ରାଜପୁର ଗାଁରେ ଅଘଟଣ, ବିଷାକ୍ତ ସାପ କାମୁଡ଼ାରେ ଚାଲିଗଲା ଭାଇ-ଭଉଣୀଙ୍କ ଜୀବନ

ଉମରକୋଟ ୦୯।୦୯ : ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ରାଜପୁର ଗାଁରେ ଅଭାବନୀୟ ଘଟଣା । ବିଷାକ୍ତ ସାପ କାମୁଡ଼ାରେ ଭାଇ ଓ ଭଉଣୀଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଭାଇ ରୁତୁରାଜଙ୍କ ବୟସ ୯ ମାସ ହୋଇଥିବା ବେଳେ ଭଉଣୀ ଅମିତାଙ୍କ ବୟସ ୧୧ ବର୍ଷ ବୋଲି ଜଣାପଡିଛି ।

​​​​​​​

-ସାପ କାମୁଡ଼ାରେ ଦୁଇ ଭାଇ ଭଉଣୀ ମୃତ
-ନବରଙ୍ଗପୁର ଉମରକୋଟ ବ୍ଲକ ରାଜପୁର ଗ୍ରାମରେ ଘଟିଛି ଏଭଳି ଘଟଣା
-ରାତିରେ ଖାଇସାରି ଶୋଇଥିବା ଅବସ୍ଥାରେ କାମୁଡି ଦେଇଥିଲା ସାପ
-ପ୍ରଥମେ ପରିବାର ଲୋକେ ଦୁଇ ଶିଶୁକୁ ସ୍ଥାନୀୟ ଗୁଣିଆ ପାଖକୁ ନେଇଥିଲେ
-ପରେ ସ୍ୱାସ୍ଥ୍ୟାବସ୍ଥା ବିଗିଡିବାରୁ ଉମରକୋଟ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ…

— Prameya News7 (@NEWS7Odia) September 9, 2025

ଖବର ଅନୁଯାୟୀ, ସୋମବାର ବିଳମ୍ବିତ ରାତିରେ ପରିବାର ସମସ୍ତ ସଦସ୍ୟ ଖାଇସାରି ଶୋଇବାକୁ ଯାଇଥିଲେ । ଭାଉ-ଭଉଣୀ ଖାଇ ସାରି ଶୋଇଥିବା ଅବସ୍ଥାରେ ଏକ ବିଷାକ୍ତ ସାପ କାମୁଡ଼ି ଦେଇଥିଲା । ଯାହାଫଳରେ ଦୁଇ ଜଣ ଭାଇ-ଭଉଣୀ ଗୁରୁତର ହୋଇପଡିଥିଲେ । ଏହାପରେ ଉଭୟଙ୍କୁ ପରିବାର ଲୋକ ଗାଁର ଏକ ଗୁଣିଆ ନିକଟକୁ ନେଇଥିଲେ । ହେଲେ ଅବସ୍ଥା ଗୁରୁତର ହେବାରୁ ପରିବାର ଲୋକ ଉମରକୋଟ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ ଉଭୟଙ୍କୁ ଡାକ୍ତର ମୃତ ଘୋଷଣା କରିଛନ୍ତି ।