ପାଇଲଟ୍‌ମାନେ କାହିଁକି ପକାଇପାରିବେ ନାହିଁ ପରଫ୍ୟୁମ୍ ? କଣ ରହିଛି କାରଣ

ନୂଆଦିଲ୍ଲୀ ୧୬/୦୯: ବିମାନରେ ଯାତ୍ରା । କାହାକୁ ବା ପସନ୍ଦ ନୁହେଁ । କାରଣ ସମୟ ବଞ୍ଚିବା ସହ ଯାତ୍ରା ବି ଆରମ ଦାୟକ । ଅନେକ ଅଛନ୍ତି ବିମାନରେ ଯାତ୍ରା କରିବାକୁ ଭଲ ପାଆନ୍ତି । ଆପଣ ଯାତ୍ରୀଙ୍କ ଲଗେଜ ଏବଂ ଏୟାରପ୍ଲେନ୍ ମୋଡ୍‌ରେ ଡିଭାଇସ୍‌ ବ୍ୟବହାର କରିବା ଭଳି ନିୟମ ବିଷୟରେ ଅବଗତ ଥିବେ । ପାଇଲଟ୍‌ଙ୍କ ପାଇଁ ଅନ୍ୟ ବିମାନକୁ ରାସ୍ତା ଦେବା କିମ୍ବା ଓଭରଟେକ୍ କରିବା ନିୟମ ବିଷୟରେ ମଧ୍ୟ ଅବଗତ ଥିବେ।

ଏବେ ବି ଅନେକ ବିମାନର ଅନେକ କଥା ସଂପର୍କରେ ଅବଗତ ନଥିବେ । ବିଶେଷ କରି ଆପଣ କ’ଣ ଜାଣନ୍ତି ଯେ ବିମାନର କକପିଟ୍‌ରେ ପ୍ରବେଶ କରିବା ପୂର୍ବରୁ ପାଇଲଟ୍‌ମାନଙ୍କୁ ପରଫ୍ୟୁମ୍ ଲଗାଇବାକୁ ବାରଣ କରାଯାଇଛି? ଆସନ୍ତୁ ଜାଣିବା ଏହି ଅଜବ ନିୟମ ପଛରେ କ’ଣ କାରଣ ଅଛି ଏବଂ ଏହା ସେମାନଙ୍କ ପାଇଁ କାହିଁକି ଆବଶ୍ୟକ।
ପାଇଲଟ ବି ଦିଅନ୍ତି ଶ୍ୱାସକ୍ରିୟା ଟେଷ୍ଟ:
ଭାରତରେ ବିମାନ ପରିଚାଳନା ପାଇଁ ଦାୟୀ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (DGCA) । ଏହାର ନିର୍ଦ୍ଦେଶାବଳୀ ଅନୁସାରେ, ପ୍ରତ୍ୟେକ ପାଇଲଟଙ୍କୁ ଯେକୌଣସି ବିମାନ ଚଲାଇବା ପୂର୍ବରୁ ଏକ ଶ୍ୱାସକ୍ରିୟା ପରୀକ୍ଷା କରିବାକୁ ପଡେ । ଏହା ନିଶ୍ଚିତ କରେ ଯେ ସେ ସଚେତନ ଓ ବିମାନ ଉଡ଼ାଇବା ପାଇଁ ଉପଯୁକ୍ତ।
ତଥାପି, କେବଳ ଆଲକହଲ ନୁହେଁ, ବରଂ ପରଫ୍ୟୁମ୍, ମାଉଥୱାସ୍ ଓ ହ୍ୟାଣ୍ଡ ସାନିଟାଇଜରରେ ମଧ୍ୟ ଇଥାଇଲ୍ ଆଲକହଲ ଥାଏ ।

ତେଣୁ, ଯଦିଓ ପାଇଲଟ୍ ମଦ୍ୟପାନ କରିନାହାଁନ୍ତି ଏବଂ ଏହି ଉତ୍ପାଦଗୁଡ଼ିକ ମଧ୍ୟରୁ କୌଣସିଟି ବ୍ୟବହାର କରିଛନ୍ତି । ତଥାପି ଡିଭାଇସ୍ ଭୁଲ ରିଡିଂ ଦେଖାଇପାରେ। ବିପଦ ଏଡାଇବା ପାଇଁ, ପାଇଲଟ୍‌ମାନଙ୍କୁ ଏହି ଜିନିଷଗୁଡ଼ିକରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି। କାରଣ ଏଥିରେ ବଡ଼ କ୍ଷତି ହେବାର ସମ୍ଭାବନା ରହିଛି ।  

ନିୟମ ବ୍ୟାଖ୍ୟା କରି, ଜଣେ ପାଇଲଟ୍ କ୍ୟାପ୍ଟେନ୍ ତୋମର ଅବଧେଶ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଥିଲେ । ଭିଡିଓରେ, ସେ କହିଛନ୍ତି ଯେ ଆମେ ବି ପରଫ୍ୟୁମ୍ ପସନ୍ଦ କରୁ । ପ୍ରକୃତରେ, ଏହି ଡିଭାଇସ୍ ଏହାର ସମ୍ବେଦନଶୀଳତା ଯୋଗୁଁ ୦.୦୦୦୧ ପ୍ରତିଶତ ମଧ୍ୟ ଆଲକହଲ୍ ଚିହ୍ନଟ କରିପାରିବ । ଭୁଲ ରିଡିଂ ଯୋଗୁଁ, କେତେକ ସମୟରେ ବିମାନ ବିଳମ୍ବ ହୁଏ କିମ୍ବା ପାଇଲଟ୍ ବିରୋଧରେ କଠୋର କାର୍ଯ୍ୟାନୁଷ୍ଠାନ ନିଆଯାଇପାରେ।
 

୨୦୨୩ ମସିହାରେ, ଡିଜିସିଏ ବିମାନ କ୍ରୁ ପାଇଁ ନିୟମ ସ୍ପଷ୍ଟ କରି ଏକ ଡ୍ରାଫ୍ଟ ଜାରି କରିଥିଲା । ଯେଉଁଥିରେ ଏହି ନିୟମ ଉପରେ ଗୁରୁତ୍ୱ ଦିଆଯାଇଥିଲା। ଏହା ବ୍ୟତୀତ, କ୍ରୁ ସଦସ୍ୟମାନେ ମଦ୍ୟପାନ ଯୁକ୍ତ ଔଷଧ ଖାଇବା ପରେ ବିମାନରେ ଚଢ଼ିବା ପୂର୍ବରୁ କମ୍ପାନୀ ଡାକ୍ତରଙ୍କ ସହିତ ପରାମର୍ଶ । ଅନୁମତି ନେବା ବିଷୟରେ ମଧ୍ୟ ଆଲୋଚନା ହୋଇଥିଲା।