News7 Logo

ନେପାଳକୁ ନେଇ ସତ ହେଲା ପୁରୀ ଶଙ୍କରାଚାର୍ଯ୍ୟଙ୍କ ୨୦୧୮ ଭବିଷ୍ୟବାଣୀ! ଭାଇରାଲ ହେଉଛି ଭାରତ ଲାଗି ବାର୍ତ୍ତା Watch Video

Published By: admin - Prameya-News7 Bureau | September 11, 2025 04:49 PM
NEWS7
gfx

ନୂଆଦିଲ୍ଲୀ ୧୧।୯: ନେପାଳରେ ଉପୁଜିଥିବା ରାଜନୈତିକ ସଂକଟ ଓ ହିଂସାତ୍ମକ ପ୍ରଦର୍ଶନ ମଧ୍ୟରେ ୨୦୧୮ରେ ଜଗତଗୁରୁ ଶଙ୍କରାଚାର୍ଯ୍ୟଙ୍କ ଏକ ଭବିଷ୍ୟତବାଣୀ ଅଚାନକ ଚର୍ଚ୍ଚାର ବିଷୟ ପାଲଟିଯାଇଛି। ସେ କହିଥିଲେ ‘ବିଶ୍ୱରେ ସ୍ୱସ୍ଥ କ୍ରାନ୍ତିର ସଂରଚନା ନେପାଳରୁ ପ୍ରାରମ୍ଭ ହେବ’। ଆଜି ନେପାଳର ରାଜନୈତିକ ଅସ୍ଥିରତା ଓ ଯୁବବର୍ଗଙ୍କ ଆନ୍ଦୋଳନକୁ ଦେଖିଲେ ଏହି ଭବିଷ୍ୟତବାଣୀ ପ୍ରାସଙ୍ଗିକ ଲାଗୁଛି।

ନେପାଳରେ ଯୁବ ବର୍ଗଙ୍କ ଗଣତନ୍ତ୍ର ପ୍ରତି ସମର୍ଥନ ଓ ନୂଆ ରାଜନୈତିକ ବ୍ୟବସ୍ଥା ଦାବି ପୁରୀଶଙ୍କରାଚାର୍ଯ୍ୟଙ୍କ ଭବିଷ୍ୟତବାଣୀ ଆଡକୁ ଇଶାରା କରୁଛି। ଯଦି ନେପାଳରେ ଏକ ସୁସ୍ଥ ଓ ସମାବେଶୀ ରାଜନୈତିକ କ୍ରାନ୍ତି ହୁଏ, ତେବେ ଏହା ନା କେବଳ ନେପାଳ ବରଂ ସମଗ୍ର ଦକ୍ଷିଣ ଏସିୟା ନିମନ୍ତେ ଏକ ସକରାତ୍ମକ ପରିବର୍ତ୍ତନର ସଂକେତ ହେବ। ୨୦୧୮ ମସିହାରେ ଶଙ୍କରାଚାର୍ଯ୍ୟ ନେପାଳର ସାଂସ୍କୃତିକ ଓ ଧାର୍ମିକ ମହତ୍ୱକୁ ରେଖାଙ୍କିତ କରି ଏକ ଭବିଷ୍ୟତବାଣୀ କରିଥିଲେ। ସେ କହିଥିଲେ ନେପାଳ ଯାହା ଭଗବାନ ପଶୁପତିନାଥଙ୍କ ଭୂମିରେ ଏକ ନୂଆ ରାଜନୈତିକ ଓ ସାମାଜିକ କ୍ରାନ୍ତିର ସମ୍ଭାବନା ରହିଛି।

ତାଙ୍କ କହିବା କଥା ଥିଲା ନେପାଳରୁ ପ୍ରେରଣା ନେଇ ଭାରତ ନିଜର ଅନ୍ତରୀଣ ପ୍ରସଙ୍ଗରେ ଧ୍ୟାନ କେନ୍ଦ୍ରିତ କରିବା ଆବଶ୍ୟକ। ଗତବର୍ଷମାନଙ୍କରେ ନେପାଳରେ ରାଜନୈତିକ ଅସ୍ଥିରତା ବଢିଛି। ୨୦୨୫ରେ ପ୍ରଧାନମନ୍ତ୍ରୀ କେ.ପି.ଶର୍ମା ଓଲିଙ୍କ ଇସ୍ତଫା ପରେ ଦେଶରେ ହିଂସାତ୍ମକ ପ୍ରଦର୍ଶନୀ ଓ ଯୁବବର୍ଗଙ୍କ ଆନ୍ଦୋଳନରେ ବୃଦ୍ଧି ହୋଇଛି। ବିକ୍ଷୋଭକାରୀ ନୂଆ ସମ୍ବିଧାନ ଦାବି କରୁଛନ୍ତି ଓ ପ୍ରତିନିଧିସଭା ଭଙ୍ଗ ଦାବି କରୁଛନ୍ତି। ଏଭଳି ପ୍ରଦର୍ଶନ ନେପାଳର ରାଜନୈତିକ ପରିପାଟିକୁ ଚ୍ୟାଲେଞ୍ଜ କରିଛି ଓ ଏହା ସଂକେତ ଦେଉଛି ନେପାଳରେ ଏକ ନୂଆ ରାଜନୈତିକ କ୍ରାନ୍ତିର ପ୍ରାରମ୍ଭ ହୋଇପାରେ।

ନେପାଳ ଓ ଭାରତ ମଧ୍ୟରେ ରାଜନୈତିକ ଓ ସାଂସ୍କୃତିକ ସମ୍ବନ୍ଧ ରହିଛି। ହେଲେ ଏବେକା ବର୍ଷମାନଙ୍କରେ ସୀମା ବିବାଦ, ନାଗରିକତା ଆଇନ ଓ ଚୀନର ବଢୁଥିବା ପ୍ରଭାବ କାରଣରୁ ସମ୍ପର୍କରେ ଉତ୍ତେଜନା ଦେଖା ଦେଇଛି। ଏହି ସବୁ ଘଟଣା ଏହା ସ୍ପଷ୍ଟ କରୁଛି ନେପାଳକୁ ନିଜ ଅନ୍ତରୀଣ ସମସ୍ୟା ସମାଧାନ କରିବାକୁ ସ୍ୱାଧୀନତାର ଆବଶ୍ୟକତା ରହିଛି, ଏଥିରେ ଭାରତକୁ ନେପାଳର ଅନ୍ତରୀଣ ମାମଲାରେ ହସ୍ତକ୍ଷେପରୁ ବର୍ତ୍ତି ରହିବା ଦରକାର।