ଅନ୍ୟ ରାଜ୍ୟରେ ବି ଲମ୍ୱିଛି ସିକନ୍ଦରର ମାୟା ଜାଲ, ୨ ଘଣ୍ଟାର ଚଢ଼ାଉରେ ମିଳିଛି ସଫଳତା

ଜଗତସିଂହପୁର ୨୧/୧୧: କୁଆଡେ ଗଲା ସିକନ୍ଦର? ବାହାର ରାଜ୍ୟକୁ ଚାଲିଗଲା କି ଆଲାମ? ଫେରାର୍ ସିକନ୍ଦରର ବେରାହିମପୁର ବାସଗୃହରେ ପୋଲିସ କରିଛି ଖାନ୍‌ତଲାସି । ପୁରୁଣା ଭୋଟର ପରିଚୟ ପତ୍ର ସହ ପୋଲିସ ପାଇଛି ଆଉ କିଛି କାଗଜପତ୍ର । ପୋଲିସ ସିକନ୍ଦରର ବ୍ୟାଙ୍କ୍ ଜମାଖାତା ନେଣଦେଣ ଜାଣିବା ପାଇଁ ସ୍ଥାନୀୟ କଲେଜ ଛକ ନିକଟ ବ୍ୟାଙ୍କ୍‌କୁ ଲେଖିଛି ଚିଠି । ହେଲେ ସିକନ୍ଦରର କିଛି ବ୍ୟାଙ୍କ୍ ଜମାଖାତା କୋଲକାତା, ଚେନ୍ନାଇ ଓ ମୁମ୍ବାଇରେ ଥିବାରୁ ପୋଲିସକୁ ମିଳିପାରିନି ବିଶେଷ ସଫଳତା । ଜଣେ ବରିଷ୍ଠ ପୋଲିସ ଅଧିକାରୀ ଏନେଇ ସ୍ପଷ୍ଟ କରିଛନ୍ତି ।

ପାଖାପାଖି ୨ ଘଣ୍ଟା ଧରି ତରିକୁନ୍ଦର ବେରାହିମପୁରସ୍ଥିତ ସିକନ୍ଦରର ବାସଗୃହରେ ପୋଲିସ କରିଥିଲା ଖାନତଲାସୀ ବେଳେ ସାମ୍ନାକୁ ଆସିଥିଲେ ସିକନ୍ଦରଙ୍କସଂପର୍କୀୟା ଓ ତାଙ୍କ ମା’ । ତେବେ ସିକନ୍ଦରଙ୍କ ପତ୍ନୀଙ୍କୁ ପୋଲିସ ପାଇନଥିଲେ । ସିକନ୍ଦରଙ୍କ ପୁଅକୁ ଦେଖିଥିଲେ । ଏହି ତିନି ସଂପର୍କୀୟା ମହିଳାଙ୍କର ସନ୍ତାନ ବି ସିକନ୍ଦର ଘରେ ଥିଲେ । ସିକନ୍ଦରର ଶିକ୍ଷା ନିକଟ ଏକ ବିଦ୍ୟାଳୟରେ ହୋଇଥିଲା । ତରିକୁନ୍ଦର ଏକ କଲେଜରେ ଯୁକ୍ତ ୨ ପଢ଼ୁଥିଲା ହେଲେ ପରୀକ୍ଷାରେ ପାସ୍ କରିପାରିନଥିଲା ।

ପରୀକ୍ଷା ସମୟରେ ପରୀକ୍ଷା ପରିଚାଳକଙ୍କୁ ମାଡ଼ ମାରିଥିଲା । ଭୟରେ କଲେଜ କର୍ତ୍ତୃପକ୍ଷ ସିକନ୍ଦର ବିରୋଧରେ ଆଇନର ଆଶ୍ରୟ ନେଇନଥିଲେ । ଅପରପକ୍ଷେ ପୂର୍ବରୁ ମର୍ଚ୍ଚାଣ୍ଟ ନାଭିରେ ଥିବାରୁ ସିକନ୍ଦର ଜଳପଥରେ ଦେଶ ବାହାରକୁ ପଳାଇ ଯିବାର ଆଶଙ୍କା ପ୍ରକାଶ ପାଇଛି । ସେ ଥିନେଇ ପୁଲିସ ଲୁକ୍ଆଉଟ୍ ନୋଟିସ୍ ଜାରି କରିବାକୁ ଚିନ୍ତା ଏସ୍ପି ଅଙ୍କିତ କୁମାର ବର୍ମା ଗଣମାଧ୍ୟମକୁ କହିଛନ୍ତି । ପୋଲିସ ରଘୁନାଥପୁରର କୁଆମଙ୍ଗା ଯାଇଥିଲେ । ସେଠାରେ କୁଆଡ଼େ ସିକନ୍ଦର ନୂଆ ଘର କରିଛନ୍ତି ।

କିନ୍ତୁ ପୋଲିସ ସେଠାରେ ପହଞ୍ଚିବା ବେଳକୁ ଉକ୍ତ ଘରେ ତାଲା ପଡ଼ିଥିଲା । ଅଦ୍ୟାବଧି ସିକନ୍ଦର ଓ ଅବଦୁଲ୍ ବିରୋଧରେ ପୋଲିସ ନିଜ ଆଡ଼ୁ ଦୁଇଟି ମାମଲା ରୁଜୁ କରିଛି । ପୋଲିସ ରେକର୍ଡରେ ଦର୍ଶାଯାଇଛି ଯେ, ଦୁଇ ଭାଇ ଗ୍ୟାଙ୍ଗ୍ ଗଢ଼ି ମାନବ ଚାଲାଣ ରାକେଟ୍ ଚଳାଇଥିଲେ । ନକଲି କାଗଜପତ୍ର ବଳରେ ଅନେକ ବାଂଲାଦେଶୀଙ୍କୁ ଆଣୁଥିଲେ । ପରେ ଛୋଟ ମୋଟ କାମରେ ଲଗାଇ ବଟି ଜୁଲମ, ନିର୍ଯାତନା, ଶୋଷଣ ଆଦି କରୁଥିଲେ । ବେଆଇନ ମଦ୍ରାସା ବି ଚଳାଉଥିଲେ ।

ପୋଲିସକୁ ଆକ୍ରମଣ କରିବା ଅଭିଯୋଗରେ ସିକନ୍ଦରର ଦୁଇ ଭଉଣୀ କେନ୍ଦ୍ରାପଡ଼ା ପାଟକୁରା ଔଜଙ୍ଗାର ଗିରଫ ହୋଇଛନ୍ତି । ଅନ୍ୟମାନେ ଫେରାର ଅଛନ୍ତି । ସିକନ୍ଦରର ବହୁ ବେଆଇନ ଘରକୁ ପ୍ରଶାସନ ଧ୍ୱଂସ କରି ଦେଇଛି । ପିସ୍ତଲ, ମାରଣାସ୍ତ୍ର ସାଙ୍ଗକୁ ଖାଲି କଫ ସିରପ୍ ବୋତଲ, କଣ୍ଡୋମ, ଗର୍ଭ ନିରୋଧକ ବଟିକା ବି ପୋଲିସ ଜବତ କରିଛି ।