ହୁରିୟତ କନଫରେନ୍ସ ପୂର୍ବତନ ଅଧ୍ୟକ୍ଷ ଅବଦୁଲ ଗନି ଭଟ୍ଟଙ୍କ ଦେହାନ୍ତ, ଶୋକ ବ୍ୟକ୍ତ କଲେ ମୁଖ୍ୟମନ୍ତ୍ରୀ

ଜମ୍ମୁ ୧୮/୦୯: ପୂର୍ବତନ ହୁରିୟତ କନଫରେନ୍ସ ଅଧ୍ୟକ୍ଷ ଅବଦୁଲ ଗନି ଭଟ୍ଟଙ୍କ ପରଲୋକ । ବୁଧବାର ସୋପୋରସ୍ଥିତ ତାଙ୍କ ବାସଭବନରେ ମୃତ୍ୟୁ ହୋଇଛି । ତାଙ୍କୁ ୯୦ ବର୍ଷ ବୟସ ହୋଇଥିଲା । ଭଟ୍ଟ ବିଚ୍ଛିନ୍ନତାବାଦୀ ନେତୃତ୍ୱ ମଧ୍ୟରେ ଜଣେ ଉଦୀୟମାନ ନେତା ବାବେ ଉଭା ହୋଇଥିଲେ। ହୁରିୟତ ଅଧ୍ୟକ୍ଷ ମୀରୱାଇଜ୍ ଉମର ଫାରୁକ୍ କହିଛନ୍ତି ଯେ ଭଟ୍ଟ ଗତ କିଛି ବର୍ଷ ଧରି ଅସୁସ୍ଥ ଥିଲେ । ବାରାମୁଲ୍ଲା ଜିଲ୍ଲାର ସୋପୋରରେ ରହୁଥିଲେ। 

ସେ କହିଛନ୍ତି ଯେ ଆଉ ନାହାଁନ୍ତି ଭଟ୍ଟ ସାହେବ । ମୁଁ ତାଙ୍କ ପୁଅଙ୍କଠାରୁ ଫୋନ୍ ପାଇଲି । ଯିଏ ମୋତେ ବରିଷ୍ଠ ନେତାଙ୍କ ଦେହାନ୍ତର ଦୁଃଖଦ ଖବର ଜଣାଇଥିଲେ  ବୋଲି ମୀରୱାଇଜ୍ କହିଛନ୍ତି । ପରିବାରର ନିକଟତମ ସୂତ୍ର କହିଛନ୍ତି ଯେ ଭଟ୍ଟଙ୍କୁ ସୋପୋରରେ ତାଙ୍କ ପୈତୃକ କବରସ୍ଥାନରେ କବର ଦିଆଯିବ । 

କହିବାକୁ ଗଲେ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା କହିଛନ୍ତି ଯେ ଯଦିଓ ସେମାନଙ୍କର ରାଜନୈତିକ ଚିନ୍ତାଧାରା ସମ୍ପୂର୍ଣ୍ଣ ଭିନ୍ନ ଥିଲା । ମୁଁ ତାଙ୍କୁ ସର୍ବଦା ଜଣେ ଅତ୍ୟନ୍ତ ଭଦ୍ର ବ୍ୟକ୍ତି ଭାବରେ ମନେ ରଖିବି ।

ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ପୋଷ୍ଟରେ ଅବଦୁଲ୍ଲା କହିଛନ୍ତି, ବରିଷ୍ଠ କାଶ୍ମୀର ନେତା ଓ ଶିକ୍ଷାବିତ୍ ପ୍ରଫେସର ଅବଦୁଲ ଘନି ଭଟ ସାହିବଙ୍କ ଦେହାନ୍ତ ବିଷୟରେ ଶୁଣି ମୁଁ ଦୁଃଖିତ। ସେ କହିଛନ୍ତି, "ଯେତେବେଳେ ଅଧିକାଂଶ ଲୋକ ବିଶ୍ୱାସ କରୁଥିଲେ ଯେ ହିଂସା ହେଉଛି ଏକମାତ୍ର ଉପାୟ, ସେ ଆଲୋଚନାର ପଥ ଗ୍ରହଣ କରିବାକୁ ସାହସ ଦେଖାଇଥିଲେ। ଏହା ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ଏବଂ ଉପପ୍ରଧାନମନ୍ତ୍ରୀ ଲାଲକୃଷ୍ଣ ଆଡଭାନୀଙ୍କ ସହ ତାଙ୍କର ସାକ୍ଷାତକୁ ନେଇଥିଲା।