ରାଞ୍ଚି: ଝାଡ଼ଖଣ୍ଡରେ ଅଭାବନୀୟ ଘଟଣା । ଏନଟିପିସି କୋଇଲା ପ୍ରକଳ୍ପ ଡିଜିଏମ କୁମାର ଗୌରବଙ୍କୁ ହତ୍ୟା । ଦୁର୍ବୃତ୍ତ ମାନେ ଗୁଳିମାରି ହତ୍ୟା କରିଥିବା ଅଭିଯୋଗ ହୋଇଛି । ମୃତ କୁମାର ଗୌରବ ଏନଟିପି କୋଇଲା ପ୍ରକଳ୍ପର ପରିବହନ ବିଭାଗର ଡିଜିଏମ୍ ଥିଲେ । ହତ୍ୟା ଖବର ସୂଚନା ମିଳିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଛାନଭୀନ ଆରମ୍ଭ କରିଛି । ଅପରାଧୀଙ୍କୁ ଧରିବାକୁ ଉଦ୍ୟମ ଚଞ୍ଚଳାଇଛି ପୋଲିସ ।   

ମିଡିଆ ରିପୋର୍ଟ ମୁତାବକ, ଶନିବାର ସକାଳୁ ଡିଜିଏମ୍ କୁମାର ଗୌରବ ହଜାରିବାଗ ସ୍ଥିତ ନିଜ ଘରୁ ଅଫିସ୍ ପାଇଁ ବାହାରିଥିଲେ । ଏହି ସମୟରେ କଟକମଦାଗ ଥାନା ଅନ୍ତର୍ଗତ ଫତହା ଚୌକ ନିକଟରେ କିଛି ଦୁର୍ବୃତ୍ତି ବାଇକରେ ଆସି ତାଙ୍କୁ ଆତର୍କିତ ଭାବେ ଗୁଳିମାଡ଼ କରି ଫେରାର ହୋଇଯାଇଥିଲେ । ସ୍ଥାନୀୟ ଲୋକେ ଏନଟିପିସି ଡିଜିଏମଙ୍କୁ ଗୁରୁତର ଅବସ୍ଥାରେ ନିକଟସ୍ଥ ହସ୍ପିଟାଲ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି  । ସୂଚନା ଅନୁଯାୟୀ, ଡିଜିଏମ୍ କୁମାର ଗୌରବ ବିହାର ନାଳନ୍ଦାର ବାସିନ୍ଦା । ଏନଟିପିର ଜଣେ ବଡ଼ ଅଧିକାରୀଙ୍କୁ ହତ୍ୟା ଘଟଣା ପୂରା ପୋଲିସ ପ୍ରଶାସନ ଉପରେ ପ୍ରଶ୍ନବାଚୀ ସୃଷ୍ଟି କରିଛି । ଏହା ପୂର୍ବରୁ ଏକ ଆଉଟ୍‌ସୋର୍ସିଂ କମ୍ପାନିର ଜିଏମଙ୍କୁ ମଧ୍ୟ ଅପରାଧିମାନେ ହତ୍ୟା କରିଥିଲେ । ପୋଲିସ ଘଟଣାରେ ତନତନ କରି ତଦନ୍ତ କରୁଛି ।...