ନୂଆଦିଲ୍ଲୀ ୧୧।୦୨; ବିଶ୍ଵ ବ୍ରହ୍ମାଣ୍ଡର ସବୁଠୁ ବଡ ଗ୍ରହାଣୁପୁଞ୍ଜ ଠାବ ହୋଇଛି । ଯାହାର ନାମ କ୍ଵିପୁରେ ନାମିତ । ଏହି ଗ୍ରହାଣୁପୁଞ୍ଜ ୧.୩ ବିଲିୟନ ଆଲୋକ ବର୍ଷ ପର୍ଯ୍ୟନ୍ତ ବ୍ୟାପିଛି । ଏଥିରେ ଆନୁମାନିକ ୨୦୦ କ୍ଵାଡ୍ରିଲିୟନ ସୌର ଦ୍ରବୀଭୂତ ରହିଚି । ଏହି ଗ୍ରହାଣୁପୁଞ୍ଜ ଏକ ଦୀର୍ଘ କେନ୍ଦ୍ରୀୟ ପରି ଲମ୍ଵିଛି । ଏହାର ଅନେକ ଶାଖା ମଧ୍ୟ ରହିଛି । କ୍ଵିପୁର ବିଶାଳ ଆକାର ଆକାଶଗଙ୍ଗା ଠାରୟ ୧୩ ହଜାର ଗୁଣ ଅଧିକ।
ସେଥିପାଇଁ ଏକାକୁ ବ୍ରହ୍ମାଣ୍ଡର ସବୁଠୁ ଲମ୍ଵା ଗ୍ରହାଣୁପୁଞ୍ଜ କୁହାଯାଉଛି । ପୂର୍ବରୁ ଏହି ରେକର୍ଡ ଲାନିୟେକ ସୁପରକ୍ଲଷ୍ଟର ନାମରେ ଥିଲା । ରିପୋର୍ଟ ଅନୁଯାୟୀ ବ୍ରହ୍ମାଣ୍ଡରେ ପଦାର୍ଥର ସରଞ୍ଚନା ତଥା ଗଠନ ଅଧ୍ୟୟନ ପାଇଁ ଏକ ବିସ୍ତୁତ ମାନଚିତ୍ର ପ୍ରସ୍ତୁତ କରିବାକୁ ପ୍ରୟାସ ହେଉଛି । ଏହା ଅଧିନରେ ଏହି ଗ୍ରହାଣୁପୁଞ୍ଜକୁ ଠାବ କରାଯାଇଛି। ଏହି କ୍ଵିପୁ ପୃଥିବୀ ଠାରୁ ୪୨୫ ନିୟୁତ ୮୨୫ ନିୟୁତ ଆଲୋକ ବର୍ଷ ଦୂରରେ ରହିଛି। କ୍ଵିପୁ ଓ ଏହା ସହିତ ମହାକାଶ ବିଜ୍ଞାନୀମାନେ ଠାବ କରଥିବା ମୋଟ ୫ଟି ଗ୍ରହାଣୁପୁଞ୍ଜ ସମଗ୍ର ବିଶ୍ଵ ବ୍ରହ୍ମାଣ୍ଡର ୧୩ ପ୍ରତିଶତ ଅଞ୍ଚଳରେ ପରିବ୍ୟାପ୍ତ। କ୍ଵିପୁ ପରି ବଡ ବଡ ଗ୍ରହାଣୁପୁଞ୍ଜ ବ୍ରହ୍ମାଣ୍ଡ ଉପରେ ପ୍ରଭାବ ପକାଇଥାଏ। ଏହାର ଗୁରୁତ୍ଵାକର୍ଷଣ ଆଲୋକ ବିକୃତି ସୃଷ୍ଟି କରିବାକୁ ସକ୍ଷମ ହୋଇଥାଏ ବୋଲି ମହାକାଶବିଜ୍ଞାନୀମାନେ କହିଛନ୍ତି।
କ୍ୱିପୁର ଆବିଷ୍କାର
ମ୍ୟାକ୍ସ ପ୍ଲାଙ୍କ୍ ଇନଷ୍ଟିଚ୍ୟୁଟର ବୈଜ୍ଞାନିକ ହାନ୍ସ ବୋହରିଙ୍ଗର ଏବଂ ତାଙ୍କ ଦଳ କ୍ଲାସିକ୍ସ କ୍ଲଷ୍ଟର ସର୍ଭେ ବ୍ୟବହାର କରି ଏହି ଆବିଷ୍କାର କରିଛନ୍ତି। ଦଳଟି ଏକ୍ସ-ରେ ଗ୍ୟାଲାକ୍ସି କ୍ଲଷ୍ଟର ମାଧ୍ୟମରେ କ୍ୱିପୁ ସମେତ ଅନ୍ୟ ଚାରୋଟି ସୁପରଷ୍ଟ୍ରକଚର ଚିହ୍ନଟ କରିଥିଲା। କହିବାକୁ ଗଲେ ଗ୍ୟାଲେକ୍ସି କ୍ଲଷ୍ଟରରେ ଶହ ଶହ ଗ୍ୟାଲେକ୍ସି ଅଛି। ଏଗୁଡ଼ିକରେ ଗରମ ଗ୍ୟାସ୍ ଥାଏ, ଯାହା ଏକ୍ସ-ରେ ନିର୍ଗତ କରେ। ଏହି ଏକ୍ସ-ରେ ନିର୍ଗମନକୁ ମାପି ବୈଜ୍ଞାନିକମାନେ ସବୁଠାରୁ ଘନ ଅଞ୍ଚଳ ଆବିଷ୍କାର କରିଛନ୍ତି। ଏହି କୌଶଳ ମାଧ୍ୟମରେ, ବୈଜ୍ଞାନିକମାନେ ଆବିଷ୍କାର କଲେ ଯେ କ୍ୱିପୁ ଏକ ଲମ୍ବା ଫିଲାମେଣ୍ଟ ଏବଂ ଏଥିରେ ଆହୁରି ଅନେକ ଫିଲାମେଣ୍ଟ ସଂଲଗ୍ନ ଅଛି।
