ବନ୍ଧକ ମୁକ୍ତ ଉପରେ ଗ୍ୟାରେଣ୍ଟି ଦେବ କିଏ ? ତେଲ ଅଭିବରେ ବିକ୍ଷୋଭ, କହିଲେ ନେତାନ୍ୟାହୁଙ୍କୁ ଭରସା ନାହିଁ

ନୂଆଦିଲ୍ଲୀ: ଟ୍ରମ୍ପଙ୍କ କଥାରେ ରାଜି ହେଲେ ନେତାନ୍ୟାହୁ। ଏପଟେ ଗୁଳି ଚଳାଇଲା ଆଇଡିଏଫ। ଏବେ ବନ୍ଧକ ମୁକ୍ତ ଉପରେ ଗ୍ୟାରେଣ୍ଟି ଦେବ କିଏ। ତେଣୁ ଆଉ ନେତାନ୍ୟାହୁଙ୍କ ଉପରେ ବିଶ୍ୱାସ ନାହିଁ। ଗାଜାରେ ଚାଲିଥିବା ଯୁଦ୍ଧର ଅନ୍ତ ଘଟାଇବା ଏବଂ ସମସ୍ତ ବନ୍ଧକଙ୍କୁ  ଘରକୁ ଫେରାଇ ଆଣିବା ପାଇଁ ତେଲ ଅଭିଭରେ ଶହ ଶହ ପ୍ରଦର୍ଶନକାରୀ ରାସ୍ତାକୁ ଓହ୍ଲାଇଛନ୍ତି। କିଛି ଇସ୍ରାଏଲୀ ପ୍ରଦର୍ଶନକାରୀ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁଙ୍କ ବିଷୟରେ ଚିନ୍ତା ପ୍ରକଟ କରିଛନ୍ତି। ସେମାନେ କହିଥିଲେ ଯେ ନେତାନ୍ୟାହୁ ପୂର୍ବରୁ ଏପରି ଚୁକ୍ତିନାମାରେ ବାଧା ସୃଷ୍ଟି କରିଛନ୍ତି, କିନ୍ତୁ ଏଥର ସେମାନେ ଆଶା କରିଥିଲେ ଯେ ଚୁକ୍ତିନାମା ଆଗକୁ ବଢ଼ିବ।

ତେଲ ଅଭିଭରେ ଜଣେ ପ୍ରଦର୍ଶନକାରୀ ଗିଲ୍ ସେଲି କହିଛନ୍ତି, "ଆମେ ଅପହୃତ ଲୋକଙ୍କ ମୁକ୍ତି ବିଷୟରେ ଚିନ୍ତିତ। ଆମେ ଯୁଦ୍ଧ ବନ୍ଦ କରିବାକୁ ଚାହୁଁଛୁ... ଆମର ବେଞ୍ଜାମିନ ନେତାନ୍ୟାହୁଙ୍କ ଉପରେ କୌଣସି ଭରସା ନାହିଁ। କିନ୍ତୁ ବର୍ତ୍ତମାନ, ଆମର ଡୋନାଲ୍ଡ ଟ୍ରମ୍ପଙ୍କ ଉପରେ ପୂର୍ଣ୍ଣ ଭରସା ଅଛି।"

ଗାଜାକୁ ନିୟନ୍ତ୍ରଣ କରୁଥିବା ପାଲେଷ୍ଟାଇନୀ ଆତଙ୍କବାଦୀ ସଂଗଠନ ହମାସ ଶୁକ୍ରବାର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶାନ୍ତି ଯୋଜନାର କିଛି ଅଂଶରେ ସହମତ ହୋଇଛି। ଏଥିରେ ଯୁଦ୍ଧ ଶେଷ କରିବା, ଇସ୍ରାଏଲୀ ପ୍ରତ୍ୟାହାର ଏବଂ ଇସ୍ରାଏଲୀ ବନ୍ଧକ ଏବଂ ପାଲେଷ୍ଟାଇନୀ ବନ୍ଦୀମାନଙ୍କୁ ମୁକ୍ତ କରିବା ସର୍ତ୍ତ ରହିଛି।

ଇସ୍ରାଏଲୀ ବିମାନ ଆକ୍ରମଣ ଶନିବାର ସକାଳ ପର୍ଯ୍ୟନ୍ତ ଜାରି ରହିଥିଲା। ପୂର୍ବରୁ, ଟ୍ରମ୍ପ ବୋମାମାଡ଼ ବନ୍ଦ କରିବା ପାଇଁ ଅପିଲ୍ କରିଥିଲେ, କହିଥିଲେ ଯେ ହମାସ ଏବେ ଶାନ୍ତି ପାଇଁ ପ୍ରସ୍ତୁତ। ନେତାନ୍ୟାହୁ ମଧ୍ୟ ସହମତ ହୋଇଥିଲେ।

ଶନିବାର ସକାଳେ ବେଞ୍ଜାମିନ୍ ନେତାନ୍ୟାହୁଙ୍କ କାର୍ଯ୍ୟାଳୟ କହିଛି ଯେ ହମାସର ପ୍ରତିକ୍ରିୟା ପରେ, ଇସ୍ରାଏଲ "ଟ୍ରମ୍ପ୍ ଙ୍କ ଗାଜା ଯୋଜନାର ପ୍ରଥମ ପର୍ଯ୍ୟାୟକୁ ତୁରନ୍ତ କାର୍ଯ୍ୟକାରୀ କରିବା" ପାଇଁ ପ୍ରସ୍ତୁତ ହେଉଛି, ଯାହା ଇସ୍ରାଏଲୀ ବନ୍ଧକମାନଙ୍କୁ ମୁକ୍ତ କରିବା ପ୍ରକ୍ରିୟା ଆରମ୍ଭ କରିବ। କିନ୍ତୁ ଗାଜା ଉପରେ ଇସ୍ରାଏଲର ଆକ୍ରମଣ କରିଥିଲା। ଗୁଳିମାଡ଼ରେ ୭ ଜଣଙ୍କ ମୃତ୍ୟୁ ହୋଇଥିଲା। ଏହି ଘଟଣା ପରେ ବନ୍ଧକଙ୍କ ମୁକ୍ତ ନେଇ ପ୍ରଶ୍ନ ଉଠିଛି।