ନୂଆଦିଲ୍ଲୀ: ଲୋକସଭା ବିରୋଧୀ ଦଳର ନେତା ରାହୁଲ ଗାନ୍ଧୀ ଆଜି(୧୯ ଜାନୁଆରୀ) ହ୍ୱାଇଟ୍ ଟି-ଶାର୍ଟ ଆନ୍ଦୋଳନ ଆରମ୍ଭ କରିଛନ୍ତି। ଗରିବଙ୍କ ଅଧିକାର ପାଇଁ ତାଙ୍କର ଏହି ଆନ୍ଦୋଳନ ବୋଲି ରାହୁଲ କହିଛନ୍ତି। ତା' ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗରିବ ଲୋକଙ୍କ ପାଖରୁ ମନ ଫେରାଇ ନେଇଛନ୍ତି ବୋଲି ରାହୁଲ ଗାନ୍ଧୀ ଅଭିଯୋଗ କରିଛନ୍ତି।
ଆନ୍ଦୋଳନ ସମ୍ପର୍କରେ ସୋସିଆଲ୍ ମିଡିଆ ଏକ୍ସରେ ପୋଷ୍ଟ କରି ରାହୁଲ ଲେଖିଛନ୍ତି “ଆଜି ମୋଦୀ ସରକାର ଗରିବ ଏବଂ ଖଟିଖିଆ ଲୋକଙ୍କ ଠାରୁ ମୁହଁ ଫେରାଇ ନେଇଛନ୍ତି। ଏବଂ ଏମାନଙ୍କୁ ତାଙ୍କ ଭାଗ୍ୟ ଉପରେ ସେମିତି ଛାଡ଼ି ଦେଇଛନ୍ତି। ସରକାରଙ୍କ ସମ୍ପୂର୍ଣ୍ଣ ଧ୍ୟାନ କେବଳ କିଛି ନିର୍ଦ୍ଦିଷ୍ଟ ପୁଞ୍ଜିପତିଙ୍କୁ ଅଧିକ ସମୃଦ୍ଧ କରିବାରେ ରହିଛି। ଏହି କାରଣରୁ ଆର୍ଥିକ ଅସମାନତା କ୍ରମାଗତ ଭାବେ ବୃଦ୍ଧି ପାଉଛି। ଯେଉଁ ଶ୍ରମିକମାନେ ଦେଶ ପାଇଁ ନିଜ ରକ୍ତ ଓ ଝାଳ ଦେଉଛନ୍ତି ସେମାନଙ୍କ ଅବସ୍ଥା ବିଗିଡି ଯାଉଛି। ସେମାନେ ଭଳି ଭଳି ଅତ୍ୟାଚାର ସହିବାକୁ ବାଧ୍ୟ ହେଉଛନ୍ତି। ଏଭଳି ପରିସ୍ଥିତିରେ ସେମାନଙ୍କୁ ନ୍ୟାୟ ଏବଂ ଅଧିକାର ଦେବା ପାଇଁ ଦୃଢ଼ ଭାବରେ ସ୍ୱର ଉତ୍ତୋଳନ କରିବା ଆମର ଦାୟିତ୍ୱ। ଏହି ଚିନ୍ତାଧାରା ସହିତ, ଆମେ #ୱାଇଟ୍ ଟିସାର୍ଟ ମୋଭମେଣ୍ଟ ଆରମ୍ଭ କରୁଛୁ। ତେଣୁ ମୁଁ ମୋର ଯୁବକ ଏବଂ ଖଟିଖିଆ ଶ୍ରେଣୀର ବନ୍ଧୁମାନଙ୍କୁ ଅନୁରୋଧ କରୁଛି ଯେ ସେମାନେ ଏହି ଆନ୍ଦୋଳନରେ ଉତ୍ସାହର ସହିତ ଯୋଗ ଦିଅନ୍ତୁ। ଏହି ଆନ୍ଦୋଳନରେ ଯୋଗଦେବା ଏବଂ ଏହା ସହ ଜଡିତ ବିସ୍ତୃତ ସୂଚନା ପାଇଁ, ଏହି ଲିଙ୍କ୍ ଭିଜିଟ୍ କରନ୍ତୁ।”
ରାହୁଲ ଗାନ୍ଧୀ ଏକ୍ସରେ ପୋଷ୍ଟ କରିଥିବା ଭିଡିଓରେ ଭଏସ ଓଭର ମେସେଜରେ କୁହାଯାଇଛି “ଆପଣ ଯଦି ଆର୍ଥିକ ନ୍ୟାୟକୁ ବିଶ୍ୱାସ କରନ୍ତି,ଆର୍ଥିକ ଅସମାନତାକୁ ବିରୋଧ କରନ୍ତି ତେବେ ସମସ୍ତ ଭେଦଭାବକୁ ପ୍ରତ୍ୟାକ୍ଷାନ କରି ଦେଶରେ ଶାନ୍ତି ଓ ସ୍ଥିରତା ପାଇଁ ପ୍ରୟାଶ କରନ୍ତୁ। ଧଳା ଟି-ଶାର୍ଟ ପିନ୍ଧନ୍ତୁ ଏବଂ ଆନ୍ଦୋଳନରେ ଯୋଗ ଦିଅନ୍ତୁ।”
आज मोदी सरकार ने ग़रीब और मेहनतकश वर्ग से अपना मुंह मोड़ लिया है और उन्हें पूरी तरह से उनके हाल पर छोड़ दिया है। सरकार का पूरा ध्यान सिर्फ़ गिने चुने पूंजीपतियों को ही और समृद्ध करने पर है।
— Rahul Gandhi (@RahulGandhi) January 19, 2025
इस वजह से असमानता लगातार बढ़ती जा रही है और खून-पसीने से देश को सींचने वाले श्रमिकों की… pic.twitter.com/RNMcOuAfYF
ହ୍ୱାଇଟ୍ ଟି-ଶାର୍ଟ ମୁଭମେଣ୍ଟରେ ମଧ୍ୟ ଏକାଧିକ ମେସେଜ୍ ରହିଛି। ଯେଉଁଥିରେ ହ୍ୱାଇଟ୍ ଟି-ଶାର୍ଟ କେବଳ କପଡ଼ାର ଏକ ଖଣ୍ଡନ ନୁହେଁ, ବରଂ ଦଳର ପାଞ୍ଚଟି ମାର୍ଗଦର୍ଶିକା - ଦୟା, ଏକତା, ଅହିଂସା, ସମାନତା ଏବଂ ସମସ୍ତଙ୍କ ଉନ୍ନତି। ଏହି ମୂଲ୍ୟବୋଧ ଭାରତର ସେହି ୮୦୦୦ ବର୍ଷ ପୁରୁଣା ସଭ୍ୟତାର ଉତ୍ସାହକୁ ପ୍ରତିଫଳିତ କରୁଛି, ଯାହା ସମନ୍ୱୟ ଏବଂ ବିବିଧତା ଉପରେ ଆଧାରିତ। ଏଥିରେ ଆହୁରି କୁହାଯାଇଛି ଯେ ଆଜି ରୋଜଗାର,ଜାତି, ଧର୍ମରେ ଅସମାନତା ବୃଦ୍ଧି ପାଉଛି। ତେଣୁ ଏହା ବିରୋଧରେ କାର୍ଯ୍ୟାନୁଷ୍ଠାନର ଆବଶ୍ୟକତା ରହିଛି ବୋଲି ୱେବ୍ସାଇଟ୍ରେ କୁହାଯାଇଛି।
ଏଥିରେ ଆହୁରି କୁହାଯାଇଛି ଆମର ପ୍ରତିବଦ୍ଧତା ଧର୍ମ ଓ କର୍ମର ଦର୍ଶନରୁ ଉତ୍ପନ୍ନ ହେବା ଆବଶ୍ୟକ। ଧର୍ମର ଅର୍ଥନ ହେଉଛି ନିଃସ୍ୱାର୍ଥପର ଭାବରେ ସମାଜର ସେବା କରିବା। ସେହିପରି କର୍ମ ହେଉଛି ଅଧିକାର କାଏମ ରଖିବାର ସଂକଳ୍ପ ନେବା ଏବଂ ନ୍ୟାୟ ପାଇଁ ଲଢ଼େଇ କରିବା। ଏହି ୫ଟି ସିଦ୍ଧାନ୍ତରେ ଏମିତି ଏକ ମସାଜ ନିର୍ମାଣ ହୋଇପାରିବ ଯେଉଁଠି ପ୍ରତ୍ୟେକ ବ୍ୟକ୍ତିର ମହତ୍ୱ ଦିଆଯିବ। କିଛି ଲୋକଙ୍କ ନିହିତ ସ୍ୱାର୍ଥ ପାଇଁ ସ୍ୱାଧୀନତାକୁ ବାନ୍ଧି ରଖି ହେବ ନାହିଁ।
ୱେବ୍ସାଇଟ୍ରେ ଦେଶବାସୀଙ୍କୁ ଶେଷ ମେସେଜ୍ ଦେଇ କୁହାଯାଇଛି ଯେ ଆସନ୍ତୁ ସମସ୍ତେ ଏହି ପରିବର୍ତ୍ତନର ବାହକ ହେବା ଏବଂ ଗର୍ବର ସହିତ ଏହି ଜୀବନଶୈଳୀକୁ ଗ୍ରହଣ କରିବା। ଧଳା ଟି-ସାର୍ଟ ଆମର ପ୍ରତୀକ - ଏକ ନ୍ୟାୟପୂର୍ଣ୍ଣ ଏବଂ ଏକୀକୃତ ଭାରତ ପାଇଁ ଆହ୍ୱନ।
ଏହାକୁ ପିନ୍ଧି ଆମେ ଭରତ ଯୋଡୋଙ୍କ ଉତ୍ସାହକୁ ସମ୍ମାନିତ କରୁ, ଯାହା ଭାରତ ଯୋଡୋ ଯାତ୍ରାର ଲକ୍ଷ୍ୟକୁ ପ୍ରତିଫଳିତ କରେ। ଯାହାର ଲକ୍ଷ୍ୟ ବିଭାଜନକୁ ଦୂର କରିବା ଏବଂ ଏକ ସମନ୍ୱିତ, ସମାନ ରାଷ୍ଟ୍ର ଗଠନ କରିବା ଏହାର ଲକ୍ଷ୍ୟ।
