ନୂଆଦିଲ୍ଲୀ ୩୧।୧୦; ପ୍ରସିଦ୍ଧ ବଲିଉଡ୍ କୋରିଓଗ୍ରାଫର ଏବଂ ଅଭିନେତା ଧର୍ମେଶ ୟେଲାଣ୍ଡେ।  ଆଜି ସେ ତାଙ୍କର ୪୨ତମ ଜନ୍ମଦିନ ପାଳନ କରୁଛନ୍ତି। ପୂର୍ବରୁ "ଡ୍ୟାନ୍ସ ପ୍ଲସ୍"ରେ ଜଜ୍‌ ଥିଲେ। ଧର୍ମେଶଙ୍କ ସଫଳତା କାହାଣୀ ଅନେକଙ୍କୁ ପ୍ରେରଣା ଦେଇଛି। ହେଲେ ସେ ଆଜି କୋଟି କୋଟି ଟଙ୍କା ରୋଜଗାର କରୁଛନ୍ତି। କିନ୍ତୁ ଏକ ସମୟ ଥିଲା ଯେତେବେଳେ ସେ ପିଅନ ଭାବରେ କାମ କରୁଥିଲେ ଏବଂ ଏକ ଷ୍ଟଲରେ ବଡା ପାଓ ମଧ୍ୟ ବିକ୍ରି କରୁଥିଲେ।

ଧର୍ମେଶ ଏକ ସାକ୍ଷାତକାରରେ ପ୍ରକାଶ କରିଥିଲେ ଯେ ସେ ଜଣେ ଡ୍ୟାନ୍ସର ହେବା ପାଇଁ ୧୮ ବର୍ଷ ଧରି ସଂଘର୍ଷ କରିଥିଲେ। ସେ ଛୋଟ ପିଲାମାନଙ୍କୁ ଟ୍ରେନିଂ ଦେଉଥିଲେ। କିନ୍ତୁ ୨୦୦୯ ମସିହାରେ, ଜୀ ଟିଭିର ରିଆଲିଟି ଶୋ "ଡ୍ୟାନ୍ସ ଇଣ୍ଡିଆ ଡ୍ୟାନ୍ସ" ତାଙ୍କ ଜୀବନକୁ ବଦଳାଇ ଦେଇଥିଲା। ସେ ଏହି ଶୋ'ରେ ପ୍ରତିଯୋଗୀ ଭାବରେ ଅଂଶଗ୍ରହଣ କରିଥିଲେ।  ପ୍ରତିଯୋଗୀରୁ ଜଜ୍‌ ହେବା ପର୍ଯ୍ୟନ୍ତ ତାଙ୍କର ଯାତ୍ରା ଆଶ୍ଚର୍ଯ୍ୟଜନକ ଥିଲା।

ଡ୍ୟାନ୍ସ ପ୍ରତି ତାଙ୍କର ଆଗ୍ରହକୁ ଫଲୋ କରି, ଧର୍ମେଶ କମ୍ ବୟସରେ ସ୍କୁଲ ଛାଡି ଟଙ୍କା ରୋଜଗାର କରିବା ପାଇଁ କାମ କରିବା ଆରମ୍ଭ କରିଥିଲେ। ସେ ପୂର୍ବରୁ ଏକ ଅଫିସରେ ପିଅନ ଭାବରେ କାମ କରୁଥିଲେ।  ପିଅନ ଚାକିରି ଛାଡିବା ପରେ ମସଲା ପାଓ ଏବଂ ବଡା ପାଓ ବିକ୍ରି କରିବାର ଏକ ଷ୍ଟଲ୍ ମଧ୍ୟ ଖୋଲିଥିଲେ। "ଡ୍ୟାନ୍ସ ଇଣ୍ଡିଆ ଡ୍ୟାନ୍ସ"ରେ ଧର୍ମେଶଙ୍କ ଜୀବନକୁ ଶୀର୍ଷକୁ ନେଇଥିଲା । ତାଙ୍କ ସଂଘର୍ଷର କାହାଣୀ ଏବେ ବି ଲୋକପ୍ରିୟ।  ଜଣେ କୋରିଓଗ୍ରାଫର ହେବା ପରେ, ଧର୍ମେଶ ଚଳଚ୍ଚିତ୍ରରେ ମଧ୍ୟ ଅଭିନୟ କରିଥିଲେ। ସେ "ABCD: Anyone Can Dance" ଏବଂ "ABCD 2" ଭଳି ହିଟ୍ ଚଳଚ୍ଚିତ୍ରରେ କାମ କରିଛନ୍ତି। ସେ "ତୀସ୍ ମାର ଖାନ" ଭଳି ଚଳଚ୍ଚିତ୍ରରେ ଅକ୍ଷୟ କୁମାରଙ୍କ ପରି ବଡ଼ ତାରକାଙ୍କ ପାଇଁ କୋରିଓଗ୍ରାଫି ମଧ୍ୟ କରିଛନ୍ତି।