ନୂଆଦିଲ୍ଲୀ: ନୂଆ ଆୟକର ଆଇନ, ୨୦୨୬ର ଡ୍ରାଫ୍ଟ ନିୟମରେ ପାନ୍ କାର୍ଡ ସମ୍ପର୍କିତ ୫ଟି ବଡ଼ ପରିବର୍ତ୍ତନ କରାଯାଇଛି। ଛୋଟମୋଟ ଟ୍ରାଞ୍ଜାକ୍ସନରେ ପାଇଁ କାଗଜପତ୍ର କାର୍ଯ୍ୟ ହ୍ରାସ କରିବା ପାଇଁ ଏହି ପରିବର୍ତ୍ତନ କରାଯାଇଛି। ଆସନ୍ତୁ ଜାଣିବା ଏହି ୫ ପରିବର୍ତ୍ତନ କ’ଣ?

୧. କ୍ୟାସ୍ ଟ୍ରାଞ୍ଜାକ୍ସନ: ବର୍ଷକୁ₹୧୦ ଲକ୍ଷ ପର୍ଯ୍ୟନ୍ତ ଟ୍ରାଞ୍ଜାକ୍ସନରେ ପାନ୍ ବ୍ୟବହାରରେ ଛାଡ଼

ପ୍ରସ୍ତାବିତ ନିୟମ ଅନୁଯାୟୀ, ଗୋଟିଏ ଆର୍ଥିକ ବର୍ଷରେ ₹୧୦ ଲକ୍ଷ କିମ୍ବା ତା’ଠାରୁ ଅଧିକ ଟଙ୍କା ଜମା କିମ୍ବା ଉଠାଣ ପାଇଁ ଏବେ ପାନ୍ ନମ୍ବର ଦେବା ବାଧ୍ୟତାମୂଳକ ହେବ। ବର୍ତ୍ତମାନ ଥିବା ନିୟମ ଅନୁସାରେ ଏକ ବ୍ୟାଙ୍କିଂ କମ୍ପାନୀ କିମ୍ବା ସମବାୟ ବ୍ୟାଙ୍କରେ ଗୋଟିଏ ଦିନରେ ₹୫୦,୦୦୦ ରୁ ଅଧିକ ଜମା ପାଇଁ ପାନ୍ କାର୍ଡ ପ୍ରଦାନ କରିବା ଆବଶ୍ୟକ ପଡ଼ୁଛି। ହେଲେ ସରକାରଙ୍କ ଏହି ପଦକ୍ଷେପରେ ଛୋଟ ବ୍ୟବସାୟ ଏବଂ ସାଧାରଣ ଲୋକଙ୍କୁ ଆଶ୍ୱସ୍ତି ମିଳିବ।

୨. ହୋଟେଲ ଏବଂ ପ୍ରପର୍ଟି: ୧ ଲକ୍ଷ ଟଙ୍କାରୁ ଅଧିକ ବିଲ୍ ପାଇଁ କୌଣସି ପାନ ଆବଶ୍ୟକ ନାହିଁ-

ହୋଟେଲ ବିଲ୍ ପେମେଣ୍ଟ ପାଇଁ ପାନ୍ କାର୍ଡ ସୀମା₹୫୦,୦୦୦ରୁ ₹୧ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି। ଏହାର ଅର୍ଥ ହେଉଛି ଯଦି ବିଲ୍ ₹୧ ଲକ୍ଷରୁ କମ୍ ହୁଏ, ତେବେ ପାନ୍ ଆବଶ୍ୟକ ହେବ ନାହିଁ। ସମାନ ନିୟମ କନଭେନସନ୍ ସେଣ୍ଟର ଏବଂ ଇଭେଣ୍ଟ ମ୍ୟାନେଜମେଣ୍ଟ ପେମେଣ୍ଟ ପାଇଁ ପ୍ରଯୁଜ୍ୟ ରହିବ। ଏହା ବ୍ୟତୀତ, ସମ୍ପତ୍ତି କ୍ରୟ, ବିକ୍ରୟ କିମ୍ବା ଉପହାର ପାଇଁ, ଏହି ସୀମା ₹୧୦ ଲକ୍ଷରୁ ₹୨୦ ଲକ୍ଷକୁ ବୃଦ୍ଧି କରିବାକୁ ପ୍ରସ୍ତାବ ଦିଆଯାଇଛି।

୩. ଗାଡ଼ି କିଣିବା: ୫ ଲକ୍ଷରୁ ମହଙ୍ଗା ବାଇକ କିଣିଲେ ଦେବାକୁ ପଡ଼ିବ ପ୍ୟାନ।

ଯଦି ଆପଣ ₹୫ ଲକ୍ଷରୁ ଅଧିକ ମୂଲ୍ୟର ମୋଟରସାଇକେଲ କିମ୍ବା ଅନ୍ୟ କୌଣସି ମୋଟର ଯାନ କିଣନ୍ତି, ତେବେ ଆପଣଙ୍କୁ ଏକ ପାନ ନମ୍ବର ଦେବାକୁ ପଡିବ। ବର୍ତ୍ତମାନର ନିୟମ ଅନୁଯାୟୀ, ଦୁଇ ଚକିଆ ଯାନ ପାଇଁ କୌଣସି ପାନ ଆବଶ୍ୟକତା ନଥିଲା। ଅନ୍ୟପଟେ ଚାରି ଚକିଆ ଯାନ ପାଇଁ ପାନକାର୍ଡ ବାଧ୍ୟତାମୂଳକ ଥିଲା। ଏବେ, ₹୫ ଲକ୍ଷ ପର୍ଯ୍ୟନ୍ତ ମୂଲ୍ୟର ଯାନଗୁଡ଼ିକୁ ଏହି ପରିସରରୁ ବାହାରେ ରଖାଯାଇଛି।

୪. ଇନ୍ସୋରାନ୍ସ: ଆକାଉଣ୍ଟ ବେସ୍ଡ ରିଲେସନସିପ୍ ପାଇଁ ପ୍ୟାନ ଆବଶ୍ୟକ-

ଯେକୌଣସି ବୀମା କମ୍ପାନୀ ସହିତ ଆକାଉଣ୍ଟ-ବେସ୍ଡ ରିଲେସନଶିପ ଆରମ୍ଭ କରିବା ପାଇଁ ପାନ ଆବଶ୍ୟକ ହେବ। ଏପର୍ଯ୍ୟନ୍ତ, କେବଳ ₹୫୦,୦୦୦ ରୁ ଅଧିକ ଜୀବନ ବୀମା ପ୍ରିମିୟମ ପାଇଁ ପାନ ଆବଶ୍ୟକ ହେଉଥିଲା। "ଆକାଉଣ୍ଟ-ବେସ୍ଡ ରିଲେସନସିପ୍" ଅର୍ଥ ହେଉଛି ଏବେ ପଲିସି କିଣିବା ପରେ, ବ୍ୟାଙ୍କ ପରି ଆପଣଙ୍କର ଏକ ସ୍ଥାୟୀ ପ୍ରୋଫାଇଲ୍ କିମ୍ବା ଆକାଉଣ୍ଟ ଖୋଲାଯିବ।

୫. କ୍ରିପ୍ଟୋ: ଟ୍ୟାକ୍ସ ଡିପାର୍ଟମେଣ୍ଟକୁ ଦେବାକୁ ପଡ଼ିବ ସୂଚନା-

କ୍ରିପ୍ଟୋ ଏକ୍ସଚେଞ୍ଜଗୁଡ଼ିକୁ ଏବେ ଆୟକର ବିଭାଗ ସହିତ ସୂଚନା ସେୟାର କରିବାକୁ ବାଧ୍ୟତାମୂଳକ କରାଯାଇଛି। ଡିଜିଟାଲ ମୁଦ୍ରାଗୁଡ଼ିକୁ ଏବେ ଇଲେକ୍ଟ୍ରୋନିକ୍ ପେମେଣ୍ଟ ଭାବରେ ମଧ୍ୟ ଗ୍ରହଣ କରାଯାଉଛି।

କେବେ ଠାରୁ ଲାଗୁ ହେବ ଏହି ନୂଆ ଆକ୍ଟ?

ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ୨୦୨୬ ବଜେଟ୍ ଘୋଷଣା ପରେ, CBDT ଏହି ନିୟମଗୁଡ଼ିକ ଉପରେ ଜନସାଧାରଣ ଏବଂ ଅଂଶୀଦାରମାନଙ୍କଠାରୁ ପରାମର୍ଶ ଲୋଡିଛି। ଏହି ପରାମର୍ଶଗୁଡ଼ିକୁ ଆଧାର କରି, ମାର୍ଚ୍ଚ ପ୍ରଥମ ସପ୍ତାହ ସୁଦ୍ଧା ନିୟମଗୁଡ଼ିକୁ ଚୂଡ଼ାନ୍ତ କରାଯିବ। ଏହା ପରେ, ନୂଆ ଆୟକର ଆଇନ ଏବଂ ଏହି ସମସ୍ତ ନୂଆ ନିୟମ ୧ ଏପ୍ରିଲ୍, ୨୦୨୬ ରେ ଦେଶବ୍ୟାପୀ କାର୍ଯ୍ୟକାରୀ ହେବ।