ବିହାର ବିଧାନସଭା ନିର୍ବଚନ ପାଇଁ ବିଜେପିର ଦ୍ୱିତୀୟ ପ୍ରାର୍ଥୀ ତାଲିକା, ଅଲୀନଗରରୁ ଲଢିବେ ମୈଥିଲୀ ଠାକୁର

ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନ ପାଇଁ ବିଜେପି ପ୍ରାର୍ଥୀଙ୍କ ଦ୍ୱିତୀୟ ତାଲିକା ଜାରି କରିଛି । ଏହି ତାଲିକାରେ ୧୨ ଜଣ ପ୍ରାର୍ଥୀଙ୍କ ନାଁ ରହିଛି । ଚର୍ଚ୍ଚିତ ଲୋକଗୀତ କଣ୍ଠଶିଳ୍ପୀ ମୈଥିଳୀ ଠାକୁରଙ୍କୁ ଆଲିନଗରରୁ ପ୍ରାର୍ଥୀ କରାଯାଇଛି । ସେହିପରି ଆଇପିଏସ୍ ଅଧିକାରୀ ଆନନ୍ଦ ମିଶ୍ରଙ୍କୁ ବକ୍ସରରୁ ପ୍ରାର୍ଥୀ କରାଯାଇଛି । ରଞ୍ଜନ କୁମାରଙ୍କୁ ମୁଜାଫରପୁର ବିଧାନସଭା ଆସନରୁ ପ୍ରାର୍ଥୀ କରାଯାଇଛି । ସୁରେଶ ଶର୍ମା ପୂର୍ବରୁ ଏହି ଆସନରୁ ବିଜେପି ପ୍ରାର୍ଥୀ ଥିଲେ । ଏଥର ମଧ୍ୟ ସୁରେଶ ଶର୍ମା ଟିକେଟ ଦୌଡ଼ରେ ଥିଲେ, କିନ୍ତୁ ବିଜେପି ରଞ୍ଜନ କୁମାରଙ୍କୁ ଟିକେଟ ଦେଇଛି ।

भारतीय जनता पार्टी की केंद्रीय चुनाव समिति द्वारा बिहार विधानसभा चुनाव-2025 को लेकर चयनित प्रत्याशियों की द्वितीय सूची जारी की जा रही है।

सभी को हार्दिक बधाई एवं विजयश्री की अग्रिम शुभकामनाएं।#आएगी_NDA pic.twitter.com/Jyu7kpjhJU

— BJP Bihar (@BJP4Bihar) October 15, 2025

ମୈଥିଳୀ ଠାକୁରଙ୍କୁ ଟିକେଟ୍

ବିଜେପିର ଦ୍ୱିତୀୟ ପ୍ରାର୍ଥୀ ତାଲିକାରେ ସବୁଠାରୁ ପ୍ରମୁଖ ନାଁ ହେଉଛି ମିଥିଳାର ଲୋକଗୀତ ଗାୟିକା ମୈଥିଳୀ ଠାକୁର । ଠାକୁର କିଛି ଦିନ ପୂର୍ବରୁ ବିଜେପିରେ ଯୋଗ ଦେଇଥିଲେ । ତାଙ୍କୁ ଦରଭଙ୍ଗାର ଅଲୀନଗର ବିଧାନସଭା ଆସନରୁ ଟିକେଟ୍ ଦିଆଯାଇଛି । ରାମଚନ୍ଦ୍ର ପ୍ରସାଦଙ୍କୁ ହୟାଘାଟରୁ ଟିକେଟ୍ ଦିଆଯାଇଛି ।

ଏହା ପୂର୍ବରୁ ଅକ୍ଟୋବର ୧୪ରେ ବିହାର ବିଧାନସଭା ନିର୍ବାଚନ ପାଇଁ ପ୍ରଥମ ତାଲିକାରେ ୭୧ ଜଣ ପ୍ରାର୍ଥୀଙ୍କ ନାଁ ଘୋଷଣା କରିଥିଲା । ବିହାର ଉପମୁଖ୍ୟମନ୍ତ୍ରୀ ସମ୍ରାଟ ଚୌଧୁରୀଙ୍କୁ ତାରାପୁରରୁ ଟିକଟ ଦିଆଯାଇଛି । ପାର୍ଟିର ପ୍ରଥମ ଲିଷ୍ଟରେ ୯ ମହିଳାଙ୍କ ନାଁ ଥିଲା ଓ ଦ୍ୱିତୀୟ ତାଲିକାରେ ଦୁଇ ମହିଳା ପ୍ରାର୍ଥୀଙ୍କ ନାଁ ରହିଛି । ବିଧାନସଭା ବାଚସ୍ପତି ନନ୍ଦ କିଶୋର ଯାଦବଙ୍କୁ ପାର୍ଟି ଟିକଟ୍ ଦେଇନଥିଲା ।

ବିହାରରେ ଚଳିତ ଥର ଦୁଇଟି ପର୍ଯ୍ୟାୟରେ ମତଦାନ ହେବ । ପ୍ରଥମ ପର୍ଯ୍ୟାୟ ଭୋଟିଂ ନଭେମ୍ୱର ୬ରେ ଓ ଦ୍ୱିତୀୟ ପର୍ଯ୍ୟାୟ ମତଦାନ ନଭେମ୍ୱର ୧୧ରେ ହେବ । ପ୍ରଥମ ପର୍ଯ୍ୟାୟ ଭୋଟିଂ ୧୮ ଜିଲ୍ଲାର ୧୨୧ ବିଧାନସଭା ଆସନରେ ହେବ । ପ୍ରଥମ ପର୍ଯ୍ୟାୟ ପାଇଁ ନାମାଙ୍କନ ପ୍ରକ୍ରିୟା ଚାଲିଛି ଓ ଅକ୍ଟୋବର ୧୭ ନାମାଙ୍କନ ଦାଖଲର ଶେଷ ତାରିଖ । ନଭେମ୍ୱର ୧୪ରେ ଭୋଟ୍ ଗଣତି ହେବ ।