ନୂଆଦିଲ୍ଲୀ ୦୭/୦୫: ଆହୁରି ଉନ୍ନତ ହେବ ପେମେଣ୍ଟ ଆପ୍ Paytm । ବର୍ତ୍ତମାନ ଦେଶର ଅନ୍ୟ ଚାରୋଟି ଅଗ୍ରଣୀ ବ୍ୟାଙ୍କ ସମର୍ଥନ ସେ ହାସଲ କରିବାକୁ ଯାଉଛି ନୂତନ ଉପଲବ୍ଧୀ । ଏହି ପ୍ରମୁଖ ବ୍ୟାଙ୍କଗୁଡିକ ସହିତ କାର୍ଯ୍ୟ କରି ପେଟିଏମର ସେବା ପୂର୍ବ ଅପେକ୍ଷା ଉନ୍ନତ ହୋଇଛି । 

ବର୍ତ୍ତମାନ ଗ୍ରାହକମାନେ ପେଟିଏମ୍ ଆପ୍ ମାଧ୍ୟମରେ UPI ପେମେଣ୍ଟ କରିବା ପାଇଁ ନିଶ୍ଚିତ ଭାବରେ ଶତ ପ୍ରତିସତ କ୍ୟାସବ୍ୟାକ୍ ସେବା ପାଇପାରିବେ । Paytm ବ୍ୟବହାର କରି ଆପଣ ସମସ୍ତ ପ୍ରକାରର UPI ଦେୟ ଅତି ସହଜରେ କରିପାରିବେ । ପେଟିଏମ୍ ମାଧ୍ୟମରେ ଆପଣ ସହଜରେ ଆପଣଙ୍କର ୟୁଟିଲିଟି ବିଲ୍ ପୈଠ କରିପାରିବେ । 

ଆପଣ ଆପଣଙ୍କର ପ୍ରିପେଡ୍ ମୋବାଇଲ୍ ରିଚାର୍ଜ କରିପାରିବେ ଏବଂ ବିଦ୍ୟୁତ୍ ବିଲ୍ ବି ଦେଇପାରିବେ । ଏହା ସହିତ, DTH ରିଚାର୍ଜ ଏବଂ ଗ୍ୟାସ୍ ସିଲିଣ୍ଡର ବୁକିଂ ଭଳି କାର୍ଯ୍ୟ ମଧ୍ୟ ପେଟିଏମ୍ ମାଧ୍ୟମରେ ସହଜରେ କରାଯାଇପାରିବ । ତୃତୀୟ ପକ୍ଷ ଆବେଦନ ପ୍ରଦାନକାରୀ (TPAP) ଭାବରେ କାର୍ଯ୍ୟ କରିବାକୁ ପେଟିଏମ୍ NPCI ରୁ ମଞ୍ଜୁରୀ ମିଳିଛି । 

ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (NPCI) ଦେଶର ଚାରୋଟି ବ୍ୟାଙ୍କ ସହିତ TPAP ଭାବରେ କାମ କରିବାକୁ ପେଟିଏମ୍ ର ପ୍ୟାରେଣ୍ଟ୍ କମ୍ପାନୀ One97 କମ୍ୟୁନିକେସନ୍‌କୁ ଅନୁମୋଦନ କରିଛି । ଏହି ଚାରୋଟି ବ୍ୟାଙ୍କ ହେଉଛି-ଆକ୍ସିସ୍ ବ୍ୟାଙ୍କ, HDFC ବ୍ୟାଙ୍କ, ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଏବଂ ୟେସ୍ ବ୍ୟାଙ୍କ ।