ଚାମ୍ପିଅନ୍ସ ହେବା ପରେ ମହାନତା ଦେଖାଇଲେ କ୍ୟାପଟେନ୍ ସୂର୍ଯ୍ୟା, ଭାରତୀୟ ସେନାକୁ ଉତ୍ସର୍ଗୀକୃତ କଲେ ଫି'

ନୂଆଦିଲ୍ଲୀ ୨୯/୦୯ : ସରିଛି ଏସିଆ କପ୍ । ଟ୍ରଫି ହାତେଇଛି ଟିମ୍ ଇଣ୍ଡିଆ । ଫାଇନାଲରେ ପାରମ୍ପରିକ ପ୍ରତିନ୍ଦ୍ବନ୍ଦୀ ପାକିସ୍ତାନକୁ ଦେଇଛି ମାତ୍ । ୫ ୱିକେଟରେ ହରାଇ ନବମ ଥର ଟ୍ରଫି ଜିତିଛି ଭାରତ । ଫ୍ୟାନ୍ସଙ୍କୁ ପହଲଗାମ ହମଲାର ପ୍ରତିଶୋଧ ନେଇଛି ମେନ ଇନ୍ ବ୍ଲୁ । ଖାସ୍ କରି ଏସିଆ କପ୍‌ ଚମ୍ପିଆନ ହେବା ସହ ହୃଦୟ ଜିତିଛନ୍ତି କ୍ୟାପ୍‌ଟେନ୍ ସୂର୍ଯ୍ୟକୁମାର ଯାଦବ ।  ଖାଲି ମ୍ୟାଚ୍ ଜିତି ନାହାଁନ୍ତି ତ ବଡ ପଣ ଦେଖାଇଛନ୍ତି କ୍ୟାପଟେନ୍ ।

ବିଜୟ ପରେ ଏସିଆ କପ ମ୍ୟାଚ୍‌ ଫି'କୁ ଭାରତୀୟ ସେନାକୁ କରିଛନ୍ତି ସମର୍ପିତ । ପହଲ୍‌ଗାମ ଆତଙ୍କବାଦୀ ହମ୍‌ଲାରେ ନିହତ ପରିବାରକୁ ଦାନ କରିଛନ୍ତି ମ୍ୟାଚ ରାଶି । ରବିବାର ରାତିରେ ଦୁବାଇରେ ପାକିସ୍ତାନ ବିପକ୍ଷରେ ଏସିଆ କପ୍ ଜିତିବା ପରେ ଯାଦବ ଏହା ଘୋଷଣା କରିଥିଲେ। ଭାରତୀୟ ଅଧିନାୟକ ପୂର୍ବରୁ ଏସିଆ କପ୍ ର ପ୍ରଥମ ମ୍ୟାଚ୍ ଜିତିବା ପରେ ତାଙ୍କର ମ୍ୟାଚ୍ ଫିସ୍ ସେନା ଏବଂ ପହଲଗାମ୍ ଆକ୍ରମଣରେ ସହିଦ ହୋଇଥିବା ଲୋକଙ୍କ ପରିବାରକୁ ଉତ୍ସର୍ଗ କରିଥିଲେ।  ସେ ଟ୍ୱିଟ୍ କରି କହିଛନ୍ତି ଯେ ମୁଁ ଏହି ଟୁର୍ଣ୍ଣାମେଣ୍ଟରୁ ମୋର ମ୍ୟାଚ୍ ଫିସ୍ ଆମର ସଶସ୍ତ୍ର ବାହିନୀ ଏବଂ ପହଲଗାମ ଆତଙ୍କବାଦୀ ଆକ୍ରମଣରେ ସହିଦ ହୋଇଥିବା ଲୋକଙ୍କ ପରିବାରକୁ ସାହାଯ୍ୟ କରିବା ପାଇଁ ଦାନ କରିବାକୁ ନିଷ୍ପତ୍ତି ନେଇଛି। 

ରବିବାର ରାତିରେ ଦୁବାଇରେ ପାକିସ୍ତାନ ବିପକ୍ଷରେ ଏସିଆ କପ୍ ଫାଇନାଲରେ ତିଲକ ବର୍ମା ଏକ ଚମତ୍କାର ଅର୍ଦ୍ଧଶତକ ହାସଲ କରିଥିଲେ । ସଞ୍ଜୁ ସାମସନ ଏବଂ ଶିବମ ଦୁବେଙ୍କ ସହିତ ଉପଯୋଗୀ ଭାଗୀଦାରି ଗଠନ କରିଥିଲେ । ଏହି ତିନୋଟି ଅମୂଲ୍ୟ ଇନିଂସ ଭାରତକୁ ପାକିସ୍ତାନକୁ ପରାସ୍ତ କରିବାରେ ସାହାଯ୍ୟ କରିଥିଲା। ଏହି ବିଜୟ ସହିତ ଭାରତ ତାର ଦ୍ୱିତୀୟ T20I ଏସିଆ କପ୍ ଟାଇଟଲ ଏବଂ ODI ସଂସ୍କରଣ ସମେତ ସାମଗ୍ରିକ ଭାବରେ ନବମ ବିଜୟ ହାସଲ କରିଛି। 

​​​​​​​

I have decided to donate my match fees from this tournament to support our Armed Forces and the families of the victims who suffered from the Pahalgam terror attack. You always remain in my thoughts 🙏🏽

Jai Hind 🇮🇳

— Surya Kumar Yadav (@surya_14kumar) September 28, 2025

ପାକିସ୍ତାନକୁ ପରାସ୍ତ କରିବା ପରେ, ଅଧିନାୟକ ସୂର୍ଯ୍ୟକୁମାର ଯାଦବ କହିଛନ୍ତି, "ମୁଁ ଏହି ଟୁର୍ଣ୍ଣାମେଣ୍ଟରେ ଖେଳାଯାଇଥିବା ସମସ୍ତ ମ୍ୟାଚ୍ ପାଇଁ ମୋର ମ୍ୟାଚ୍ ଫିସ୍ ଭାରତୀୟ ସେନାକୁ ଦାନ କରିବାକୁ ଚାହୁଁଛି।" ତଥାପି, ମ୍ୟାଚ୍ ପରେ ପୁରସ୍କାର ପ୍ରଦାନ ଉତ୍ସବରେ, ଭାରତ ସେମାନଙ୍କର ପଦକ ଏବଂ ଟ୍ରଫି ଗ୍ରହଣ କରିନଥିଲା । ଯାହା ଦର୍ଶକ ଏବଂ ଖେଳାଳି ଉଭୟଙ୍କୁ ନିରାଶ କରିଥିଲା। ପାକିସ୍ତାନର ଏସୀୟ କ୍ରିକେଟ୍ ପରିଷଦ (ACC)ର ସଭାପତି ମୋହସିନ ନକଭି ଭାରତୀୟ ଦଳକୁ ଟ୍ରଫି ପ୍ରଦାନ କରିବାକୁ ଥିଲେ । କିନ୍ତୁ ଭାରତୀୟ ଖେଳାଳିମାନେ ଏହାକୁ ଗ୍ରହଣ କରିବାକୁ ମନା କରିଦେଇଥିଲେ। ସମ୍ପୂର୍ଣ୍ଣ ଭାରତୀୟ ଦଳ ଟ୍ରଫି ବିନା ପଡ଼ିଆରେ ଉତ୍ସବ ପାଳନ କରିଥିଲା। 

କହିବାକୁ ଗଲେ ଭାରତୀୟ ଦଳ ସେପ୍ଟେମ୍ବର ୧୪ ତାରିଖରେ ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ପାକିସ୍ତାନ ବିପକ୍ଷରେ ଏସିଆ କପ୍ ୨୦୨୫ର ପ୍ରଥମ ମ୍ୟାଚ୍ ଖେଳିଥିଲା। ଭାରତୀୟ ଦଳ ମଧ୍ୟ ଚମତ୍କାର ପ୍ରଦର୍ଶନ କରି ମ୍ୟାଚ୍ ଜିତିଥିଲା। ମ୍ୟାଚ୍ ପରେ ଉପସ୍ଥାପନାରେ ସାମିଲ ଥିବା ସୂର୍ଯ୍ୟକୁମାର ଯାଦବ ଏହି ବିଜୟକୁ ଭାରତୀୟ ସେନା ଏବଂ ପହଲଗାମ୍ ଆକ୍ରମଣର ପୀଡିତଙ୍କ ଉଦ୍ଦେଶ୍ୟରେ ଉତ୍ସର୍ଗ କରିଥିଲେ। ବର୍ତ୍ତମାନ, ଫାଇନାଲ୍ ପରେ, ସୂର୍ଯ୍ୟ ଭାରତୀୟ ସେନା ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି।