ନୂଆଦିଲ୍ଲୀ: ତିନି ସପ୍ତାହର ନିରନ୍ତର ହ୍ରାସ ପରେ,ଚତୁର୍ଥ ସପ୍ତାହରେ ସୁନା ଏବଂ ରୂପା ମୂଲ୍ୟରେ ତୀବ୍ର ବୃଦ୍ଧି ଘଟିଛି। ଇଣ୍ଡିଆ ବୁଲିଅନ୍ ଆଣ୍ଡ୍ ଜୁଏଲର୍ସ ଆସୋସିଏସନ୍ (IBJA)ଅନୁଯାୟୀ,ନଭେମ୍ବର ୭ତାରିଖରେ ସୁନା ପ୍ରତି ୧୦ଗ୍ରାମ ୧,୨୦,୧୦୦ ଟଙ୍କା ଥିଲା,ଯାହା ନଭେମ୍ବର ୧୪ସୁଦ୍ଧା ୪,୬୯୪ ଟଙ୍କାବୃଦ୍ଧି ପାଇ ୧,୨୪,୭୯୪ରେ ପହଞ୍ଚିଛି। ଅକ୍ଟୋବର ୧୭ତାରିଖରେ,ସୁନା ଏହାର ସର୍ବୋଚ୍ଚ ମୂଲ୍ୟ ଛୁଇଁ ପ୍ରତି ୧୦ଗ୍ରାମ ୧,୩୦,୮୭୪ରେ ହୋଇଥିଲା।

ଏହି ସପ୍ତାହରେ ରୁପାମୂଲ୍ୟରେ ମଧ୍ୟ ଗୁରୁତ୍ୱପୂର୍ଣ୍ଣ ବୃଦ୍ଧି ଘଟିଥିଲା। ଗତ ସପ୍ତାହର ଶେଷ କାରବାର ଦିନରେ (ନଭେମ୍ବର ୭)ରେ ଏକ କେଜି ରୁପାର ମୂଲ୍ୟ ୧,୪୮,୨୭୫ ଟଙ୍କା ଥିଲା,ଯାହା ଏହି ସପ୍ତାହର ଶେଷ କାରବାର ଦିନରେ ନଭେମ୍ବର ୧୪ ସୁଦ୍ଧା ୧୧,୦୯୨ ଟଙ୍କା ବୃଦ୍ଧି ପାଇ କେଜି ୧,୫୯,୩୬୭ ଟଙ୍କାରେ ପହଞ୍ଚିଛି। ପୂର୍ବରୁ,ଅକ୍ଟୋବର ୧୪ରେ,ରୂପା ଏହାର ସର୍ବୋଚ୍ଚ ମୂଲ୍ୟରେ ପହଞ୍ଚିଥିଲା। ସେତେବେଳେ ରୁପା କେଜି ୧,୭୮,୧୦୦ଟଙ୍କାରେ ହୋଇଯାଇଥିଲା।

୨୦୨୫ରେ ଏପର୍ଯ୍ୟନ୍ତ ସୁନା ୪୮,୬୩୨ ଟଙ୍କା ଏବଂ ରୁପା ୭୩,୩୫୦ ମହଙ୍ଗା ହୋଇଛି।

ଚଳିତ ବର୍ଷ ଏପର୍ଯ୍ୟନ୍ତ ସୁନାର ମୂଲ୍ୟ ୪୮,୬୩୨ ଟଙ୍କା ବୃଦ୍ଧି ପାଇଛି। ୩୧ ଡିସେମ୍ବର ୨୦୨୪ରେ ୧୦ ଗ୍ରାମ ୨୪ କ୍ୟାରେଟ୍ ସୁନାର ମୂଲ୍ୟ ୭୬,୧୬୨ ଟଙ୍କା ଥିଲା,ଯାହା ଏବେ ୧,୨୪,୭୯୪ ଟଙ୍କାକୁ ବୃଦ୍ଧି ପାଇଛି। ସେହିପରି ଏହି ଅବଧି ମଧ୍ୟରେ ରୁପା ମୂଲ୍ୟ ୭୩,୩୫୦ ଟଙ୍କା ବଢ଼ିଛି। ଡିସେମ୍ବର ୩୧,୨୦୨୪ରେ ଏକ କିଲୋ ରୁପାର ମୂଲ୍ୟ ୮୬,୦୧୭ ଟଙ୍କା ଥିଲା,ଯାହା ଏବେ ପ୍ରତି କିଲୋଗ୍ରାମ ୧,୫୯,୩୬୭ ଟଙ୍କାକୁ ବୃଦ୍ଧି ପାଇଛି।

ଆପଣଙ୍କ ସୂଚନା ପାଇଁ ଆମେ କହି ରଖୁଛୁ ଯେ IBJA ସୁନା ମୂଲ୍ୟରେ ୩% ଜିଏସ୍ଟି, ମେକିଂ ଚାର୍ଜ ଏବଂ ଅଳଙ୍କାର ମାର୍ଜିନ୍ ଅନ୍ତର୍ଭୁକ୍ତ ନୁହେଁ। ତେଣୁ, ସହରଗୁଡ଼ିକର ମୂଲ୍ୟ ବୁଲିଅନ ମୂଲ୍ୟ ଠାରୁ ଅଲଗା ହୋଇଥାଏ। ତେବେ ବୁଲିଅନ ହାର କୁ ଆର୍‌ବିଆଇ ଦ୍ୱାରା ସୋଭରେନ ଗୋଲ୍ଡ ବଣ୍ଡର ହାର ନିର୍ଣ୍ଣୟ କରିବା ପାଇଁ ବ୍ୟବହାର କରାଯାଏ। ଅନେକ ବ୍ୟାଙ୍କ ସୁନା ଋଣ ହାର ନିର୍ଣ୍ଣୟ କରିବା ପାଇଁ ଏଗୁଡ଼ିକୁ ବ୍ୟବହାର କରନ୍ତି।