ମଧ୍ୟପ୍ରଦେଶରେ ବଡ଼ ଦୁର୍ଘଟଣା: ବିସର୍ଜନ ବେଳେ ନଦୀକୁ ଓଲଟିଲା ଟ୍ରାକ୍ଟର; ୧୧ ଜଣଙ୍କ ମୃତ୍ୟୁ

ନୂଆଦିଲ୍ଲୀ ୦୩।୧୦; ମଧ୍ୟପ୍ରଦେଶର ଖଣ୍ଡୱାରେ ବଡ ଅଘଟଣ । ଗୁରୁବାର ଖଣ୍ଡୱା ଜିଲ୍ଲାରେ ଦୁର୍ଗା ମୂର୍ତ୍ତି ବିସର୍ଜନ ସମୟରେ ଏକ ଟ୍ରାକ୍ଟର ନଦୀ ଓଲଟି ପଡିଥିଲା। ଏଥିରେ ଥିବା ପ୍ରାୟ ୨୦ ରୁ ୨୫ ଜଣ ବୁଡ଼ି ଯାଇଥିଲେ। ଖବର ପାଇ ସମଗ୍ର ଗାଁରେ ହଇଚଇ ସୃଷ୍ଟି ହୋଇଥିଲା ।  ପୋଲିସ ଏବଂ ଗ୍ରାମବାସୀ ତୁରନ୍ତ ପୋଖରୀକୁ ଯାଇ ଉଦ୍ଧାର କରିଥିଲେ। ଦୁର୍ଘଟଣାରେ ଏଗାର ଜଣଙ୍କର ମୃତ୍ୟୁ ହୋଇଥିବା ବେଳେ ଅନେକ ନିଖୋଜ ଅଛନ୍ତି। ପୋଲିସ ଏବଂ ପ୍ରଶାସନ ସେମାନଙ୍କୁ ଖୋଜିବା ପାଇଁ ଉଦ୍ଧାର କାର୍ଯ୍ୟ ଚଳାଇଛନ୍ତି। ମୃତକଙ୍କ ମଧ୍ୟରୁ ଅଧିକାଂଶ ପିଲା ସାମିଲ।

ସୂଚନା ଅନୁଯାୟୀ, ପାନ୍ଧନା ଥାନା ଅଞ୍ଚଳ ଅନ୍ତର୍ଗତ ଆର୍ଦଲା ଗାଁରେ ଏହି ଘଟଣା ଘଟିଛି। ଦଶହରାରେ ପୋଖରୀରେ ଦୁର୍ଗା ମୂର୍ତ୍ତି ବିସର୍ଜନ କରିବାକୁ ଯାଉଥିବା ଟ୍ରାକ୍ଟରର ଡ୍ରାଇଭର ଏହାକୁ ଏକ କଲଭର୍ଟ ଉପରେ ରଖିଥିଲେ। ହଠାତ୍‌ ନଦୀକୁ ଓଲଟି ପଡ଼ିବାରୁ ଦୁର୍ଘଟଣା ଘଟିଥିଲା। ବର୍ତ୍ତମାନ ପର୍ଯ୍ୟନ୍ତ ଏହି ଦୁର୍ଘଟଣାରେ ୧୧ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଯେଉଁଥିରେ ଅଧିକାଂଶ ପିଲା ଅଛନ୍ତି। ବର୍ତ୍ତମାନ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି।

ସୂଚନା ପାଇବା ପରେ, ପୋଲିସ ଏବଂ ପ୍ରଶାସନ ଦଳ ଘଟଣାସ୍ଥଳରେ ପହଞ୍ଚିଥିଲେ। ସେମାନେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଏପର୍ଯ୍ୟନ୍ତ ନଦୀରୁ ୧୦ ଜଣଙ୍କ ମୃତଦେହ ଉଦ୍ଧାର କରାଯାଇଛି, ସେମାନଙ୍କ ମଧ୍ୟରୁ ଅଧିକାଂଶ ପିଲା। ପିଲାମାନଙ୍କ ମୃତ୍ୟୁ ଖବର ଶୁଣି ସେମାନଙ୍କ ପରିବାରରେ ଶୋକ ଖେଳି ଯାଇଛି । ପୋଲିସ ମୃତଦେହ ଗୁଡ଼ିକୁ ଜବତ କରି ପୋଷ୍ଟମର୍ଟମ ପାଇଁ ପଠାଇଛି। ପୋଲିସ ଏବଂ ପ୍ରଶାସନ ଅଧିକାରୀମାନେ ଏବେ ବି ଘଟଣାସ୍ଥଳରେ ଉପସ୍ଥିତ ଅଛନ୍ତି। ପୋଖରୀରୁ ଉଦ୍ଧାର ହୋଇଥିବା ଲୋକମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି। ଯେଉଁଠାରେ ସେମାନଙ୍କର ଚିକିତ୍ସା ଚାଲିଛି।