ବୌଦ୍ଧ ୦୯।୦୪: ବୌଦ୍ଧ ଜିଲ୍ଲା କଣ୍ଟାମାଳ ଥାନା ଲମ୍ବସରି ଛକ ନିକଟରେ ଦୁର୍ଘଟଣା ଦୁର୍ଘଟଣା । ବାଇକକୁ ଧକ୍କା ଦେଲା ବସ୍। ଘଟଣାସ୍ଥଳରେ ଜଣେ ବାଇକ୍ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ବାଇକ୍ ଆରୋହୀ ଗୁରୁତର ହୋଇଛନ୍ତି। ମୃତକ ବିଚିଦା ଗାଁର ବାଲ୍ମୀକି ମହାନନ୍ଦିଆ । ଗୁରୁତର ପ୍ରଶାନ୍ତ ମହାନନ୍ଦିଆ ସୋନପୁର ସ୍ଥାନାନ୍ତର ।
ଖବର ଅନୁଯାୟୀ, କଣ୍ଟାମାଳ ଥାନା ବିଚିଦା ଗାଁର ବାଲ୍ମୀକି ମହାନନ୍ଦିଆ ଓ ପ୍ରଶାନ୍ତ ମହାନନ୍ଦିଆ ଏକ ବାଇକ୍ ଯୋଗେ କଣ୍ଟାମାଳ କୌଣସି କାମରେ ଯାଉଥିଲେ । ଏହି ସମୟରେ ଲମ୍ବସରୀ ଛକ ନିକଟରେ ବାଇକ୍ ସହିତ ଧକ୍କା ହୋଇଥିଲା ବସ୍ । ଯାହାଫଳରେ ଘଟଣାସ୍ଥଳରେ ବାଲ୍ମୀକି ମହାନନ୍ଦିଆଙ୍କ ମୃତ୍ୟୁ ହୋଇଥିବା ବେଳେ ଗୁରୁତର ପ୍ରଶାନ୍ତ ମହାନନ୍ଦିଆଙ୍କୁ ୧୦୮ ଆମ୍ବୁଲାନ୍ସ ଯୋଗେ ପ୍ରଥମେ କଣ୍ଟାମାଳ ସ୍ବାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଥିଲେ । ହେଲେ ସେଠାରେ ତାଙ୍କ ଅବସ୍ଥା ସଙ୍କଟାପନ୍ନ ଥିବାରୁ ସୋନପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଘଟଣାସ୍ଥଳରେ କଣ୍ଟାମାଳ ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଛି।
