କୁମ୍ଭୀର କାନ୍ଦଣା କାନ୍ଦୁଥିବା ଶେହବାଜଙ୍କୁ ଭାରତର ଶକ୍ତ ଚାପୁଡ଼ା, ଜାତିସଂଘରେ ଭାରତ ଖୋଲିଲା ଆତଙ୍କବାଦ ମୁଖା

ନୂଆଦିଲ୍ଲୀ ୨୭/୦୯: ବାରମ୍ୱାର ପାକ୍‌ ଗାଲରେ ଶକ୍ତ ଚାପୁଡା । ପୁଣି ବିଶ୍ୱ ଦରବାରରେ ଖୋଲିଲା ପାକିସ୍ତାନର ଆତଙ୍କୀ ଚେହେରା । ପାକ୍‌ର ମିଛ ଦାବିକୁ ଭୁଲ ପ୍ରମିଣିତ କରିଛି ଭାରତ ।  ମିଳିତ ଜାତିସଂଘରେ ପ୍ରଧାନମନ୍ତ୍ରୀ ଶାହବାଜ ସରିଫଙ୍କ ଦାବିକୁ ମିଛ ପ୍ରମାଣିତ କରିଛି ଭାରତ । କାରଣ ସରିଫ କହିଥିଲେ ଅପରେସନ ସିନ୍ଦୁରରେ ଭାରତ ଉପରେ ପାକିସ୍ତାନର ବିଜୟ । ଯାହା ଅଯୋକ୍ତିକ ଓ ସଂପୂର୍ଣ୍ଣ ମିଛ ବୋଲି ସ୍ପଷ୍ଟ ହୋଇଛି ।

ଭାରତ ଏହାର ଉଚିତ ଜବାବ ଦେଇଛି । ସରିଫଙ୍କ ଭାଷଣ ଉପରେ ପ୍ରତିକ୍ରିୟା ରଖି ଭାରତୀୟ କୂଟନୀତିଜ୍ଞ ପେଟଲ ଗେହଲଟ କହିଛନ୍ତି, ପାକିସ୍ତାନ ପ୍ରଧାନମନ୍ତ୍ରୀଙ୍କ ହାସ୍ୟାସ୍ପଦ ନାଟକ ଦେଖିବାକୁ ମିଳିଛି । ଯିଏ ପୁଣି ଥରେ ତାଙ୍କ ବୈଦେଶିକ ନୀତିର କେନ୍ଦ୍ରବିନ୍ଦୁ ଆତଙ୍କବାଦକୁ ମହିମାନ୍ୱିତ କରିଥିଲେ ।
ସେ ଆହୁରି ମଧ୍ୟ କହିଛନ୍ତି ଯେ କୌଣସି ନାଟକ କିମ୍ବା ମିଛ ସତ୍ୟକୁ ଲୁଚାଇ ପାରିବ ନାହିଁ ।

​​​​​​​

ଏହା ସେହି ପାକିସ୍ତାନ ଯାହା ୨୫ ଏପ୍ରିଲ, ୨୦୨୫ରେ ହୋଇଥିବା ନୀରିହ ଗଣ ହତ୍ୟାକାଣ୍ଡ ପଛରେ ପାକିସ୍ତାନ ପ୍ରାୟୋଜିତ ଆତଙ୍କବାଦୀ ସଂଗଠନ ପ୍ରତିରୋଧ ଫ୍ରଣ୍ଟକୁ ସହଯୋଗ କରିଥିଲା । ଆତଙ୍କବାଦ ବିସ୍ତାର କରିବାର ପରମ୍ପରାରେ ଦୀର୍ଘ ସମୟ ଧରି ବୁଡ଼ି ରହିଥିବା ଏକ ଦେଶ ହେଉଛି ପାକିସ୍ତାନ । ବାରମ୍ୱାର ହାସ୍ୟାସ୍ପଦ କାହାଣୀ ଗଢ଼ିବାରେ ପାକିସ୍ତାନର କୌଣସି ଦ୍ୱିଧା ନଥାଏ । 

ଗେହଲଟ୍ କହିଛନ୍ତି, ଟିକେ ପଛକୁ ଫେରନ୍ତୁ । ମନେ ପକାନ୍ତୁ ସେହି ପାକିସ୍ତାନ, ଯିଏ ଦଶନ୍ଧି ଧରି ଓସାମା ବିନ୍ ଲାଡେନଙ୍କୁ ଦେଇଥିଲା ଆଶ୍ରୟ । ଯେତେବେଳେ ଏହାର ମନ୍ତ୍ରୀମାନେ ଆତଙ୍କବାଦ ବିରୋଧରେ ଯୁଦ୍ଧରେ ଅଂଶୀଦାର ହେବାର ଅଭିନୟ କରି ସମ୍ପ୍ରତି ସ୍ୱୀକାର କରିଛନ୍ତି । ଯେ ସେମାନେ ଦଶନ୍ଧି ଧରି ଆତଙ୍କବାଦୀ ଶିବିର ଚଲାଇ ଆସୁଛନ୍ତି । ଏହି କପଟତା ପୁଣି ଥରେ ପ୍ରଧାନମନ୍ତ୍ରୀଙ୍କ ସ୍ତରରେ ପୁନରାବୃତ୍ତି ହେଉଛି ଏଥିରେ ଆଶ୍ଚର୍ଯ୍ୟ ହେବା ଉଚିତ୍ ନୁହେଁ ।

ଭାରତ କହିଛି ଯେ ଏକ ଚିତ୍ର ହଜାର ଶବ୍ଦ କହେ, ଆମେ ଅପରେସନ୍ ସିନ୍ଦୁର ସମୟରେ ବାହାବଲପୁର ଓ ମୁରିଦକେ ଆତଙ୍କବାଦୀ ଶିବିରରେ ଭାରତୀୟ ସେନା ଦ୍ୱାରା ନିହତ ଆତଙ୍କବାଦୀଙ୍କ ଅନେକ ଫଟୋଗ୍ରାଫ୍ ଦେଖିଲୁ । ଯେତେବେଳେ ପାକିସ୍ତାନର ବରିଷ୍ଠ ସାମରିକ ଅଧିକାରୀମାନେ ସାଧାରଣରେ ଏପରି କୁଖ୍ୟାତ ଆତଙ୍କବାଦୀଙ୍କୁ ମହିମା ଓ ଶ୍ରଦ୍ଧାଞ୍ଜଳି ପ୍ରଦାନ କରନ୍ତି, ସେତେବେଳେ ପାକିସ୍ତାନ ପ୍ରଧାନମନ୍ତ୍ରୀ ମଧ୍ୟ ଭାରତ ସହିତ ସାମ୍ପ୍ରତିକ ସଂଘର୍ଷର ଏକ ଅଦ୍ଭୁତ ବିବରଣୀ ଦେଇଥିଲେ । ଏହି ବିଷୟରେ ରେକର୍ଡ ସ୍ପଷ୍ଟ ।

ପାକିସ୍ତାନ ମେ ୯ ତାରିଖ ପର୍ଯ୍ୟନ୍ତ ଭାରତ ଉପରେ ଆହୁରି ଆକ୍ରମଣ ଧମକ ଦେଉଥିଲା । କିନ୍ତୁ ମେ ୧୦ ତାରିଖରେ ପାକିସ୍ତାନୀ ସେନା ସିଧାସଳଖ ଆମକୁ ଶତ୍ରୁତା ବନ୍ଦ କରିବାକୁ ଅନୁରୋଧ କରିଥିଲା। ଗେହଲଟ୍ କହିଥିଲେ ଯେ ଭାରତୀୟ ସେନା ଦ୍ୱାରା ଅନେକ ପାକିସ୍ତାନୀ ବାୟୁସେନା ଘାଟି ଧ୍ୱଂସ କରାଯାଇଛି । ସେହି କ୍ଷତିର ଚିତ୍ର ସର୍ବସାଧାରଣରେ ଜଣାଶୁଣା ଏବଂ ସାର୍ବଜନୀନ ଭାବରେ ଉପଲବ୍ଧ।

ଯଦି ନଷ୍ଟ ହୋଇଥିବା ରନୱେ ଏବଂ ପୋଡ଼ି ଯାଇଥିବା ହ୍ୟାଙ୍ଗରଗୁଡ଼ିକ ବିଜୟକୁ ପ୍ରତିନିଧିତ୍ୱ କରେ, ତେବେ ପ୍ରଧାନମନ୍ତ୍ରୀ ସରିଫ ଏହାକୁ ଉପଭୋଗ କରିପାରିବେ। ସତ୍ୟ ହେଉଛି ଯେ ପୂର୍ବ ପରି ପାକିସ୍ତାନ ଭାରତରେ ନିରୀହ ନାଗରିକଙ୍କ ଉପରେ ଆତଙ୍କବାଦୀ ଆକ୍ରମଣ ପାଇଁ ଦାୟୀ। ଆମେ ଆମର ଲୋକଙ୍କୁ ସୁରକ୍ଷା ଦେବାର ଅଧିକାର ପ୍ରୟୋଗ କରିଛୁ।ସେ କହିଥିଲେ, "ପାକିସ୍ତାନୀ ପ୍ରଧାନମନ୍ତ୍ରୀ ଭାରତ ସହିତ ଶାନ୍ତିର କଥା କହିଛନ୍ତି । ଯଦି ସେ ପ୍ରକୃତରେ ସଚ୍ଚୋଟ, ତେବେ ପଥ ସ୍ପଷ୍ଟ। ପାକିସ୍ତାନ ତୁରନ୍ତ ସମସ୍ତ ଆତଙ୍କବାଦୀ ଶିବିର ବନ୍ଦ କରିବା ଉଚିତ ।

ଭାରତରେ ଥିବା ୱାଣ୍ଟେଡ୍ ଆତଙ୍କବାଦୀମାନଙ୍କୁ ହସ୍ତାନ୍ତର କରିବା ଉଚିତ।" ଏହା ମଧ୍ୟ ବିଡ଼ମ୍ବନାର ବିଷୟ ଯେ ଘୃଣା, ଧର୍ମାନ୍ଧତା ଏବଂ ଅସହିଷ୍ଣୁତା ଅଭ୍ୟାସ କରୁଥିବା ଏକ ଦେଶ ଏହି ସମାବେଶରେ ବିଶ୍ୱାସ ବିଷୟରେ ପ୍ରଚାର କରୁଛି। ପାକିସ୍ତାନର ରାଜନୈତିକ ଏବଂ ସାର୍ବଜନୀନ ଆଲୋଚନା ଏହାର ପ୍ରକୃତ ସ୍ୱଭାବକୁ ପ୍ରତିଫଳିତ କରେ। ସ୍ପଷ୍ଟ ଭାବରେ, ଦର୍ପଣରେ ଦେଖିବା ପାଇଁ ସେମାନଙ୍କ ପାଇଁ ସମୟ ଅତିକ୍ରମ କରିଗଲାଣି।"