ମୁମ୍ୱାଇ ୨୮/୦୩: ଚାଲିଛି ଫଟାପଟ୍ କ୍ରିକେଟ । ପ୍ରତିଟି ମ୍ୟାଚ୍ ଜବରଦସ୍ତ । ପ୍ରତି ଦିନ ନୂଆ ନୂଆ ରେକର୍ଡ । ସୋସିଆଲ ମିଡିଆରେ ବି ହଲଚଲ । ଉତ୍ସାହୀତ ଫ୍ୟାନ୍ସ, ମୈଦନରେ ଜମୁଛି ରନ୍ ବର୍ଷା । ତେବେ ଏବେ ସୋସିଆଲ ମିଡିଆରେ ଭାଇରାଲ ହେଉଛି ଧୋନୀ ଓ ବେବି ମାଲିଙ୍ଗାଙ୍କ ଭିଡିଓ ।
ଶ୍ରୀଲଙ୍କାର ବୋଲର ମଥିଶା ପଥିରାନା । ଚେନ୍ନାଇ ସୁପରକିଙ୍ଗ୍ସର ଷ୍ଟାର ବୋଲର । ପୂର୍ବ ମ୍ୟାଚ୍ରେ ଆଘାତ କାରଣରୁ ଖେଳିପାରିନଥିଲେ ପଥିରାନା । ହେଲେ ଗୁଜୁରାଟ ବିପକ୍ଷ ମ୍ୟାଚ୍ରେ ମଥିଶା ସାମିଲ ହୋଇଥିଲେ ଟିମ୍ରେ । ତେବେ ଏହି ମ୍ୟାଚ୍ର ଭିଡିଓ ଏବେ ବେଶ୍ ହଟ୍ ଟପିକ୍ ପାଲଟିଛି । କହିବାକୁ ଗଲେ ଭିଡିଓରେ ପଥିରାନା ଧୋନୀଙ୍କ ପାଦ ଛୁଇଁ ଆଶିର୍ବାଦ ନେଉଥିବା ଦେଖିବାକୁ ମିଳିଛି । ତେବେ ପ୍ରକୃତରେ ଏହି ଘଟଣା କଣ ଜଣାନାହିଁ । କିନ୍ତୁ ଲୋକେ କହୁଛନ୍ତି ସେ କୁଆଡେ ଧୋନୀଙ୍କ ଆଶୀର୍ବାଦ ନେଉଛନ୍ତି ।
Pathirana Taking Blessings from MS Dhoni Before Bowling is So Wholesome!! 🥹💛 pic.twitter.com/xPVFkOrsf4
— DIPTI MSDIAN (@Diptiranjan_7) March 27, 2024
ସୂଚନା ଥାଉକି, ପଥିରାନା ନିଜ ବୋଲିଂ ରନ୍ ଅପ୍ ସେଟ୍ କରିବାକୁ ହ୍ୱାଇଟ୍ ମାର୍କର ହଟାଉଥିଲେ । ଯାହା କ୍ୟାମେରାରେ ହୋଇଥିଲା କଏଦ । ପରେ ସେ ଏହାକୁ ହଟାଇ ଫୋପାଡିଦେଇଥିଲେ । ତେବେ ଏହି ସେହି ସମୟରେ ସେଠାରେ ଉପସ୍ଥିତ ଥିଲେ ଥାଲ୍ଲା । ଆଉ ଏହି ସମୟରେ କ୍ୟାମେରା ମୁଭ କରିଥିଲା । ଯାହାକୁ ନେଇ ଆରମ୍ଭ ହୋଇଥିଲା ଚର୍ଚ୍ଚା ।
କୁହାଗଲା କି ପଥିରାନା ଛୁଇଁଲେ ମାହୀଙ୍କ ପାଦ । ବହୁତ କନଫ୍ୟୁଜନ ହୋଇଯାଇଥିଲେ ଫ୍ୟାନ୍ସ । କାରଣ ଧୋନୀଙ୍କ ଖାସ୍ କୁହଯାଆନ୍ତି ବେବି ମାଲିଙ୍ଗା । ସେ ଆଇପିଏଲ୍ରେ ଧୋନୀଙ୍କୁ ମାନନ୍ତି ଗଡଫାଦର । ୨୦୨୩ରେ ଆଇପିଏଲ୍ରେ ଚେନ୍ନାଇ ସୁପରକିଙ୍ଗ୍ସ ବିରୋଧରେ ଜବରଦସ୍ତ ପ୍ରଦ୍ରଶନ କରିଥିଲେ ।
