ଏସିଆ କପ୍ ସୁପର ଓଭର ବିବାଦ: ICC ନିକଟରେ ଶ୍ରୀଲଙ୍କା କୋଚ୍ ସନଥ ଜୟସୁରିଆଙ୍କ ଦାବି

ନୂଆଦିଲ୍ଲୀ ୨୭/୦୯: ଶୁକ୍ରବାର, ସେପ୍ଟେମ୍ବର ୨୬ରେ ଏସିଆ କପ୍ ୨୦୨୫ରେ ଥିଲା ହେବିଓ୍ୱେଟ୍ ମୁକାବିଲା । ଭାରତ ଓ ଶ୍ରୀଲଙ୍କା ମଧ୍ୟରେ ଥିଲା ସୁପର ଓଭର । କାରଣ ସୁପର ଓଭରରେ ଜିତିଥିଲା ଭାରତ । ଶେଷ ମୁହୂର୍ତ୍ତରେ ଟାଇ ହୋଇଥିଲା ମ୍ୟାଚ୍ । ଏହାପରେ ଦୁଇ ଦଳ ସୁପର ଓଭରରେ ମୁହାଁମୁହିଁ ହୋଇଥିଲେ । ଯାହାକୁ ଅତି ସହଜରେ ଜିତିଥିଲା ସୂର୍ଯ୍ୟା ବ୍ରିଗେଡ । ଶ୍ରୀଲଙ୍କା ଦଳ ସୁପର ଓଭରରେ କେବଳ ଦୁଇଟି ରନ୍ କରିଥିଲା । ଯାହା ଭାରତୀୟ ଦଳର କାର୍ଯ୍ୟକୁ ସହଜ କରିଥିଲା ।

ଭାରତ ଏବେ ସେପ୍ଟେମ୍ବର ୨୮ ତାରିଖରେ ଟାଇଟଲ୍ ମ୍ୟାଚ୍ ରେ ପାକିସ୍ତାନ ସହିତ ମୁକାବିଲା କରିବ । ତେବେ ଭାରତ-ଶ୍ରୀଲଙ୍କା ମ୍ୟାଚ୍ ସୁପର ଓଭର ସମୟରେ ଏକ ବିବାଦୀୟ ମୁହୂର୍ତ୍ତ ଦେଖିବାକୁ ମିଳିଥିଲା । ଯାହାର କେନ୍ଦ୍ରରେ ଥିଲେ ଦାସୁନ୍ ଶାନାକା । ସୁପର ଓଭରରେ ଶ୍ରୀଲଙ୍କା ପକ୍ଷରୁ ଶନାକା ବ୍ୟାଟିଂ କରିବାକୁ ଆସିଥିଲେ । ଅର୍ଶଦୀପ ସିଂହ ଏକ ୟର୍କର ବୋଲିଂ କରିଥିଲେ । ଯାହା ଓଭରର ଚତୁର୍ଥ ବଲ୍ ଥିଲା, ଯାହାକୁ ଶନାକା କ୍ୟାଚ୍ ଆଉଟ୍ ହୋଇଥିଲେ ।

ଭାରତୀୟ ଖେଳାଳିମାନେ ପଛରେ କ୍ୟାଚ୍ ପାଇଁ ଅପିଲ୍ କରିଥିଲେ । ଯାହା ପରେ ଅମ୍ପାୟାର ତାଙ୍କ ଆଙ୍ଗୁଠି ଉଠାଇଥିଲେ । ଆଉଟ୍ ଦିଆଯାଇଥିଲେ ମଧ୍ୟ, ଶନାକା ରନ ପାଇଁ ଦୌଡ଼ିଥିଲେ । କିନ୍ତୁ ବଲ୍ ପୂର୍ବରୁ ସଞ୍ଜୁ ସାମସନଙ୍କ ଗ୍ଲୋଭସ୍ ରେ ଥିଲା । ସାମସନ୍ ଷ୍ଟମ୍ପରେ ଫିଙ୍ଗି ଶାନାକାଙ୍କୁ ଆଉଟ୍ କରିଥିଲେ। ସୁପର ଓଭରରେ ଶ୍ରୀଲଙ୍କାର ଇନିଂସ ଶେଷ ହୋଇଗଲା ପରି ମନେ ହେଉଥିଲା, କିନ୍ତୁ ଘଟଣାଟି ସେପରି ନଥିଲା। ଯେତେବେଳେ ଦାସୁନ୍ ଶାନାକା ଜାଣିବାକୁ ପାଇଲେ ଯେ ଅମ୍ପାୟାର ତାଙ୍କୁ କ୍ୟାଚ୍ ଆଉଟ୍ ଦେଇଥିଲେ ।

ହେଲେ ସେ କିନ୍ତୁ ଆଉଟ୍‌ ନମାନି ରିଭ୍ୟୁ ନେଇଥିଲେ। ଅଲ୍ଟ୍ରାଏଜ୍ ଦେଖାଗଲା ଯେ ବ୍ୟାଟ୍ ଓ ବଲ୍ ମଧ୍ୟରେ କୌଣସି ସମ୍ପର୍କ ନାହିଁ । ଶେଷରେ ଆଉଟ୍‌ ହୋଇନଥିଲେ ଶାନାକା । ମେରିଲେବୋନ୍ କ୍ରିକେଟ୍ କ୍ଲବ୍ (MCC) ର ନିୟମ 20.1.1.3 ଅନୁଯାୟୀ, ଜଣେ ବ୍ୟାଟ୍ସମ୍ୟାନଙ୍କୁ ଆଉଟ୍ ଦେବା ମାତ୍ରେ ବଲ୍ ଡେଡ୍ ହୋଇଯାଏ । ତେଣୁ, ସଞ୍ଜୁ ସାମସନଙ୍କ ରନ ଆଉଟ୍ ଅବୈଧ ଥିଲା କାରଣ ଅମ୍ପାୟାର ପୂର୍ବରୁ ତାଙ୍କ ଆଙ୍ଗୁଠି ଉଠାଇଥିଲେ। 

ସେପଟେ ସୁପର ଓଭର ବିବାଦ ପରେ ଶ୍ରୀଲଙ୍କାର ମୁଖ୍ୟ ପ୍ରଶିକ୍ଷକ ସନତ୍ ଜୟସୁରିଆ ନିୟମ ଉପରେ ପ୍ରଶ୍ନ ଉଠାଇଛନ୍ତି । ଜୟସୁରିଆ କହିଛନ୍ତି ଯେ ଏହି ନିୟମଗୁଡ଼ିକ ବିବାଦର କାରଣ ଥିଲା। ଜୟସୁରିଆ ବିଶ୍ୱାସ କରନ୍ତି ଯେ ନିୟମଗୁଡ଼ିକୁ ଆହୁରି ଉନ୍ନତ କରାଯିବା ଆବଶ୍ୟକ। ମ୍ୟାଚ୍ ପରେ, ସନତ୍ ଜୟସୁରିଆ କହିଥିଲେ, "ନିୟମ ଅନୁଯାୟୀ, କେବଳ ପ୍ରଥମ ନିଷ୍ପତ୍ତି ବୈଧ । ଯେତେବେଳେ ଶାନାକାଙ୍କୁ ଆଉଟ୍ ଦିଆଯାଇଥିଲା, ସେତେବେଳେ ବଲକୁ ଏକ ଡେଡ୍ ବଲ୍ ଭାବରେ ବିବେଚନା କରାଯାଇଥିଲା ।

ପରେ, ଯେତେବେଳେ ସମୀକ୍ଷାରେ ନିଷ୍ପତ୍ତିକୁ ପ୍ରତ୍ୟାହାର କରାଯାଇଥିଲା, ସେହି ନିଷ୍ପତ୍ତିକୁ ଗଣନା କରାଯାଇଥିଲା । କିନ୍ତୁ ମୁଁ ବିଶ୍ୱାସ କରେ ଯେ ଏପରି ପରିସ୍ଥିତିକୁ ଏଡାଇବା ପାଇଁ ନିୟମରେ ଉନ୍ନତି ଆଣିବା ଆବଶ୍ୟକ। ଶ୍ରୀଲଙ୍କାର ସେଞ୍ଚୁରିଆନ୍, ପଥୁମ୍ ନିସାଙ୍କା, ସୁପର ଓଭରରେ ବ୍ୟାଟିଂ କରିବାକୁ ଆସି ନଥିଲେ, ଯାହା ବହୁତ ଆଲୋଚନାର ବିଷୟ ହୋଇଥିଲା। ସନତ୍ ଜୟସୁରିଆ ବ୍ୟାଖ୍ୟା କରିଛନ୍ତି ଯେ ନିସାଙ୍କା ପୂର୍ବ ଦୁଇଟି ମ୍ୟାଚ୍ ରେ ହାମଷ୍ଟ୍ରିଙ୍ଗ୍ ଓ ଗ୍ରୋଇନ୍ ଆଘାତର ଶିକାର ହୋଇଥିଲେ । ଯାହା ତାଙ୍କୁ ଆଶ୍ୱସ୍ତି ଦେଇଥିଲା । ଜୟସୁରିଆଙ୍କ ଅନୁସାରେ, ଦଳ ରିସ୍କ ନନେଇ ବାମ-ଡାହାଣ କମ୍ୱିନେସନ କରିଥିଲା।