହିଳାଙ୍କ ଶରୀରର ୭୦ଭାଗ ଜଳିଯାଇଥିବା ନେଇ ଡାକ୍ତର ସୂଚନା ଦେଇଥିଲେ। ସ୍ୱାସ୍ଥ୍ୟାବସ୍ଥା ଅଧିକ ବିଗିଡ଼ିବାରୁ କଟକ ବଡ଼ ମେଡିକାଲକୁ ଚିକିତ୍ସାପାଇଁ ସ୍ଥାନାନ୍ତର କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ମହିଳାଙ୍କ ମୃତ୍ୟୁ ହୋଇଛି। ଏସମ୍ପର୍କରେ ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ତଦନ୍ତ କରୁଥିବା ନେଇ ସୂଚନା ମିଳିଛି।