ଜଟଣୀ ୧୫।୦୪ : କିଏ ହାତେଇବ ଜଟଣୀ । ଏଥର ଜଟଣୀରେ ତ୍ରିମୁଖୀ ଲଢେଇ । ଜଟଣୀ ବିଧାନସଭା ଆସନ ପାଇଁ କଂଗ୍ରେସରୁ ବିଧାୟକ ପ୍ରାର୍ଥୀ ହେଲେ ସନ୍ତୋଷ ଜେନା । କଂଗ୍ରେସ ପ୍ରାର୍ଥୀ ଘୋଷଣା କରିବା ପରେ ଏଠାରେ ରାଜନୈତିକ ସମୀକରଣ କଣ ହେବ ତାକୁ ନେଇ ଚର୍ଚ୍ଚା ଜୋର ଧରିଛି ।
ତେବେ ପୂର୍ବରୁ ବିଜେଡ଼ି ଏବଂ ବିଜେପି ପ୍ରାର୍ଥୀ ଘୋଷଣା କରିଥିଲେ । ବିଜେଡିରୁ ଯୁବ ନେତା ବିଭୂତି ବଳବନ୍ତରାୟଙ୍କୁ ଟିକେଟ ମିଳିଥିବା ବେଳେ ବିଜେପିରୁ ବିଶ୍ୱରଞ୍ଜନ ବଡ଼ଜେନାଙ୍କୁ ରିପିଟ କରିଛି ଦଳ । ତେବେ କଂଗ୍ରେସ ପ୍ରାର୍ଥୀ କିଏ ହେବ ତାକୁ ନେଇ ଅପେକ୍ଷା ରହିଥିଲା । କଂଗ୍ରେସ ପ୍ରାର୍ଥୀ ଘୋଷଣା କରିବା ପରେ ଏଠାରେ ତ୍ରିମୁଖୀ ଲଢେଇ ହେବା ସ୍ପଷ୍ଟ ହୋଇ ଯାଇଛି ।
ସେପଟେ ପ୍ରାର୍ଥୀ ଘୋଷଣା ପରେ ମଇଦାନକୁ ଓହ୍ଲାଇଛନ୍ତି ବିଜେଡିର ବିଭୂତି ବଳବନ୍ତରାୟ, ବିଜେପିର ବିଶ୍ବରଞ୍ଜନ ବଡ଼ଜେନା ଏବଂ କଂଗ୍ରେସ ପ୍ରାର୍ଥୀ ସନ୍ତୋଷ ଜେନା । ଆରମ୍ଭ ହୋଇଗଲାଣି ପ୍ରଚରା । ଗତଥର କଂଗ୍ରେସରୁ ସୁର ରାଉତରାୟ ଲଢି ୬୮ ହଜାରରୁ ଅଧିକ ଭୋଟ ପାଇ ବିଜୟୀ ହୋଇଥିଲେ । କିନ୍ତୁ ଚଳିତ ଥର ନିର୍ବାଚନ ଲଢିବେ ନାହିଁ ବୋଲି ମନା କରିଦେଇଥିଲେ ସୁର ରାଉତରାୟ ।
