ଅଭାବନୀୟ ଘଟଣା, ଶ୍ରୀମନ୍ଦିର ଭିତରକୁ ଚପଲ ପିନ୍ଧି ପ୍ରବେଶ ଉଦ୍ୟମ ବେଳେ ଧରିଲା ପୋଲିସ

ପୁରୀ ୧୦।୦୯ : ଶ୍ରୀମନ୍ଦିର ଭିତରକୁ ଚପଲ ପିନ୍ଧି ପଶିବାକୁ ଉଦ୍ୟମ। ସିଂହଦ୍ଵାର ବନ୍ଦ ଥିବା ବେଳେ ଯୁବକ ଜଣକ ଏଭଳି ଉଦ୍ୟମ କରିଥିଲେ। ଯାହାଙ୍କୁ ଅଟକ ରଖିଛି ପୁରୀ ପୋଲିସ ଓ ଜେଟିପି।

ଖବର ଅନୁଯାୟୀ, ପ୍ରତିଦିନ ପରି ଆଜି ବି ଭୋର ସମୟରେ ସିଂହଦ୍ୱାର ଖୋଲାଯିବାର ଥିଲା । ହେଲେ ଏହାପୂର୍ବରୁ ଦେଖିବାକୁ ମିଳିଲା ଏକ ଅଭାବନୀୟ ଘଟଣା । ଜଣେ ଯୁବକ ଚପଲ ପିନ୍ଧି ସିଂହଦ୍ୱାରକୁ ପ୍ରବେଶ ପାଇଁ ଉଦ୍ୟମ କରୁଥିଲେ । ଯାହାକୁ ଦେଖି ସୁରକ୍ଷାରେ ନିୟୋଜିତ ଥିବା ପୋଲିସ ଏବଂ ଜେଟିପି ବାରଣ କରିଥିଲେ । ହେଲେ ଯୁବକ ଜଣଙ୍କ ଉଭୟ ପୋଲିସ,ଜେଟିପି ସହ ଯୁକ୍ତିତର୍କ କରିଥିଲେ । ଏହାପରେ ପୋଲିସ ଯୁବକଙ୍କୁ ସିଂହଦ୍ୱାର ଥାନାରେ ଅଟକ ରଖି ପଚରାଉଚରା କରୁଛି । ଯୁବକ ଜଣଙ୍କ ଢେଙ୍କାନାଳର ଲାଲୁ ପ୍ରସାଦ ସାହୁ ବୋଲି ଜଣାପଡିଛି । ତେବେ କଣ ପାଇଁ ସେ ଏଭଳି ଉଦ୍ୟମ କରୁଥିଲେ । ସେନେଇ ମଧ୍ୟ ତଦନ୍ତ କରୁଛି ପୋଲିସ ।