ନୂଆଦିଲ୍ଲୀ: ହିନ୍ଦୁ ଧର୍ମରେ ଅମାବାସ୍ୟା ଏବଂ ପୂର୍ଣ୍ଣିମା ଉଭୟ ତିଥିର ସ୍ୱତନ୍ତ୍ର ମହତ୍ୱ ରହିଛି । ଏହି ତିଥିରେ ସ୍ନାନ-ଦାନ କରିବା ଦ୍ୱାରା ପୁଣ୍ୟକାରୀ ଫଳ ପ୍ରାପ୍ତି ହୋଇଥାଏ । ଶାସ୍ତ୍ରରେ ବୈଶାଖୀ ମାସରେ ପଡ଼ୁଥିବା ପୁର୍ଣ୍ଣିମାର ମହତ୍ୱ ଅଧିକ ରହିଛି । ଏହି ଦିନ ଭଗବାନ ସତ୍ୟନାରାୟଣଙ୍କ ନିମିତ୍ତ ବ୍ରତ ରଖିବାର ବିଧାନ ରହିଛି । ବୈଶାଖ ପୁର୍ଣ୍ଣିମା ଦିନ ଯେଉଁ ବ୍ୟକ୍ତି ଭଗବାନ ସତ୍ୟନାରାୟଣଙ୍କ ପୂଜା କରନ୍ତି, ତାଙ୍କ କଥା ପାଠ କରନ୍ତି ଏବଂ ଭଗବାନଙ୍କୁ ଭୋଗ ଲଗାନ୍ତି, ସେଥିରେ ପରିବାରରେ ସବୁବେଳେ ସୁଖ-ସମୃଦ୍ଧି ରହିଥାଏ ।

ପୂର୍ଣ୍ଣିମା ତିଥି ଏବଂ ସ୍ନାନ-ଦାନର ଶୁଭ ମୁହୂର୍ତ୍ତ

• ବୈଶାଖ ପୂର୍ଣ୍ଣିମା ତିଥିର ଆରମ୍ଭ ୨୦୨୪ ମେ ୨୨ ସଂଧ୍ୟା ୭ଟା ୪୭ ମିନିଟରୁ ଆରମ୍ଭ ହେବ । 
• ବୈଶାଖ ପୂର୍ଣ୍ଣିମାର ତିଥିର ସମାପନ ୨୦୨୪ ମେ ୨୩ ସଂଧ୍ୟା ୭ଟା ୨୨ ମିନିଟରେ ହେବ । 
• ପୂର୍ଣ୍ଣିମା ତିଥି- ୨୦୨୪ ମେ ୨୩ ।
• ବୈଶାଖ ପୂର୍ଣ୍ଣିମା ଦିନ ସ୍ନାନ-ଦାନ ପାଇଁ ବ୍ରହ୍ମ ମୁହୂର୍ତ୍ତ ମେ ୨୩ ସକାଳ ୪ଟା ୪ ମିନିଟରୁ ସକାଳ ୪ଟା ୪୫ ମିନିଟ ଯାଏ ରହିବ ।
• ଚନ୍ଦ୍ରୋଦୟ ସମୟ-ମେ ୨୪ ସଂଧ୍ୟା ୭ଟା ୧୨ ମିନିଟରେ ।

ଏହା ବ୍ୟତୀତ ବୈଶାଖ ପୂର୍ଣ୍ଣିମାକୁ ବିଶେଷ ରୂପେ ବୁଦ୍ଧ ପୂର୍ଣ୍ଣିମା ରୂପେ ପାଳନ କରାଯାଏ । ବୌଦ୍ଧ ଧର୍ମରେ ଏହି ଅତ୍ୟନ୍ତ ମହତ୍ୱ ରଖୁଛି । କାରଣ ଏହି ଦିନ ଭଗବାନ ବୁଦ୍ଧଙ୍କ ଜନ୍ମ ହୋଇଥିଲା । ଏହାସହ ଭଗବାନ ଗୌତମ ବୁଦ୍ଧଙ୍କୁ ସାତ ବର୍ଷର କଠିନ ତପତ୍ସ୍ୟା ପରେ ବିହାରର ବୌଦ୍ଧ ଗୟାରେ ଭଗବାନ ବୁଦ୍ଧଙ୍କ ଜ୍ଞାନ ପ୍ରାପ୍ତି ମଧ୍ୟ ଏହି ଦିନ ହୋଇଥିଲା । ଏହା ବ୍ୟତୀତ ଭଗବାନ ଗୌତମ ବୁଦ୍ଧଙ୍କ ମହାପରିନିର୍ବାଣ ସମାରୋହ ଅର୍ଥାତ୍ ତାଙ୍କ ଜୀବର ଅନ୍ତୀମ ଦିବସ ମଧ୍ୟ ବୈଶାଖ ମାସର ପୁର୍ଣ୍ଣିମା ଦିନ ପାଳନ କରାଯାଏ ।

ବୈଶାଖ ପୂର୍ଣ୍ଣିମା ଦିନ ଗଙ୍ଗା ଏବଂ ଅନ୍ୟ ପବିତ୍ର ନଦୀରେ ସ୍ନାନ-ଦାନ କରିବା ଦ୍ୱାରା ପୁଣ୍ୟ ମିଳିଥାଏ । ବୈଶାଖ ଅମାବାସ୍ୟା ଦିନ ନିଜର ବସ୍ତ୍ର, ଧନ, ଅନ୍ନ ଏବ ଫଳ ଦାନ କରିବା ଅତି ଉତ୍ତମ ବୋଲି ବିଶ୍ୱାସ କରାଯାଏ ।

(Disclaimer: ଏଠାରେ ଦିଆଯାଇଥିବା ସୂଚନା ଧାର୍ମିକ ଆସ୍ଥା ଏବଂ ଲୋକ ମାନ୍ୟତା ଉପରେ ଆଧାରିତ ଅଟେ । ଏହାର କୌଣସି ବି ବୈଜ୍ଞାନିକ ପ୍ରମାଣ ନାହିଁ । ପ୍ରମେୟ ନ୍ୟୁଜ୍ 7.କମ୍ କୌଣସି କଥାର ସତ୍ୟତାର ପ୍ରମାଣ ଦେଉ ନାହିଁ ।)