ବାରଙ୍ଗ ୨୭।୧୦ : ବଙ୍ଗୋପସାଗରରେ ସୃଷ୍ଟି ହେଲା ବାତ୍ୟା ମୋନ୍ଥା । ଏବେ ଉପକୂଳମୁହାଁ ବାତ୍ୟା । ତେବେ ଏହି ବାତ୍ୟାର ମୁକାବିଲା ପାଇଁ ଓଡ଼ିଶାର ଦୁଇଟି ଜିଲ୍ଲାକୁ ପଠାଯାଇଛି ଦୁଇଟି NDRF ଟିମ। ସୋମବାର ଭୋର ୪ ଟା ୩୦ ମିନିଟରେ ଏହି ଦୁଇଟି ଟିମ ଗୋଟିଏ ବସ, ଗୋଟିଏ ଟ୍ରକ ଓ ଗୋଟିଏ ବୋଲେରୋରେ କୋରାପୁଟ ଓ ମାଲକାନଗିରି ଜିଲ୍ଲାକୁ ଗ୍ରସ୍ତ କରିଛନ୍ତି। ପ୍ରତ୍ୟେକ ଟିମରେ ୩ ଜଣ ଅଫିସର ସହିତ ୩୧ ଜଣ ଜବାନ ଅଛନ୍ତି।

ସେହିପରି ବାତ୍ୟା ପରବର୍ତ୍ତୀ ଉଦ୍ଧାର କାର୍ଯ୍ଯ ପାଇଁ ଟ୍ରି କଟର (ଗଛ କଟା), ଡ୍ରିଲ୍‌ ମେସିନ, ହାମର , ଅର୍କ୍ସିଜେନ ସିଲିଣ୍ଡର, ଷ୍ଟ୍ରେଚର ସହିତ ବିଭିନ୍ନ ଉଦ୍ଧାର କାର୍ଯ୍ୟ ପାଇଁ ବ୍ୟବହୃତ ସାମଗ୍ରୀ ନେଇଛନ୍ତି। NDRF ପ୍ରାକୃତିକ କିମ୍ବା ମନୁଷ୍ୟ କୃତ ବିପର୍ଯ୍ୟୟ ସମୟରେ କିଭଳି ମୁକାବିଲା କରାଯାଇପାରିବ । ସେଥିପାଇଁ ସେମାନେ ସ୍ଵତନ୍ତ୍ର ଭାବରେ ତାଲିମ ପ୍ରାପ୍ତ। ସେଥିପାଇଁ ବାତ୍ୟା ପୂର୍ବରୁ ସ୍ଥିତିକୁ ଦେଖି ଟିମ୍‌କୁ ବିଭିନ୍ନ ସ୍ଥାନକୁ ପଠାଯାଇଛି ।

ସୂଚନାଯୋଗ୍ୟ ଯେ, ବଙ୍ଗୋପସାଗରରେ ବଳ ଗୋଟାଉଛି ବାତ୍ୟା 'ମୋନ୍‌ଥା' ।  କାକିନାଡ଼ା ଠାରୁ ୬୮୦ କିମି ଦୂରରେ ଅବସ୍ଥିତ ରହିଛି । ଏହା ଘଣ୍ଟା ପ୍ରତି ୧୬ କିମି ବେଗରେ ଗତି କରୁଛି । ଆଗାମୀ ୧୨ ଘଣ୍ଟାରେ ଏହା ପଶ୍ଚିମ-ଉତ୍ତର ପଶ୍ଚିମକୁ ଗତି କରିବ। ମଙ୍ଗଳବାର ସକାଳ ସୁଦ୍ଧା ଭୀଷଣ ବାତ୍ୟାର ରୂପ ନେଇପାରେ 'ମୋନ୍‌ଥା' । ମଙ୍ଗଳବାର ସଂଧ୍ୟା କିମ୍ବା ରାତିରେ ଏହା ଲ୍ୟାଣ୍ଡଫଲ କରିବ । ପରେ ଏହା ମଛଲିପଟନମ ଓ କଳିଙ୍ଗପଟନମ ମଝି କାକିନାଡ଼ା ଦେଇ ଅତିକ୍ରମ କରିବ । ତେବେ ଲ୍ୟାଣ୍ଡଫଲ୍ ସମୟରେ ପବନର ସର୍ବାଧିକ ବେଗ ୧୧୦ କିମି ରହିବ ବୋଲି ସୂଚନା ମିଳିଛି ।