ନୂଆଦିଲ୍ଲୀ ୨୮/୫: ବିଶ୍ବର ପ୍ରାୟ ସବୁ ସ୍ଥାନରେ ଭାରତୀୟ ବସବାସ କରନ୍ତି । ଯେଉଁ କୋଣକୁ ବି ଯାଆନ୍ତୁ ସେଠାରେ ଜଣେ କି ଦୁଇ ଜଣ ଭାରତୀୟ ନିଶ୍ଚୟ ଥିବେ । ଏସିଆ ଠାରୁ ଆରମ୍ଭ କରି ଆଫ୍ରିକା ୟୁରୋପ, ସବୁଠି ଭାରତୀୟମାନେ ପ୍ରଭାବ ବିସ୍ତାର କରି ରହିଆସୁଛନ୍ତି । ହେଲେ ଆପଣ ଜାଣନ୍ତି କି ବିଶ୍ବରେ ଏମିତି କେତୋଟି ଦେଶ ରହିଛି ଯେଉଁଠି ନାହାନ୍ତି ଭାରତୀୟ
ଲିଷ୍ଟରେ ସବୁଠୁ ପ୍ରଥମ ନାମ ୟୁରୋପୀୟ ଦେଶ ଭାଟିକାନ ସିଟି, ଯେଉଁଟି ରୋମାନ କ୍ୟାଥଲିକ ଧର୍ମର ଲୋକମାନେ ରୁହନ୍ତି । ଦେଶର ଜନସଂଖ୍ୟା ବହୁତ କମ । ଆଶ୍ଚର୍ଯ୍ୟର କଥା ଭାରତୀୟମାନେ ଏଠାକୁ କେବଳ ବୁଲିବାକୁ ଆସନ୍ତି ସତ ହେଲେ କେହି ରହିବାକୁ ପସନ୍ଦ କରନ୍ତି ନାହିଁ । ଭାରତୀୟଙ୍କୁ ଦେଖିବାକୁ ମିଳୁନଥିବା ଆଉ ଏକ ଦେଶ ହେଉଛି ଇଟାଲିର ସାନ ମାରିନୋ । ଏହାର ଜନସଂଖ୍ୟା ୩ ଲକ୍ଷ ୩୫ ହଜାର ୬୨୦ । ଏଠାରେ କେବଳ ଭାରତୀୟମାନେ ପର୍ଯ୍ୟଟକ ହୋଇ ବୁଲିବାକୁ ଆସନ୍ତି ।
ଦକ୍ଷିଣ ପୂର୍ବ ୟୁରୋପରେ ଥିବା ବୁଲଗେରିଆ ଯେଉଁଠି ଅଧିକାଂଶ ଲୋକ ଇଶାଇ ଧର୍ମାବଲମ୍ବୀ । ଏଠାରେ ଭାରତୀୟ ରାଷ୍ଟ୍ରଦୂତଙ୍କ ବ୍ୟତୀତ କେହି ବସବାସ କରନ୍ତି ନାହିଁ । ଏଲିସ ଆଇସଲ୍ୟାଣ୍ଡ ନାମରେ ଜଣାଶୁଣା ଦେଶ ତୁଭାଲୁରେ ପ୍ରାୟ ୧୨ ହଜାର ଲୋକ ରହୁନ୍ତି । ୧୯୭୮ରେ ସ୍ବାଧୀନ ହୋଇଥିବା ଏହି ଦେଶରେ ଭାରତୀୟ ନାହାନ୍ତି । ଭାରତର ପଡୋଶୀ ଦେଶ ପାକିସ୍ତାନ । ୨ଦେଶ ମଧ୍ୟରେ ସଂପର୍କ ଭଲ ନଥିବାରୁ ଏଠାରେ କୋଣସି ଭାରତୀୟ ରହିବାକୁ ପସନ୍ଦ କରନ୍ତି ନାହିଁ । କେବଳ ଭାରତୀୟ ରାଷ୍ଟ୍ରଦୂତ,କୂଟନୈତିଜ୍ଞ ଓ କଏଦୀଙ୍କ ଛଡା କେହି ଭାରତୀୟ ନାହାନ୍ତି ।
