ଆଫ୍ରିକା କଙ୍ଗୋରେ ଓଲଟିଲା ଡଙ୍ଗା ; ଗଲାଣି ୮୬ ଜୀବନ, ଉଦ୍ଧାରକାର୍ଯ୍ୟ ଜାରି

ନୂଆଦିଲ୍ଲୀ ୧୩।୦୯; ଉତ୍ତର-ପଶ୍ଚିମ କଙ୍ଗୋର ଇକ୍ୱାଟରରେ ବଡ଼ ଡଙ୍ଗା ଦୁର୍ଘଟଣା ଘଟିଛି। ଯେଉଁଥିରେ ଅତି କମରେ ୮୬ ଜଣଙ୍କର ମୃତ୍ୟୁ ହୋଇଛି। ଏହି ଘଟଣା ବସନକୁସୁ ଅଞ୍ଚଳରେ ଘଟିଛି । ମୃତକଙ୍କ ମଧ୍ୟରୁ ବହୁ ସଂଖ୍ୟକ ଛାତ୍ର ବୋଲି କୁହାଯାଉଛି। ରିପୋର୍ଟ ଅନୁଯାୟୀ, ଏକ ମୋଟରଚାଳିତ ଡଙ୍ଗା ଓଲଟି ପଡ଼ିବା ଫଳରେ ଏହି ଦୁର୍ଘଟଣା ଘଟିଥିଲା। ଡଙ୍ଗାଟି ଆବଶ୍ୟକତା ଠାରୁ ଅଧିକ ଯାତ୍ରୀ ଏବଂ ସାମଗ୍ରୀ ନେଇଯାଉଥିଲା। ଯେଉଁଥିପାଇଁ ଏହି ଅଘଟଣ ଘଟିଥିଲା। ଅଧିକାରୀମାନେ କହିଛନ୍ତି ଯେ ଡଙ୍ଗାଟି ରାତିରେ ଯାତ୍ରା କରୁଥିଲା ଏବଂ ଏହି ସମୟରେ ଏହା ଭାରସାମ୍ୟ ହରାଇ ମଝି ନଦୀରେ ଓଲଟି ପଡ଼ିଥିଲା।

ମୃତକଙ୍କ ସଂଖ୍ୟା ଏବଂ ଉଦ୍ଧାର କାର୍ଯ୍ୟ

ଅଧିକାରୀମାନେ କହିଛନ୍ତି ଯେ ଏପର୍ଯ୍ୟନ୍ତ ୮୬ ଜଣଙ୍କ ମୃତଦେହ ଉଦ୍ଧାର କରାଯାଇଛି। ଅନେକ ଲୋକ ଏପର୍ଯ୍ୟନ୍ତ ନିଖୋଜ ଥିବା ଜଣାପଡ଼ିଛି। ସ୍ଥାନୀୟ ପ୍ରଶାସନ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ଉପସ୍ଥିତ ଅଛନ୍ତି । ନିଖୋଜ ଲୋକଙ୍କୁ ଖୋଜାଖୋଜି ଜାରି ରହିଛି। ନଦୀ କୂଳରେ ଅବସ୍ଥିତ ଗ୍ରାମର ଲୋକମାନେ ମଧ୍ୟ ଏହି ସନ୍ଧାନ କାର୍ଯ୍ୟରେ ସାହାଯ୍ୟ କରୁଛନ୍ତି।

ସବୁଠାରୁ ବଡ କଥା ହେଉଛି ମୃତକଙ୍କ ମଧ୍ୟରୁ ଅଧିକାଂଶ ଛାତ୍ର ଥିଲେ। କୁହାଯାଉଛି ଯେ ଛାତ୍ରମାନେ ପାଠପଢ଼ା ପାଇଁ ନିଜ ଘରୁ ଅନ୍ୟ ସହରକୁ ଯାଉଥିଲେ। ପରିବାରରେ ଏବଂ ଗାଁ ଗୁଡ଼ିକରେ ଶୋକର ଲହରୀ ଖେଳିଯାଇଛି। ସରକାରୀ ଗଣମାଧ୍ୟମ ଦୁର୍ଘଟଣା ପାଇଁ ରାତିରେ ଡଙ୍ଗାର ଭୁଲ ଲୋଡିଂ ଏବଂ ନୌଚାଳନାକୁ ଦାୟୀ କରିଛି। କଙ୍ଗୋରେ ଏହା ପ୍ରଥମ ଥର ପାଇଁ ଡଙ୍ଗା ଦୁର୍ଘଟଣା ନୁହେଁ। ଓଭରଲୋଡିଂ ଏବଂ ସୁରକ୍ଷା ମାନଦଣ୍ଡକୁ ଅଣଦେଖା କରିବା ଯୋଗୁଁ ଏଠାରେ ଏପରି ଘଟଣା ପ୍ରାୟତଃ ଘଟେ।