ନୂଆଦିଲ୍ଲୀ ୧୨/୦୪: ଆଇପିଏଲ ୨୦୨୫ ଅଧାରୁ ଚେନ୍ନାଇ ସୁପର କିଙ୍ଗ୍ସ ପରିବର୍ତ୍ତନ କରିଛି ଅଧିନାୟକ । ୧୧ ଏପ୍ରିଲରେ କେକେଆର ବିପକ୍ଷରେ ଖେଳାଯାଇଥିବା ମ୍ୟାଚ୍ ରେ ଏମ୍ଏସ୍ ଧୋନି ଅଧିନାୟକ ଥିଲେ । ୨୦୨୩ ପରେ ଆଇପିଏଲରେ ଏହା ପ୍ରଥମ ଥର ଥିଲା ଯେ, ଏମଏସ ଧୋନି ଦଳର ଦାୟିତ୍ୱ ନେଇଥିଲେ। କିନ୍ତୁ ସେ ଦଳକୁ ବିଜୟ ପଥରେ ନେଇପାରିଲେ ନାହିଁ। ଏହି ସିଜିନରେ, CSK ଦଳ କ୍ରମାଗତ ପଞ୍ଚମ ପରାଜୟ । ଫଳରେ ପ୍ଲେଅଫ୍ ଦୌଡ଼ରେ ପଛରେ ରହିଛି ସିଏସ୍କେ । କେକେଆର ବିପକ୍ଷରେ ସିଏସକେ ଦଳର ଲଜ୍ଜାଜନକ ପ୍ରଦର୍ଶନ କରିଥିଲା । ଫଳରେ ପରାଜୟ ପରେ ଧୋନି ନିଜ ଦଳ ଉପରେ ପ୍ରଶ୍ନ ଉଠାଇଥିଲେ।
ପରାଜୟ ଉପରେ ଧୋନି କ'ଣ କହିଲେ?
ଗତ ସିଜିନ ଠାରୁ ଆଇପିଏଲରେ ଖେଳ ବହୁତ ପରିବର୍ତ୍ତନ ହୋଇଛି । ଏବେ ୨୦୦ ରନ୍ କରିବା ଏକ ସାଧାରଣ କଥା ହୋଇଗଲାଣି। ମ୍ୟାଚ୍ର ପ୍ରଥମ ବଲ୍ରୁ ବ୍ୟାଟ୍ସମ୍ୟାନମାନେ ଆକ୍ରମଣାତ୍ମକ ବ୍ୟାଟିଂ କରନ୍ତି । କିନ୍ତୁ ଏହି ସିଜିନରେ CSK ପକ୍ଷରୁ ଏହା ଏପର୍ଯ୍ୟନ୍ତ ଦେଖାଯାଇ ନାହିଁ। ଟିମ୍ ମ୍ୟାଚ୍ ବହୁତ ଧୀରେ ଆରମ୍ଭ କରୁଛି । ଯେଉଁ କାରଣରୁ ସେ ଲଗାତାର ପରାଜୟର ସମ୍ମୁଖୀନ ହେଉଛନ୍ତି। କେକେଆର ବିପକ୍ଷରେ ମଧ୍ୟ, ସିଏସକେ ଦଳ ପାୱାରପ୍ଲେର ପ୍ରଥମ ୬ ଓଭରରେ ୨ ୱିକେଟ ହରାଇ କେବଳ ୩୧ ରନ କରିପାରିଥିଲା। ଏପରି ପରିସ୍ଥିତିରେ ଦଳର ପରାଜୟ ପରେ ଧୋନି ଏକ ବଡ଼ ବୟାନ ଦେଇଛନ୍ତି।
ଏମଏସ ଧୋନି କହିଛନ୍ତି 'ଆମେ କୌଣସି ବଡ଼ ପାର୍ଟନରସିପ୍ କରିପାରିଲୁନି । ଯେଉଁଥିପାଇଁ ଆମ ରେଜଲ୍ଟ ଖରାପ ହେଲା । ଆମର ବିଶ୍ୱାସ ଆମେ କମ୍ବ୍ୟାକ୍ କରିବୁ । ଗୁରୁତ୍ୱପୂର୍ଣ୍ଣ କଥା ହେଉଛି ପରିସ୍ଥିତିକୁ ଦେଖିବା । ଆମେ ଭଲ କରିଥିବା କିଛି ମ୍ୟାଚ୍ ଦେଖିବା । ନିଜ ଶକ୍ତିକୁ ସମର୍ଥନ କରିବା, ଯେଉଁ ସଟ୍ ପାରୁଛେ ସେହି ସଟ୍ ଖେଳିବା । ଆମର ଓପନରମାନେ ଭଲ ଓପନର । କିନ୍ତୁ ସେମାନେ ଲମ୍ବା ପ୍ରେସର ଦିଅନ୍ତି ନାହିଁ କିମ୍ବା ଲାଇନ ଆରପାରିକୁ ମାରିବାକୁ ଚେଷ୍ଟା କରନ୍ତି ନାହିଁ। ହେଲେ ସ୍କୋରବୋର୍ଡ ଦେଖି ଆମେ ନିଜ ଉପରେ ଚାପ ପକାଇବା ନାହିଁ । ଏହା ଗୁରୁତ୍ୱପୂର୍ଣ୍ଣ।
