ଦ୍ୱାଦଶ ଶ୍ରେଣୀ ଛାତ୍ର ୧୭ ବର୍ଷର ଆଦିତ୍ୟ କଲେ କମାଲ, ନିଜେ ବନାଇଲେ AI ଟିଚର

ନୂଆଦିଲ୍ଲୀ ୨୯/୧୧: ଶିକ୍ଷକ, ଶିକ୍ଷୟିତ୍ରୀ ସ୍କୁଲ ନଆସିଲେ ପାଠପଢା ଠପ୍ । ଖାଲି ପାଠପଢା ନୁହେଁ ପିଲାଙ୍କୁ ଆକଟ କରିବାକୁ ବି ଗୁରୁଙ୍କ ଆବଶ୍ୟକତା ଥାଏ । ଆଉ ଯଦି ଦିଦି ସାର ନାହାଁନ୍ତି ତେବେ ପିଲା ବି ବେଶ୍ ଖୁସି । କିନ୍ତୁ ଏସବୁ ମିଳିବାକୁ ଯାଉଛି ମୁକ୍ତି । ଜଣେ ଦ୍ୱାଦଶ ଶ୍ରେଣୀ ଛାତ୍ର ଏମିତି କିଛି କରିଛନ୍ତି ଯାହାକୁ ନେଇ ସବୁଠି ଚର୍ଚ୍ଚା । କମାଲ କରିଛନ୍ତି ୧୭ ବର୍ଷର ଆଦିତ୍ୟ । ତାଙ୍କ ଉଦ୍ଭାବନାର ଫଳ ସ୍ୱରୁପ ସ୍କୁଲ୍‌ରେ ପାଠ ପଢ଼ାଉଛି ରୋବୋଟ୍ । ହାତରେ ବନାଇଲେ AI ଟିଚର । ଯିଏକି ସ୍କୁଲ ଯାଇଁ ପିଲାଙ୍କୁ ପାଠ ପଢାଉଛି । ତାର ନାମକରଣ ବି ହୋଇଛି, ନା ତାର ‘ସୋଫି’ ।

ସେହି ରୋବୋଟ ଶିକ୍ଷକ ଶିକ୍ଷୟିତ୍ରୀଙ୍କ ଅନୁପସ୍ଥିତିରେ ସ୍କୁଲ୍ରେ ପାଠ ପଢ଼ାଉଛି । ଏମିତିକି ଛାତ୍ରଛାତ୍ରୀ ପଚାରୁଥିବା ସମସ୍ତ ପ୍ରଶ୍ନର ନିର୍ଭୂଲ ଉତ୍ତର ବି ଦେଉଛି । ଉତ୍ତର ପ୍ରଦେଶରେ ଦ୍ୱାଦଶ ଛାତ୍ରଙ୍କ ଏପରି ସୃଷ୍ଟିକୁ ନେଇ ସବୁଠି ବାହାବା । ତେବେ ଜାଣିଲେ ଆଶ୍ଚର୍ଯ୍ୟ ହେବେ ଏହି ରୋବଟ୍ ଇଂରାଜୀ ନୁହେଁ ହିନ୍ଦୀରେ କରୁଛି କଥାବାର୍ତ୍ତା । ବୁଲନ୍ଦସହରର ସ୍କୁଲରେ ଏଣ୍ଟ୍ରି ମାରିଛି ୟୁନିକ୍ ଟିଚର । ଆଉ ଶିକ୍ଷକଙ୍କ ଆଗମନ ବି ସମସ୍ତଙ୍କୁ ଆଶ୍ଚର୍ଯ୍ୟ କରିଛି । କାରଣ ନାଁ ସେ ଥକୁଛି ନାଁ ସେ ପ୍ରତିବାଦ କରୁଛି । ଯାହା ଟାସ୍କ ଦେଲେ ଫଟାଫଟ୍ ରିପ୍ଲାଏ । ଏମିତିକି ବର୍ଷ ତମାମ ଛୁଟିର ଆବଶ୍ୟକତା ବି ନାହିଁ । ଯେତେବେଳେ ଯିଏ ଡାକିଲେ ପଢାଇବାକୁ ତୟାର ।

ଆଉ ସେହି ଶିକ୍ଷୟିତ୍ରୀ ହେଉଛନ୍ତି ସୋଫି । ତେବେ ସେ କୌଣସି ମଣିଷ ନୁହଁନ୍ତି ବରଂ ମଣିଷର ଅନବଦ୍ୟ ସୃଷ୍ଟି ଜଣେ AI ରୋବୋଟ୍ । ସୋଫି କେବଳ ଛାତ୍ରମାନଙ୍କୁ ପାଠ ପଢ଼ାଇ ନାହିଁ, ବରଂ ସ୍କୁଲରେ ସମସ୍ତଙ୍କ ପ୍ରିୟ ହୋଇଯାଇଛନ୍ତି । ସେ କୁହନ୍ତି, "ମୁଁ ଜଣେ AI ଶିକ୍ଷକ ରୋବୋଟ୍," ଏବଂ ତାଙ୍କ ସ୍ୱର ସିଧାସଳଖ ଏକ ବିଜ୍ଞାନ-କଳ୍ପନା ଚଳଚ୍ଚିତ୍ର ପରି ଶୁଭୁଛି। ଏମିତିକି ପ୍ରଥମ ଦେଖାରେ ବିଶ୍ୱର ସବୁଠାରୁ ଉଚ୍ଚ କୋଠା, ଭାରତର ପ୍ରଥମ ରାଷ୍ଟ୍ରପତି ଓ ଭାରତର ପ୍ରଥମ ପ୍ରଧାନମନ୍ତ୍ରୀ ଭଳି ଅନେକ ପ୍ରଶ୍ନର ଉତ୍ତର ବି ଦେଇଥିଲା ।

ଦୀର୍ଘଦିନର ଆଦିତ୍ୟଙ୍କ ପରିଶ୍ରମକୁ ମିଳିଛି ସଫଳତା । ରୋବୋଟରେ ସ୍ଥାପନ କରିଛନ୍ତି LLM ଚିପସେଟ୍ । ଯାହା ପ୍ରମୁଖ ଟେକ୍ କମ୍ପାନୀଗୁଡ଼ିକ ସେମାନଙ୍କର ସ୍ମାର୍ଟ ରୋବୋଟରେ ବ୍ୟବହାର କରାଯାଏ । ତେବେ ଆଦିତ୍ୟ ଆହୁରି କହିଛନ୍ତି ଯେ, ଏବେ ସେ ପାଠ ପଢାଉଛି ଆଗକୁ ସେ ଖୁବ୍ ଶୀଘ୍ର ଲେଖିପାରିବ। ଆଦିତ୍ୟଙ୍କ କହିବା କଥା ପ୍ରତ୍ୟେକ ଜିଲ୍ଲାରେ ଛାତ୍ରମାନଙ୍କ ପାଇଁ ଗବେଷଣା କରିବା ରହିବା କଥା ଉପଯୁକ୍ତ ପ୍ରୟୋଗଶାଳା । ଉପଲବ୍ଧ ହେବା ଉଚିତ, ଯେପରି ସେ କରିଥିଲେ। "ପ୍ରତ୍ୟେକ ଜିଲ୍ଲାରେ ଏକ ପ୍ରୟୋଗଶାଳା ରହିବା ଉଚିତ ଯାହା ଦ୍ୱାରା ଛାତ୍ରମାନେ ସେଠାକୁ ଯାଇ ଗବେଷଣା କରିପାରିବେ ।