ଜୁବିନ ଗର୍ଗଙ୍କ ମୃତ୍ୟୁ ମାମଲାରେ ନୂଆ ଟ୍ୱିଷ୍ଟ : ଷଡ଼ଯନ୍ତ୍ର ଓ ବିଷ ଦେବାର ଅଭିଯୋଗ , ସାଥିଙ୍କ ଆଶ୍ଚର୍ଯ୍ୟକର ବୟାନ

ନୂଆଦିଲ୍ଲୀ – ଆସାମର ପ୍ରସିଦ୍ଧ ତଥା ଲୋକପ୍ରିୟ ଗାୟକ ଜୁବିନ ଗର୍ଗଙ୍କର ମୃତ୍ୟୁ ମାମଲାରେ ନୂଆ ଟ୍ୱିଷ୍ଟ ଆସିଛି। ତାଙ୍କ ବ୍ୟାଣ୍ଡର ଜଣେ ସାଥି ଗର୍ଗଙ୍କ ମୃତ୍ୟୁ ମାମଲାରେ ଷଡ଼ଯନ୍ତ୍ର ରଚିବା ଓ ବିଷ ଦେବାର ଆଶ୍ଚର୍ଯ୍ୟକର ଅଭିଯୋଗ କରିଛନ୍ତି। ସିଏନଏନ-ନ୍ୟୁଜ୍‌ ୧୮ର ଏକ ରିପୋର୍ଟରେ ଟିମ୍‌ର ଜଣେ ସାଥିଙ୍କ ସାକ୍ଷ୍ୟ ଓ ଏଥିରେ ଜଡ଼ିତ ରିମାଣ୍ଡ ନୋଟ୍‌କୁ ଉଦ୍ଦୃତ କରି କୁହାଯାଇଛି ଯେ, ଏହି ଲୋକପ୍ରିୟ ଗାୟକଙ୍କ ସହ ଷଡ଼ଯନ୍ତ୍ର ରଚାଯାଇ ଥିଲା ଏବଂ ତାଙ୍କ ମୃତ୍ୟୁ ଉପରେ ପରଦା ପକାଇବାକୁ ଷଡ଼ଯନ୍ତ୍ର ହୋଇଥିଲା।

ରିପୋର୍ଟରେ କୁହାଯାଇଛି ଯେ, ମାମଲାରେ ମୁଖ୍ୟ ସାକ୍ଷୀ ତଥା ଜଣେ ବ୍ୟାଣ୍ଡ ସଦସ୍ୟ ଶେଖର ଜ୍ୟୋତି ଗୋସ୍ୱାମୀ ସିଦ୍ଧାର୍ଥ ଶର୍ମା ଓ ଶ୍ୟାମକାନୁ ମହନ୍ତ ନାମକ ଦୁଇ ଜଣ ବ୍ୟକ୍ତିଙ୍କ ଉପରେ ଜୁବିନ ଗର୍ଗଙ୍କୁ ବିଷ ଦେଇଥିବା ଅଭିଯୋଗ ଲଗେଇଛନ୍ତି। ଗୋସ୍ୱାମୀ ମାମଲାର ଯାଞ୍ଚ କରୁଥିବା ଏସଆଇଟି ସମ୍ମୁଖରେ ଦାବି କରିଛନ୍ତି ଯେ ବିଦେଶର ଚୟନ ଏହି ହତ୍ୟାକାଣ୍ଡକୁ ଲୁଚାଇବା ଓ ମୃତ୍ୟୁକୁ ଦୁର୍ଘଟଣାର ରୂପ ଦେବା ପାଇଁ କରାଯାଇ ଥିଲା। ସ୍ୱତନ୍ତ୍ର ତଦନ୍ତକାରୀ ଟିମ୍‌ ନର୍ଥ ଇଷ୍ଟ ଇଣ୍ଡିଆ ଫେଷ୍ଟିଭାଲ ଆୟୋଜିତ ଟିମ୍‌ର ତିନି ସଦସ୍ୟଙ୍କୁ ଶୁକ୍ରବାର ପଚରାପଚରି କରିଥିଲେ। ଏଥିରେ ଶେଖର ଜ୍ୟୋତି ଗୋସ୍ୱାମୀ ମଧ୍ୟ ସାମିଲ ରହିଥିଲେ। ଗର୍ଗଙ୍କ ସହ ସିଙ୍ଗାପୁର ଯାଇଥିବା ଏହି ତିନି ଜଣ ଲୋକଙ୍କୁ କୋର୍ଟ ୧୪ ଦିନର ପୁଲିସ ହେପାଜତରେ ପଠାଇଛି।

ଗୋସ୍ୱାମୀ ଜୋର ଦେଇ କହିଛନ୍ତି ଯେ, ଜୁବିନ ଗର୍ଗ ଜଣେ ଦକ୍ଷ ପହଁରାଳି ଥିଲେ ଏବଂ ତାଙ୍କର ସ୍ୱାଭାବିକ ଭାବେ ବୁଡ଼ି ଯାଇ ମୃତ୍ୟୁ ହୋଇ ପାରିବ ନାହିଁ। ଏଥିରୁ ଏହା ବିଶ୍ୱାସ ଆହୁରି ସ୍ପଷ୍ଟ ହୁଏ ଯେ,ତାଙ୍କର ମୃତ୍ୟୁ ଆକସ୍ମିକ ନଥିଲା। ସେ ଅଭିଯୋଗ କରିଛନ୍ତି ଯେ, ଶର୍ମା କଥିତ ଭାବେ ନୌକା ଦୁର୍ଘଟଣର କୌଣସି ବି ଭିଡିଓ ଫୁଟେଜ୍‌ କାହା ସହ ସେୟାର ନକରିବାକୁ କଡ଼ା ନିର୍ଦ୍ଦେଶ ଦେଇଥିଲେ।

ରିପୋର୍ଟ ମୁତାବିକ, ଯେବେ ଏସ୍‌ଆଇଟି ଶର୍ମାଙ୍କ ଠାରୁ ଏହି ମାମଲାରେ ପଚରାପଚରି କଲା ତ ଶର୍ମା ସନ୍ତୋଷଜନକ ଜବାବ ଦେଇ ପାରି ନଥିଲେ। ସାକ୍ଷୀଙ୍କର ଦାବି ଯେ, ଶର୍ମା ତନ୍ମୟ ଫୁକନଙ୍କୁ ଡ୍ରିଙ୍କସ୍‌ ର ବ୍ୟବସ୍ଥା  ନକରିବାକୁ ନିର୍ଦ୍ଦେଶ ଦେଇଥିଲେ, ଏହା କହିଥିଲେ ଯେ, ସେ ଏକୁଟିଆ ପାନୀୟ ପଦାର୍ଥ ଉପଲବ୍ଧ କରାଇବା ଏବଂ କେହି ଦ୍ୱିତୀୟ ବ୍ୟକ୍ତି ଏଥିରେ ହସ୍ତକ୍ଷେପ କରିବେ ନାହିଁ।