ରାଉରକେଲା ବିମାନ ଦୁର୍ଘଟଣାରେ ମିଳିଲା ବ୍ଲାକ ବକ୍ସ, ଜଣାପଡିବ କାରଣ...

ରାଉରକେଲା ୧୧।୦୧ : ରାଉରକେଲା ବିମାନ ଦୁର୍ଘଟଣା ଘଟଣା । ଉଦ୍ଧାର ହେଲା ବ୍ଲାକ ବାକ୍ସ । ବ୍ଲାକ ବକ୍ସ ହିଁ କହିବ ଦୁର୍ଘଟଣାର କାରଣ । ଶନିବାର ଦିନ ମଧ୍ୟାହ୍ନ ସମୟରେ ଏକ ଘରୋଇ ବିମାନଟି ଦୁର୍ଘଟଣାର ଶିକାର ହୋଇଥିଲା । ଯେଉଁଥିରେ ୨ ପାଇଲଟ ସମେତ ୬ ଜଣ ଆହତ ହୋଇଥିଲେ ।

ଶନିବାର ରାଉରକେଲାରେ ଏକ ଘରୋଇ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା। କାରଣ ଖୋଜିବାକୁ ଦୁର୍ଘଟଣାସ୍ଥଳରେ DGCAର ୨ ଟିମ୍। ଏହାସହିତ କଟକ SCB ଏବଂ ଧରଣୀଧର ମେଡିକାଲ କଲେଜ ଏବଂ ହସ୍ପିଟାଲରୁ ଦୁଇ ଡାକ୍ତର ରାଉରକେଲା ଆସିଛନ୍ତି । ଦୁଇ ବରିଷ୍ଠ ଡାକ୍ତର ହେଲେ ଅନୁପ ମହାପାତ୍ର ଏବଂ ଦେବାଶିଷ ସ୍ବାଇଁ । ଉଭୟ ସ୍ନାୟୁ ଏବଂ କ୍ରିଟିକାଲ୍ କେୟାରର ଡାକ୍ତର। ବିମାନ ଦୁର୍ଘଟଣାରେ ଆହତ ହୋଇଥିବା ଯାତ୍ରୀଙ୍କ ଚିକିତ୍ସା ତଦାରଖ କରିବେ ବୋଲି ସୂଚନା ଦେଇଛନ୍ତି ପରିବହନ ମନ୍ତ୍ରୀ ବିଭୂତି ଜେନା। ସେହିପରି ପରିବହନ ସଚିବ ଉଷା ପାଢୀ ମଧ୍ୟ ରାଉରକେଲାରେ ପହଞ୍ଚିଛନ୍ତି। ଘଟଣାସ୍ଥଳର ଯାଇ ବିଭିନ୍ନ ଦିଗକୁ ଅନୁଧ୍ୟାନ କରୁଛନ୍ତି ।

ସେପଟେ ଦୁର୍ଘଟଣାରେ ଗୁରୁତର ହୋଇଥିବା ଦୁଇ ଯାତ୍ରୀ ସ୍ବାମୀ-ସ୍ତ୍ରୀଙ୍କୁ ଅଧିକ ଚିକିତ୍ସା ପାଇଁ ମୁମ୍ବାଇକୁ ଏୟାରଲିଫ୍ଟ କରାଯାଇଛି। ସେମାନେ ହେଲେ ସୁନିଲ୍ ଅଗ୍ରଓ୍ବାଲ ଏବଂ ପତ୍ନୀ ସବିତା ଅଗ୍ରଓ୍ବାଲ । ବିମାନ ଦୁର୍ଘଟଣାରେ ସ୍ୱାମୀ-ସ୍ତ୍ରୀ ସମେତ ୬ ଜଣ ଗୁରୁତର ଥିଲେ। ବାକି ଅନ୍ୟ ୪ ଜଣଙ୍କୁ ରାଉରକେଲା ସ୍ଥିତ ଆଇଜିଏଚ୍ ମେଡିକାଲରେ ଚିକିତ୍ସା ଜାରି ରହିଛି।