ଆଡିଲେଡ୍‌ରେ ଗର୍ଜିଲା ରୋହିତ ଶର୍ମାଙ୍କ ବ୍ୟାଟ୍, ଚାମ୍ପିଅନ୍ସ ଟ୍ରଫି ପରେ ଜବରଦସ୍ତ କମ୍‌ବ୍ୟାକ୍

ନୂଆଦିଲ୍ଲୀ ୨୩/୧୦: ଭାରତ ଓ ଅଷ୍ଟ୍ରେଲିଆ ମଧ୍ୟରେ ଚାଲିଛି ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜ୍‌ । ଦ୍ୱିତୀୟ ମ୍ୟାଚ୍ ଆଜି (୨୩ ଅକ୍ଟୋବର) ଆଡିଲେଡର ଆଡିଲେଡ ଓଭାଲରେ ଖେଳାଯାଉଛି । ମ୍ୟାଚ୍‌ରେ ଶୁଭମନ ଗିଲ୍ ଭାରତୀୟ ଦଳର ଅଧିନାୟକତ୍ୱ କରୁଛନ୍ତି । ଅଷ୍ଟ୍ରେଲିଆ ଦଳର ଅଧିନାୟକତ୍ୱ କରୁଛନ୍ତି ପ୍ୟାଟ୍ କମିନ୍ସ ।

ଟସ୍ ହାରି ଭାରତ ପ୍ରଥମେ ବ୍ୟାଟିଂ କରୁଛି । ୨୪ ଓଭର ସୁଦ୍ଧା ଭାରତର ସ୍କୋର ୧୦୫ ରନ ହୋଇଥିଲା । ଦଳ ଦୁଇ ଓପନର ସହ ଦୁଇଟି ୱିକେଟ୍ ହରାଇଛି । ଦୁଇ ଷ୍ଟାର ବ୍ୟାଟର ପାଭିଲିୟନ ଫେରିବା ପରେ ଦଳକୁ ସମ୍ଭାଳିଥିଲେ ରୋହିତ ଶର୍ମା ଓ ଶ୍ରେୟସ ଆୟର । ତେବେ ଏହି ମ୍ୟାଚ୍‌ ଜରିଆରେ ଜବରଦସ୍ତ କମ୍‌ବ୍ୟାକ୍‌ କରିଛନ୍ତି ରୋହିତ ଶର୍ମା ।

ଅଷ୍ଟ୍ରେଲିଆ ବିପକ୍ଷରେ ସେ କରିଛନ୍ତି ତାଙ୍କର ୫୯ତମ ଏକଦିବସୀୟ ଅର୍ଦ୍ଧଶତକ । ତେବେ ଖବର ଶେଷ ସୁଦ୍ଧା ୭୩ ରନ୍ କରି ଆଉଟ୍ ହୋଇ । ପର୍ଥରେ ଖେଳାଯାଇଥିବା ସିରିଜର ପ୍ରଥମ ଏକଦିବସୀୟରେ ଭାରତ ପରାଜୟ ବରଣ କରିଛି । ତେଣୁ, ଏହି ମ୍ୟାଚ୍ ଜିତିବା ଭାରତ ପାଇଁ ଗୁରୁତ୍ୱପୂର୍ଣ୍ଣ ।