ଭୁବନେଶ୍ୱର: ବାତ୍ୟା ଦୃଷ୍ଟିରୁ ଅକ୍ଟୋବର ଓ ନଭେମ୍ବର ମାସ ବଙ୍ଗୋପସାଗର ପାଇଁ ବେଶ୍ ଗୁରୁତ୍ୱପୂର୍ଣ୍ଣ। ଏହି ମାସରେ ସମୁଦ୍ରରେ ଅନେକ ସମୟରେ ଘୂର୍ଣ୍ଣିବଳୟ ଓ ଲଘୁଚାପ ସୃଷ୍ଟି ହୋଇ ବାତ୍ୟାର ରୂପ ନେଇଥାଏ। ତେବେ ଗତ ୧୨୫ ବର୍ଷର ବାତ୍ୟା ଇତିହାସକୁ ଦେଖିଲେ ଆନ୍ଧ୍ରପ୍ରଦେଶ ଓ ଓଡ଼ିଶା ଉପକୂଳ ମଧ୍ୟରେ ଏକ ବଡ଼ ପାର୍ଥକ୍ୟ ଦେଖିବାକୁ ମିଳେ।

୧୯୦୧ରୁ ୨୦୨୫ ମଧ୍ୟରେ ନଭେମ୍ବର ମାସରେ ବଙ୍ଗୋପସାଗରରେ ସୃଷ୍ଟି ହୋଇଥିବା ବାତ୍ୟା କିମ୍ବା ତାଠାରୁ ଅଧିକ ତୀବ୍ରତାର ସିଷ୍ଟମ ମଧ୍ୟରୁ ୨୧ଟି ଆନ୍ଧ୍ରପ୍ରଦେଶ ଉପକୂଳ ଅତିକ୍ରମ କରିଛି। ଅର୍ଥାତ୍ ନଭେମ୍ବର ମାସରେ ଆନ୍ଧ୍ର ଉପକୂଳ ଅନେକ ବାତ୍ୟାର ପ୍ରଭାବ ସାମ୍ନା କରିଛି।

ଅନ୍ୟପକ୍ଷରେ, ଓଡ଼ିଶା ଉପକୂଳର ନଭେମ୍ବର ବାତ୍ୟା ଇତିହାସ ତୁଳନାତ୍ମକ ଭାବେ ଭିନ୍ନ। ଗତ ୧୨୫ ବର୍ଷ ମଧ୍ୟରେ ନଭେମ୍ବର ମାସରେ ବଙ୍ଗୋପସାଗରର ୪ଟି ବାତ୍ୟା କିମ୍ବା ତାଠାରୁ ଅଧିକ ତୀବ୍ରତାର ସିଷ୍ଟମ ଓଡ଼ିଶା ଉପକୂଳ ଅତିକ୍ରମ କରିଛି। ସେହି ବର୍ଷଗୁଡ଼ିକ ହେଉଛି ୧୯୧୬, ୧୯୨୪, ୧୯୭୩ ଏବଂ ୧୯୯୫।

also read- ଆସୁଛି ଭୀଷଣ ବାତ୍ୟା ! ୧୦୫ କି.ମି. ବେଗରେ ବହିପାରେ ପବନ : ଗତିପଥ ଜାରି କଲା IMD

ଏହି ତଥ୍ୟ ନଭେମ୍ବର ମାସରେ ଆନ୍ଧ୍ର ଓ ଓଡ଼ିଶା ଉପକୂଳ ଦେଇ ଅତିକ୍ରମ କରିଥିବା ବାତ୍ୟାର ଐତିହାସିକ ଚିତ୍ରକୁ ସାମ୍ନାକୁ ଆଣୁଛି। ତେବେ ଏହା ମନେ ରଖିବା ଜରୁରୀ ଯେ, ଅତୀତରେ କେତେଥର ବାତ୍ୟା ଉପକୂଳ ଅତିକ୍ରମ କରିଛି, ତାହା ଆଧାରରେ ଭବିଷ୍ୟତର ବାତ୍ୟାର ଗତିପଥ କିମ୍ବା ତୀବ୍ରତା ନିର୍ଣ୍ଣୟ କରାଯାଇପାରିବ ନାହିଁ।